AAKASA RAMANNA

శభాష్ టీటీడీ..!

2012-01-02T18:26:00.000+05:30

నూతన సంవత్సరం మొదటి రోజున తిరుమల శ్రీవారి దర్శనం చేసుకుందామని భక్త జనులందరూ తహ తహ లాడటం సహజమే.. అయితే ప్రతి సంవత్సరం వీఐపీ ల సేవతో తరిస్తూ సామాన్య భక్తులకి నరకం చూపించటమే ఆనవాయితీ గా పెట్టుకున్న టీ టీ డీ పాలక వర్గం ఈ నూతన సంవత్సర ప్రారంభాన కొద్దిగా ఆ పద్ధతిని మార్చటం హర్షణీయం. వీఐపీ పాసులు ఉన్న వారికి కూడా లఘు దర్శనం అమలు చేసి, వీఐపీ దర్శన ప్రహసనాన్ని గంటలోనే ముగించి, ఆ సమయాన్ని క్యూ లైన్ల లో ఉన్న భక్తులకి కేటాయించటం అభినందనీయం. అసలు భగవంతుని ముందు అందరూ సమానులే అన్న ప్రాధమిక సూత్రం విస్మరించి కొంత మందిని వీఐపీ లంటూ వర్గీకరణ చేయటమే అర్ధ రహితం. ఇంక నూతన సంవత్సరాది వంటి ముఖ్యమైన రోజుల్లో కూడా తమ ప్రాపకం వుపయోగించి, పాసు సంపాదించి, వేలాది ఇతర భక్తుల్ని ఇబ్బంది పెట్టి భగవంతుణ్ణి ముందుగా దర్శిస్తే వచ్చే పుణ్య మేమిటో ఆయా వీ ఐ పీ లకే తెలియాలి...పైగా వీఐపీ పాసు ఉన్న తమకి లఘు దర్శనం చేయించారని ఎంపీ రాయపాటి హుంకరించటం మూర్ఖత్వం. ఇటువంటి వారు కొద్ది రోజుల క్రితమే తిరుమల సందర్శించి వెళ్ళిన రిజర్వ్ బ్యాంకు గవర్నర్ దువ్వూరి సుబ్బారావు గారిని ఆదర్శంగా తీసుకోవాలి. అసలు తాను వస్తున్నట్లు సమాచారమే ఇవ్వకుండా నడక దారిలో కొండనెక్కిన దువ్వూరి ని ఆలయం వద్ద గుర్తు పట్టి, టీ టీ డీ యాజమాన్యం ప్రోటోకాల్ ప్రకారం ఆలయ మర్యాదలు చేయ బోయినా సున్నితంగా తిరస్కరించారాయన! ఆయన సంస్కారం ముందు రాయపాటి అధికారం ఏ పాటిది? ఒక మంచి కార్యానికి శ్రీకారం చుట్టిన టీటీడీ భవిష్యత్తులో కూడా రాజకీయుల, వీఐపీ ల తాకిడినుంచి భక్తులని, భగవంతుడినీ కూడా కాపాడే ప్రయత్నం చేస్తే బాగుంటుంది.

డిసెంబర్ 9 -- ఆంధ్రావని కి బ్లాక్ డే..

2011-12-09T09:26:00.001+05:30

పచ్చగా ఉన్న ఆంధ్ర రాష్ట్రం భగ్గుమనటం మొదలై నేటికి రెండేళ్ళు! కేంద్రం లోని యూపీఏ ప్రభుత్వానికి ఆక్సిజన్ లాగా 32 మంది ఎమ్పీలని అందించిన ఆంధ్ర రాష్ట్రానికి మేడం జన్మ దిన కానుకగా ఇచ్చిన మర్చి పోలేని కానుక ఇది....దొంగ దీక్షలకి మోస పోయి, తెలుగు వారిని విడ దీద్దామని ప్రకటించి భంగ పడిన రోజు ఇది....నాడు రగిలించిన రావణ కాష్టం నేటికి కూడా ఆరకుండా తెలుగు జాతి పరువు ప్రతిష్టలను నడి బజారున పడేస్తుండటం మిక్కిలి బాధాకరం. తాజాగా శాసన సభలో అవిశ్వాస తీర్మానం సందర్భంగా మజ్లిస్ నాయకుడు ఒవైసీ ప్రసంగం ఇక్కడ గమనార్హం. తమది సమైక్య వాదమే అని కుండ బద్దలు కొట్టిన మజ్లిస్ నేత, గత రెండేళ్లుగా వచ్చిన 30 వేల కోట్ల రూపాయల నష్టానికి బాధ్యులెవరని నిలదీశారు. (30 వేలన్నది మజ్లిస్ లెక్క. వాస్తవానికి మనం నష్ట పోయింది ఇంకా ఎక్కువ.) అలాగే హైదరాబాద్ బ్రాండ్ నేం ఏమయి పోయిందని ఆవేదన వెళ్లగక్కారు. నిజమే.. రెండేళ్ళ క్రితం వరకు మన హైదరాబాదు నగరం అభివృద్ది విషయంలో దేశంలో ఐదవ స్థానం.. మరి ఇప్పుడు? చెప్పుకుంటే సిగ్గు చేటు. దీనికి బాధ్యులెవరు? ఇంకెవరు? పర్యవసానాలు ఆలోచించకుండా తెలుగు జాతిని ముక్కలు చేసే ప్రకటన చేసిన కాంగ్రెస్ పార్టీదే ఈ బాధ్యత. అడుసు తొక్కనేల కాలు కడగనేల అన్న చందంగా తొందర పాటు ప్రకటన చేసేసి..ఆనక వెనక్కి తీసుకొని తద్వారా రాష్ట్రాన్ని ఉద్యమాల ఊబిలోకి దించి..తెలుగు ప్రజలందరికీ కష్ట నష్టాలని కలుగ జేసిన కాంగ్రెస్ పార్టీని తెలుగు జాతి ఎన్నటికీ క్షమించదు.

దైవాన్ని పూజించే పధ్ధతి ఇదేనా?

2011-12-02T10:11:00.001+05:30

రామ్ చరణ్, ఉపాసన ల నిశ్చితార్ధం అత్యంత వైభవోపేతంగా జరిగింది. సంతోషం. కానీ ఈ నిశ్చితార్ధ వేడుకల్లో జరిపించిన పూజ కార్యక్రమం సక్రమంగా లేదు. కామినేని ఉపాసన తాను కుర్చీలో కూర్చొని, దేవతని తన కాళ్ళ దగ్గర వుంచి పూలు విసురుతూ చేసిన పూజ దైవాపరాధమే అవుతుంది. కనీసం పూజ కార్యక్రమం జరిపించిన బ్రాహ్మణోత్తములకైనా ఇది తప్పుగా కనపడలేదా?

చప్రాసీలు మద్దతిచ్చినా రాదేమి తెలంగాణ?

2011-11-29T14:17:00.001+05:30

రోజు రోజుకీ తెలబాన్ నాయకుని నోటి దురుసు హద్దులు మీరుతోంది. తాజాగా ఆయన దేశ ప్రధానిని సైతం చప్రాసీ కున్న జ్ఞానం కూడా లేని వాడంటూ దూషించటం సహించరానిది. వినే వాళ్ళుంటే ఎన్ని పిట్ట కధలైనా చెప్తాడీ పిట్టల దొర! పార్లమెంటులో చప్రాసీలందరూ జై తెలంగాణా అంటున్నారట! ప్రధాన మంత్రికే ఆ జ్ఞానం లేదట! శభాష్.. పార్లమెంట్ ఎందుకు...ఐక్య రాజ్య సమితిలో చప్రాసీలు ఎవరైనా కూడా జై తెలంగాణా అంటున్నారేమో ఎవరైనా విచారించి పిట్టల దొరకి చెప్తే మంచిది కదా....

గుంటూరు రాష్ట్ర సాధనకై త్వరలో GRS (గుంటూరు రాష్ట్ర సమితి) పార్టీ ఆవిర్భావం!

2011-11-17T16:51:00.001+05:30

బ్లాగు బాబ్జీకి తగరపు వలస రాష్ట్రం కావాలట!

http://blaagubaabji.blogspot.com/2011/11/blog-post_11.html

మరి ఇంక మా గుంటూరుకేం తక్కువ! తక్షణం గుంటూరు జిల్లాని ప్రత్యెక రాష్ట్రంగా ప్రకటించాలన్న డిమాండుతో G.R.S. (గుంటూరు రాష్ట్ర సమితి) పార్టీ ఏర్పాటు చేయటానికి నిశ్చయించాం. ఇన్నాళ్ళూ, ఇన్నేళ్ళూ అభివృద్ధి అంతా పక్కనున్న విజయవాడకి మాత్రం చేస్తూ మా గుంటూరుని చిన్న చూపు చూడటంతో మా మనసులన్నీ గాయ పడ్డాయి. ఇంక దేబిరించితే ఏ మాత్రం ప్రయోజనం లేదని ఇక్కడి ప్రజలంతా ప్రత్యెక రాష్ట్రం ఇస్తే గానీ తమ సమస్యలు తీరవని గట్టిగా నిర్ణయించేసుకున్నారు. ప్రజల ఆకాంక్షలు నెరవేర్చడమే నాయకుల కర్తవ్యం కాబట్టి గుంటూరు రాష్ట్రం సాధించే దిశగా అడుగులు వేయాలని, పార్టీలకతీతంగా అందరు నాయకులు కలిసి ఐక్య కార్యాచరణ కమిటీని (JAC) ఏర్పాటు చేసే ప్రయత్నాల్లో వున్నారు. నాగార్జున విశ్వ విద్యాలయానికి చెందిన ప్రొఫెసర్ ఆనంద రాం ఈ కమిటీకి సారధ్యం వహించే అవకాశం వుంది.

మా డిమాండ్లు:

1 . గుంటూరు జిల్లాని సత్వరం ప్రత్యెక రాష్ట్రంగా ప్రకటించాలి.

2 . బ్రహ్మానంద రెడ్డి స్టేడియం లో ఎయిర్ పోర్టు ఏర్పాటు చెయ్యాలి.

3 . శంకర్ విలాస్ సెంటర్ లో సెక్రటేరియట్, గుజ్జన గుళ్ళలో గవర్నర్ బంగ్లా కట్టించాలి.

ఇంక పార్టీకి సరైన నాయకుడు దొరకటమే ఆలస్యం...ఉద్యమం మొదలై పోతుంది.. రాష్ట్రం అగ్ని గుండమై పోతుంది.. ఆ ఉద్యమానికి విజయవాడ నుంచి లగడపాటి, జగడపాటి లాంటి వారు ఎవరైనా అడ్డంకులు కల్పిస్తే పీకలు తెగ్గోస్తాం.. (నాలుకలు తెగ్గోస్తే రాష్ట్రం రాదని అనుభవ పూర్వకంగా తెలిసింది...అందుకని..) అయినా ఇక ఏ వాదనలు అనవసరం.. మా గుంటూరు మాక్కావాలే ..అంతే.. ప్రత్యెక గుంటూరు రాష్ట్రం తప్ప మరే విధమైన పదాన్నీ మా దగ్గర ఉచ్చరించడానికి వీల్లేదు..

ఆంధ్ర ప్రదేశ్ పై కాంగ్రెస్ భస్మాసుర హస్తం!

2011-11-09T22:18:00.000+05:30

సింగరేణి కార్మికులు, ఉపాధ్యాయులు, ప్రభుత్వ ఉద్యోగులు ఇంకా సకల జనులు సమ్మె చేసారు..కొండా లక్ష్మణ్ బాపూజీ దేశ రాజధానిలో, కోమటి రెడ్డి నల్లగొండ లో దీక్షలు చేసి విరమించేసారు. ఇన్ని జరిగినా కాంగ్రెస్ కి చీమ కుట్టినట్లయినా లేదు. అసలేమీ జరగనట్లే ఆజాద్ జాదూ అంటూ కాలక్షేపం చేస్తోంది. విచిత్రంగా తెలబాన్ శ్రేణులు కూడా ఉద్యమం మానేసి కాంగ్రెస్ నిర్ణయం కోసం చాతక పక్షుల్లా ఎదురు చూస్తున్నాయి. అసలు తెలంగాణా ఏర్పాటు విషయంలో కాంగ్రెస్ పార్టీ అభిప్రాయం అంత ముఖ్యమా అన్నది ఎవరూ ఆలోచించట్లేదు. కేంద్రం లో పూర్తి మెజారిటీ రాక చిన్న చితకా పార్టీల మద్దతుతో ప్రభుత్వాన్ని నెట్టుకొచ్చేస్తున్న కాంగ్రేసు పార్టీ ఒక రాష్ట్ర విభజన వంటి ముఖ్యమైన విషయంలో భాగస్వామ్య పక్షాలని సంప్రదించకుండా ఏ నిర్ణయం తీసుకోజాలదు. ఐతే డిసెంబరు 9 ప్రకటన ఎందుకు ఇచ్చినట్లు? రాజశేఖర రెడ్డి చని పోయిన తరువాత సానుభూతి అంశంతో జగన్ పైకి వస్తాడన్న అనుమానంతో ఇతర పార్టీలని కనీసం సంప్రదించకుండా కాంగ్రెస్ తెలంగాణా తేనె తుట్టెని కదిపింది. ఉవ్వెత్తున ఎగసిన నిరసనలకి వెరచి మళ్ళీ డిసెంబరు 23 ప్రకటనతో వెనక్కి తగ్గింది. కానీ జరిగిందేమిటి? రెండేళ్ళ పాటు రాష్ట్రం తగల బడింది. అభివృద్ది విషయంలో దశాబ్దాల వెనక్కి వెళ్లాం. ఇంక ఇప్పుడేమో జగన్ తన మీద సీబీఐ దాడులతోనూ, కేసులతోనూ ఉక్కిరి బిక్కిరి అవుతుండటంతో పాటు మరో రెండున్నరేళ్ళ పాటు ఎన్నికలు రావని చంద్ర బాబు భరోసా ఇవ్వటంతో రాష్ట్రంలో ఏమి జరిగినా కాంగ్రెస్ పట్టించుకోవటం మానేసింది. 33 మంది ఎంపీ లని కేంద్రానికి అందించిన రాష్ట్రం పట్ల ఇంత నిర్లక్ష్య పూరితంగా ప్రవర్తిస్తున్నా ఇదేమని అడిగే దమ్ము మన నాయకులెవరికీ లేదు. తృణమూల్ కాంగ్రెస్ సంగతే చూస్తె, కేవలం 19 మంది ఎంపీ లని సంకీర్ణానికి అందించినా కూడా రైల్వే శాఖ వంటి కీలక మంత్రిత్వ శాఖని పట్టు బట్టి సాధించుకోవటమే కాక మమతా బెనర్జీ బెంగాల్ కి వెళ్ళినా కూడా ఆ మంత్రిత్వ శాఖ తమ చేజారకుండా చూసుకున్నారు. ఎన్నికలకి ముందు ప్రతి పక్షంలో వున్నప్పుడు కూడా మమతా బెనర్జీ పశ్చిమ బెంగాల్ నుండి గోర్ఖా లాండ్ విభజనకి అనుమతించేది లేదని తెగేసి చెప్పేశారు. రాష్ట్ర ప్రయోజనాల పట్ల మన నాయకులకి ఆ పాటి నిబద్ధత కొరవడటమే మనకి శాపం. లక్షలాది రూపాయలు వెచ్చించి, రాష్ట్రం నలు మూలలా పర్యటించి, రాష్ట్రంలో పరిస్థితులని శాస్త్రీయంగా విశ్లేషించి ఇచ్చిన శ్రీ కృష్ణ కమిటీ నివేదిక ఏ చెత్త బుట్టలో దాఖలు అయ్యిందో ఏ నాయకుడూ పట్టించుకోవట్లేదు. పైగా కోర్ కమిటీ అని, జాదూ చేస్తారనీ మసి పూసి మారేడు కాయ చేస్తూ ప్రజల్ని వెర్రి వాళ్ళని చేస్తున్నారు. రాష్ట్రం పట్ల కాంగ్రెస్ పార్టీ ఆగడాల్ని ఇంక ఎంత మాత్రం సహించరాదు. సత్వరం శ్రీ కృష్ణ కమిటీ ఇచ్చిన అత్యుత్తమ ఆరో పరిష్కారం అమలుకై మన నాయకులు వత్తిడి తేవాలి. లేని పక్షంలో అకారాది క్రమంలో ముందున్న మన రాష్ట్రం అభివృద్ది విషయంలో చిట్ట చివరికి వెళ్లి పోవటం ఖాయం.

దళిత వర్గాలకు నరకాసురుడి అండ! - ఇదెక్కడి చోద్యం??

2011-10-28T12:44:00.000+05:30

నేటి ఈనాడు దిన పత్రికలో వచ్చిన ఈ వార్తని చూస్తె నవ్వాలో ఏడవాలో అర్ధం కావట్లేదు.

http://www.eenadu.net/PranthiyamInner.aspx?qry=htm/local3

కులాలు మతాలూ అన్నవి మానవులు ఈ కలి కాలంలో ఏర్పాటు చేసుకున్నవి. అయితే పురాణ కాలంలో దళితులెవరున్నారో? వారికి నరకాసురుడు ఏ విధంగా అండగా నిలబడ్డాడో? ఏ అగ్ర కులాల వారికి వ్యతిరేకంగా నరకాసురుడు పని చేసాడో బుర్ర బద్దలు కొట్టుకున్నా అర్ధం కావట్లేదు. ఈ మధ్యనే భగవంతునికి ప్రాంతీయ విద్వేషాల రంగు అంట కట్టి సమ్మె పేరుతొ పూజాదికాలు మాని ఆటలాడిన పైత్యాన్ని చూసాం.
http://andhraaakasaramanna.blogspot.com/2011/09/blog-post_22.html

ఇక ఇప్పుడు కులాల కుమ్ములాటల్లోకి కూడా భగవంతుడిని తీసుకు రావటం శోచనీయం. అగ్ర వర్ణాలకి వ్యతిరేకంగా ఏదో ఒక పని చేసి వార్తల్లోకి ఎక్కాలన్న దుగ్ధ తప్ప వేరే ప్రయోజనమేమీ ఈ చర్యలో కనపడటం లేదు. ప్రాంతీయ విద్వేషం తలకెక్కి, ఆలయాన్ని మూసేసి ఆటలాడుతూ చేసిన సకల జనుల సమ్మె షెడ్డుకి వెళ్లి పోవటం కళ్ళారా చూసాం. ఇప్పుడు రాక్షస సంహారాన్ని వర్ణ విద్వేషాలకు ఆపాదించిన ఈ విషయానికి భగవంతుడెలా స్పందిస్తాడో చూద్దాం.

ఇక్కడ నాకో సందేహం...నరకాసురుని వధించిన శ్రీ కృష్ణుడు యాదవ సంజాతుడని అందరికీ తెలుసు. అంటే వారి లెక్క ప్రకారం ద్వాపర యుగంలో యాదవులు అగ్ర వర్ణాలకి చెందిన వారన్న మాట! భేష్! వారికి డాక్టరేట్ ఇచ్చి తీర వలసిందే...

సమైక్యాంధ్రకి నిజమైన దీపావళి!

2011-10-25T19:13:00.000+05:30

కేంద్రం తెలుగు జాతి మొత్తానికీ అసలైన దీపావళి జరుపుకొనే అవకాశాన్నిచ్చింది. 42 రోజుల సమ్మె ప్రహసనం ముగిసి సాధారణ పరిస్థితులు ఏర్పడ్డాయి. రైల్ రోకో ని సమర్ధంగా ఎదుర్కోవటం గావచ్చు. లేదా శ్రీకృష్ణ కమిటీ రిపోర్టు లో 8 వ అధ్యాయం అమలు జరిగి ఉండవచ్చు. కారణమేమైనా గానీ తెలబాన్ నరకాసురుడు తోక ముడిచాడు. రాష్ట్రం ముక్కలు కాదన్న భరోసా ఏర్పడింది. అయితే సమ్మె ని ఎదుర్కొన్నంత మాత్రాన తమ బాధ్యత పూర్తి అయినట్లు కేంద్ర, రాష్ట్ర ప్రభుత్వాలు భావించరాదు. చింత చచ్చినా పులుపు చావనట్లు ఇంకా తెలబాన్ వీరులు నవంబరు ఒకటో తేదీని విద్రోహ దినంగా పాటించాలని రంకెలు వేస్తుండటం సహించరానిది. ఆంద్ర ప్రదేశ్ అవతరణ దినోత్సవం అన్నది అధికారిక కార్యక్రమం. ఆంద్ర ప్రదేశ్ రాష్ట్ర అస్తిత్వం ఉన్నంత వరకూ రాష్ట్రం లోని 23 జిల్లాల్లో ఈ కార్యక్రమం జరిగి తీరాల్సిందే. ఇందుకు అడ్డంకులు కల్పించిన వారిని రాజ ద్రోహం కేసు కింద అరెష్టు చేయాలి. అలాగే ఆ కార్యక్రమంలో పాల్గొనని మంత్రుల్ని మంత్రి వర్గం నుండి తొలగించాలి. ఆంధ్ర ప్రదేశ్ శాసన సభకి ఎన్నికై రాష్ట్ర అవతరణ దినోత్సవంలో పాల్గొనకుండా ఎగ్గొట్టే శాసన సభ్యులని సభ నుండి వెలి వేయాలి. ఇటువంటి కఠిన చర్యలు చేపట్టకుండా ప్రభుత్వం మీన మేషాలు లెక్కిస్తే వేర్పాటు వాద విష సర్పం మళ్ళీ బుసలు కొట్టే ప్రమాదం ఎంతైనా వుంది. అందరికీ దీపావళి శుభాకాంక్షలు!

కనీ వినీ ఎరుగని పైత్యం..

2011-10-18T17:31:00.000+05:30

తెలబాన్ సమ్మె కోడికి ఈకలన్నీ ఒక్కొక్కటిగా రాలుతున్నాయి. ఏ కారణం చెప్పి ఆర్భాటంగా సమ్మె మొదలు పెట్టారో - ఇప్పుడు ఎందుకు సమ్మె విరమించేసుకుంటున్నారో ఆ తెలంగాణా తల్లికే తెలియాలి. సమ్మె చేసిన ఉద్యోగులందరూ ఇప్పుడు జీతాలు, అడ్వాన్సులు, బోనస్ లు తీసుకొని సమ్మె కాలంలో వచ్చిన నష్టాన్ని పూడ్చుకొనే ప్రయత్నం చేస్తున్నారు. రాజకీయులు సరే సరి..వారికి వచ్చిన నష్టమేమీ లేదు. మరి వాజమ్మలు అయింది ఎవరు? సామాన్య ప్రజలు. వారికి గత నెల రోజులుగా ఏర్పడిన కష్ట నష్టాలకి బాధ్యత ఎవరిది? పైగా, కనీ వినీ ఎరుగని రీతిలో జరిగిన ఈ సమ్మె విషయంలో కేంద్రం అసలు స్పందించలేదని తెలబాన్ నాయకులు ఆక్రోశించటం మరీ విడ్డూరం! ఎవరి జబ్బ వాళ్ళు గిల్లెసుకొని శోకాలు పెడితే కేంద్రం మాత్రం ఏం చేస్తుంది?? ఏడిస్తే ఏడవనీ అని వదిలేస్తుంది..ఇప్పుడు జరిగింది అదే!!

శభాష్ డీజీపీ! - 2

2011-10-15T12:36:00.000+05:30

తమ హెచ్చరికలు కేవలం తాటాకు చప్పుళ్ళు కావని నిరూపిస్తూ నేడు పట్టాలెక్కిన ప్రతివాడినీ అరెష్టు చేసి డీజీపీ చేవ చూపించారు. తాము మాత్రం చట్టాలని ఉల్లంఘిస్తూ, రాజ్యాంగానికి అతీతులమన్నట్లు ప్రవర్తిస్తూ పోలీసులకి సుద్దులు చెప్పే తెలబాన్ నాయకులకి పోలీసు దెబ్బ రుచి చూపించిన పోలీసు బాసు అభినందనీయుడు. ప్రజల ఇబ్బందుల పట్ల కొంతైనా సానుభూతి లేకుండా నెల రోజుల పైగా సకల జనుల సమ్మె పేరుతొ తెలబాన్ గణం సాగిస్తున్న అకృత్యాలకి అంతే లేదు. ఇంక రైల్ రోకో పేరుతొ కేవలం తెలంగాణా ప్రాంతం వారినే కాక అన్ని ప్రాంతాల వారిని ఇబ్బందుల పాలు చేయాలనుకున్న కుట్ర భగ్నం కావటంతో దిక్కు తోచని తెలబాన్లు అరెష్టులు అక్రమమని రోదించటం హాస్యాస్పదం. ఇప్పటికే సమ్మె విషయంలో ఉద్యోగులని బలి పశువులని చేస్తూ రాజకీయులు తమ పబ్బం గడుపుకుంటున్నారని వారి నాయకుడు స్వామి గౌడ్ బహిరంగంగా ఆవేదన వెళ్ళ గక్కాడు. మిగిలిన రంగాల్లోని వారుకూడా కళ్ళు తెరిచే రోజు ఎంతో దూరంలో లేదు. ఇంత జరుగుతున్నా కేంద్రం స్పందించడం లేదని తెలబాన్ జాక్ నాయకుడు కలుగు లోంచి ఆక్రోశిస్తున్నాడు. కేంద్రం స్పందించక పోవటమేమిటి? కేంద్ర స్పందనకి నిదర్శనమే ఈ అరెస్టులు... ఈ మాత్రం కూడా తెలబాన్ పీత బుర్రలకి అర్ధం కాక పోవటం శోచనీయమే!

శభాష్ డీజీపీ!

2011-10-13T13:20:00.000+05:30

తెలబాన్లు తలబెట్టిన రైల్ రోకో కార్యక్రమాన్ని ఎట్టి పరిస్థితుల్లోను అనుమతించేది లేదని డీజీపీ దినేష్ రెడ్డి నేడు హెచ్చరించారు. అడుసు తొక్కనేల, కాలు కడగనేల అన్న రీతిగా కేంద్రం డిసెంబర్ 9 మరియు 23 ప్రకటనలు చేసేసి ఇప్పుడు ఎటూ నిర్ణయించుకోలేక సతమతమవుతున్న పరిస్థితిని లోకువగా తీసుకొని, తెలబాన్లు గత నెల రోజులుగా పెచ్చరిల్లి పోయారు. రవాణా సౌకర్యాలు స్తంభింప జేసినా, రైతులకి, ప్రజలకి విద్యుత్ కోతకి గురి జేసినా, ఉద్యోగస్తులకి జీతాలు రాక పోయినా, విద్యా సంస్థలు తెరుచుకోక విద్యార్ధులు, తల్లి తండ్రులు ఆందోళనకి గురి అయినా తెలబాన్ నాయకులకి చీమ కుట్టినట్లయినా లేదు. తాము పట్టిన కుందేటికి మూడే కాళ్ళు అన్నట్లు మళ్ళీ రైల్ రోకోకు తెగ బడ్డారు. ఇక్కడ ఒక విషయం గమనించాలి. గతంలో రెండు సార్లు పాకిస్తాన్ దురాక్రమణ ప్రయత్నాలని, కార్గిల్ దొంగ దాడుల్నీ తిప్పి కొట్ట గలిగిన భారత ప్రభుత్వానికి, తాటాకు చప్పుళ్ళ వంటి తెలబాన్ ఉద్యమాన్ని అణచి వేయటం పెద్ద పని కాదు. అయితే, అవినీతి ఆరోపణలని ఎదుర్కోవడంలోను, ఇంకా పైన చెప్పినట్లు నిర్ణయ రాహిత్య స్థితిలో డోలాయమానంగా ఉన్న కేంద్ర రాష్ట్ర ప్రభుత్వాల సంకట పరిస్థితిని లోకువ గట్టి పౌరుల ప్రశాంత జీవనానికి నెల రోజులుగా పాతరేస్తున్న తెలబాన్ల వైఖరి గర్హనీయం. ప్రజల్నీ, ప్రభుత్వాల్నీ ఇబ్బందులు పెట్టేస్తే ప్రత్యెక రాష్ట్రం వచ్చేస్తుందనుకోవటం పిచ్చి భ్రమ! ఎవరినీ ఏ ఇబ్బందులకీ గురి చేయకుండా కేవలం నిరాహార దీక్షతో అన్నా హజారే కేంద్ర ప్రభుత్వాన్ని కదిలించలేదా? ఆయనకి దేశ వ్యాప్తంగా సకల జనులు మద్దతు పలకలేదా? దొంగ దీక్షతో కేంద్రాన్ని ఏమార్చి, డిసెంబరు 9 ప్రకటన రాబట్టుకున్న తెలబాన్ నాయకుడు, తన కోరిక నేర వేరక పొతే మళ్ళీ దీక్షకి కూర్చొవచ్చుగా! ఆ పని మాత్రం చేయడు. ఎందుకంటే. మీడియా అప్రమత్తంగా ఉన్న ప్రస్తుత స్థితిలో మళ్ళీ దొంగ దీక్ష సాధ్యం కానే కాదు. ఏమైనా కనీసం నెల రోజుల తర్వాత అయినా డీజీపీ రైల్ రోకో కార్యక్రమం మీద కొరడా ఝుళిపించటం హర్షణీయం. అడిగే వాడు, అదిలించే వాడు లేడన్నట్లుగా గత నెల రోజులుగా చిత్ర విచిత్ర విన్యాసాలతో పౌరులని ముప్పు తిప్పలు పెడుతున్న తెలబాన్ శ్రేణులకి ముకు తాడు వేసే ప్రయత్నం జరగటం సంతోషం. డీజీపీ గారు కూడా తమ హెచ్చరిక ని పకడ్బందీగా అమలుచేసి తద్వారా కేవలం తెలంగాణా ప్రజలే కాదు....రాష్ట్రంలో మిగతా ప్రాంతాల ప్రజలు, దేశంలోని ఇతర రాష్ట్రాల ప్రజలు కూడా రైల్ రోకో వల్ల ఇబ్బందులు పడకుండా చర్యలు తీసుకోవాలి.

తెలంగాణా వాళ్ళంతా తెలబాన్లు కాదు!

2011-10-10T10:15:00.000+05:30

తెలంగాణా కోసం రాజీనామా చేయాలంటూ కేంద్ర మంత్రి జైపాల్ రెడ్డి ఇంటికి చేరి దేబిరిస్తున్న తెలబాన్ గుంపుని చూడండి..రాను రాను వీరి ధోరణి వెర్రి కుదిరింది రోకలి తలకి చుట్టండి అన్నట్లు తయారవుతోంది. కేవలం తెలంగాణా వాసి అవటమే జైపాల్ రెడ్డి చేసిన పాపం. ఉద్యమం ఉధృతంగా వున్నా కూడా ఇన్నాళ్ళూ తటస్థంగా వున్నారంటేనే జైపాల్ అంతరంగం అర్ధమవుతోంది. తెలంగాణా వాసి అయినంత మాత్రాన ప్రత్యెక రాష్ట్ర వాదాన్ని సమర్ధించాలన్న నిబంధన తు.చ. తప్పక పాటించే తెలబాన్లు అందరినీ అదే గాటన కట్టి ఒత్తిడి చేయబూనటం మూర్ఖత్వం. పైగా మంత్రి చుట్టూ చేరి గలాటా చేస్తున్న తెలబాన్ గుంపు లో ఒక్కడన్నా తన పదవి వదులుకున్నాడా? కోదండ రాం ఈ రోజుకి కూడా పైసా పని చేయకుండా నెలకి లక్ష జీతం తీసుకుంటున్నాడు. స్వామి గౌడ్ కూడా అంతే! అసలు వీరికి మంత్రిని రాజీనామా చేయమని అడిగే నైతిక హక్కు అనేది ఉందా? ఇప్పటికే సకల జనుల సమ్మె పేరుతొ నాలుగు వారాలుగా సాగుతున్న నాటకంతో దినవారీ కూలి పనులు చేసుకొనే సగటు పౌరుడు ఇబ్బందుల పాలవుతున్నాడు. బస్సులు తిరగక పండగ సమయంలో సాధారణ ప్రయాణీకులు నరకం చూసారు కరెంటు కోతతో ప్రజలు ఉక్కిరి బిక్కిరి అవుతున్నారు. అంతెందుకు? సమ్మె చేసిన ఉద్యోగులు సైతం పండగ సమయానికి జీతాలు, బోనస్ లు అందక వుసూరుమన్నారు. తాజాగా విద్యా సంస్థలు తెరవకూడదంటూ ఆగడం చేస్తున్న తెలబాన్ గుంపుల ధోరణి శృతి మించుతోంది. విద్యార్ధుల విద్యా సంవత్సరం నష్ట పొతే గానీ తెలబాన్ నాయకుల కడుపు నిండదా? ప్రభుత్వం తన జడత్వాన్ని వదిలి పెట్టాలి. పౌరులకి ప్రశాంతంగా జీవించే హక్కుకి భంగం కలిగిస్తున్న సమ్మె నాటకానికి వెంటనే తెర దించాలి.

పిట్ట కదల పిట్టల దొర!

2011-09-28T22:04:00.000+05:30

తెలబాన్ దొర రెండు వారాల్లో తెలంగాణా అని ప్రకటించి రెండు నెలలు గడిచి పోయింది. మరి ఈ రెండు నెలల్లో తెలంగాణా ఎందుకు రాలేదో వివరించాల్సింది పోయి, ఈ రోజు మరో పిట్ట కధ వినిపించారు. అనంతపూర్, కర్నూల్ ల తో కలిపిన తెలంగాణా వస్తుందట! అదీ కేంద్రం అసదుద్దీన్ తో రాయబారం చేసిందట! ఎవరిని ఏమార్చటానికి ఈ పిట్ట కధలు చెప్తాడో తెలీదు. తమది సమైక్య వాదమే అని కుండ బద్దలు కొట్టిన మజ్లిస్ నాయకునితో రాష్ట్ర విభజన కోసం కేంద్రం ఎలా రాయబారం పంపుతుందో బుర్రలో గుజ్జు ఉన్న వారెవరికీ అర్ధం కాదు. తెలబాన్ నాయకునితో తాను రాష్ట్ర విభజన విషయం చర్చించనే లేదని అసదుద్దీన్ ఆ తరువాత ఖండించటం కొస మెరుపు. కల్ల బొల్లి కబుర్లు చెప్పినట్లు ఋజువు అయ్యాక కూడా సిగ్గుతో తల దించుకోకుండా... తల తెగి పడ్డా సరే, తల లేని (హైదరాబాద్) తెలంగాణా ఒప్పుకోం అంటూ బీరాలు పలకటం కామెడీ గాక మరేమిటి?? ఇటువంటి పొలిటికల్ బఫూన్ ల సారధ్యంలో అలజడి చేస్తున్న అమాయక తెలంగాణా ప్రాంత ప్రజలని చూసి జాలి పడటం తప్ప మరేమీ చేయలేం.

లగడపాటి హైదరాబాద్ రాకూడదా?

2011-09-27T18:11:00.003+05:30

ద్వాపర యుగంలో శిశుపాలునికైనా వంద తప్పుల వరకు సహించి శ్రీకృష్ణుడు దండన విధించాడు. కానీ ఈ కలి యుగంలో తెలబాన్ల దురంతాలకు లెక్క అన్నదే లేక పోతోంది. సాక్షాత్తు దేశ రాజధానిలో విధుల్లో ఉన్న ఉద్యోగిని ఒళ్ళు మదంతో చితక బాదిన తెలబాన్ మేనల్లుడి పై ఈ రోజు వరకు చర్యలు తీసుకున్న దాఖలాల్లేవు. అలాగే మన రాష్ట్ర రాజధానిలో విధుల్లో ఉన్న ఆంద్ర ప్రాంత రవాణా శాఖ అధికారి పై దాడి చేసిన తెలబాన్ల పై చర్యలు తీసుకొనే దమ్ము ఈ ప్రభుత్వానికి లేదు. కనీసం దాడికి గురైన ఆ అధికారిని పరామర్శించటానికి కూడా వెళ్ళకూడదా? పరామర్శ కి వచ్చిన ఎంపీ లగడపాటి రాజ గోపాల్ ని ముందు జాగ్రత్త చర్యగా పోలీసులు అరెస్టు చేసి అక్కడినుంచి తరలించారు. అందులో తప్పు లేదు. శాంతి భద్రతలు కాపాడాల్సిన బాధ్యత వారిదే కదా! మరి అదే ముందు జాగ్రత్త, కార్యాచరణ-- తెలబాన్లు దాడులు చేస్తున్నప్పుడు, ఆస్తులు ద్వంసం చేస్తున్నప్పుడు ఎందుకు వుండదు?? ముందుగా చెప్పి మరీ ధ్వంస రచన చేస్తున్న తెలబాన్లని కట్టడి చేయడంలో ఈ జాగ్రత్త ఎందుకు పాటించరు??? సరే, పోలీసుల విషయం వదిలేస్తే, లగడపాటి హైదరాబాద్ రావటమే పాపమన్నట్లుగా తెలబాన్ మూకలంతా రవాణా శాఖ కార్యాలయం దగ్గర చేరి రచ్చ చేయటం అత్యంత మూర్ఖత్వం. హైదరాబాద్ తమ స్వంత ఆస్తి అయినట్లుగా ఎవరు హైదరాబాద్ రావాలో, ఎవరు రాకూడదో నిర్దేశించ బూనటం ముదిరిన పైత్యానికి ప్రతీక. తెలంగాణా విషయంలో సరైన లెక్క రాసిన శ్రీకృష్ణుని నివేదికకి ఆతీ గతీ లేదు. కేంద్ర ప్రభుత్వం ఇప్పటికైనా కళ్ళు తెరిచి శ్రీకృష్ణుడు ఇచ్చిన అత్యుత్తమ పరిష్కారం అమలు దిశగా చర్యలు చేపట్టాలి.

ఏమిటీ చావు గోల?

2011-09-25T17:02:00.000+05:30

"తెలంగాణా వచ్చుడో - కే సి ఆర్ సచ్చుడో" - తెలబాన్ నాయకుడు

"తెలంగాణా ఇవ్వక పొతే ఇక్కడినుంచి దూకి చస్తా.."
- ఒక అమాయక తెలబాన్ గొర్రె

"తెలంగాణా రాకపోతే మొదట చచ్చేది నేనే" - కే.కేశవరావు

"ఈ తెలంగాణా రాదు - వీళ్ళెవరూ చావరు. దిక్కు మాలిన ఉద్యమం....నా చావుకొచ్చింది.."
- అమాయక తెలంగాణా పౌరుడు

తెలబాన్ తొండ ముదురుతోంది!

2011-09-24T08:44:00.001+05:30

ఒకటా రెండా.. పది రోజులుగా తెలంగాణా వాసులకి ఊపిరి సలపట్లేదు. సకల జనుల సమ్మె పేరుతొ తెలబాన్ నాయక గణం ఆడిస్తున్న నాటకంలో సామాన్య పౌరుడు సమిధ అవుతున్నాడు. అవును. నిజం... కేవలం సామాన్య పౌరుడే ఇక్కట్ల పాలవుతున్నాడు తప్ప నాయక గణానికి వచ్చిన చిక్కేమీ లేదు. రెండు రోజులు ఆటో నడపక పొతే కడుపు మండేది ఎవరికి? నెలాఖరులో జీతాలు అందక పొతే చిరుద్యోగుల పరిస్థితి ఏమిటి? సమ్మె వల్ల జరిగిన నష్టం పూడ్చటానికి ప్రభుత్వం చార్జీలు పెంచితే బలయ్యేది ఎవరు? ప్రత్యెక రాష్ట్రం వస్తే సగటు బడుగు జీవికి ఒరిగేదేమిటి? ఏమీ లేదు...కానీ నాయక గణం, వారి బంధు వర్గాలకి మాత్రం పదవుల పండగే! కేవలం నాయకుల పదవుల పందేరం కోసం అమాయక తెలంగాణా ప్రజలు ఇక్కట్ల పాలవుతున్నారు. హోర్డింగులెక్కుతున్నారు. ఎంత కాలం సాగాలి ఈ నాటకం? పిల్లిని కూడా తలుపులు మూసి కొడితే తిరగ బడుతుంది. తెలబాన్లు పన్నిన చక్ర బంధంలో ఇరుక్కుని సతమతమవుతున్న అమాయక తెలంగాణా పౌరుడు కూడా సత్యం గ్రహించి తెలబాన్ సైన్యాన్ని చితక బాదే రోజు దగ్గరలోనే వుంది. ఇప్పటి వరకు ఆడిన నాటకం చాలక ఇంకా గుజ్జర్ల తరహా ఆందోళన అంటూ కొత్త అంకాలకి తెర లేపే ప్రయత్నం జరుగుతోంది. ఇప్పటికీ ప్రభుత్వం చేష్టలుడిగి చూస్తూ కూచుంటే అరాచకత్వం పెచ్చరిల్లి సగటు పౌరుని జీవనం దుర్భరం అవుతుంది. తెలబాన్ తొండ ముదిరి టెర్రరిష్టు ఊసర వెల్లి అవక ముందే ప్రభుత్వం మేలుకొని ఉద్యమం పై ఉక్కు పాదం బిగించాలి.

(తెలబాన్) పైత్యానికి పరాకాష్ట!

2011-09-22T11:14:00.001+05:30

పై ఫోటో చూడండి. ఆలయాన్ని వదిలేసి ఆడుతున్న అర్చకులని చూస్తె ఎవరికైనా ఏమనిపిస్తుంది? వెర్రి కుదిరింది రోకలి తలకి చుట్టమనే కదా! దేవుడికి కూడా ప్రాంతీయ భేదాలు అంట గడుతూ ఆర్జిత సేవలు నిలిపి వేశారంటే వేర్పాటు వాద పైత్యం ఎంత ప్రకోపించిందో అర్ధం చేసుకోవచ్చు. నర నరానా వేర్పాటు వాద విద్వేషాన్ని నింపుకున్న తెలబాన్లు సమీప భవిష్యత్తులో, సీమలో ఉన్నాడని తిరుపతి వెంకన్నను, కోస్తాలో వుందని బెజవాడ దుర్గమ్మను కూడా బహిష్కరిస్తారేమో? పాలకుల పట్ల ధిక్కారం చూపవచ్చు. తప్పు లేదు. కానీ దేవుని పట్ల ధిక్కారమా? సహించరాదు. తెలంగాణా ప్రాంతంలో ఉన్న అన్య మతస్తులెవరైనా ఇలా చేసారా? ఆ మాత్రం ఇంగిత జ్ఞానం వారికి లోపించటం శోచనీయం. ఇటువంటి విపరీత ధోరణులని కట్టడి చేయటంలో చేతకాని ప్రభుత్వమెలాగూ చేతులెత్తేసింది. ఇంక ఆ దేవుడే రక్షించాలి మన తెలుగు జాతిని, తెలుగు జాతి పరువు ప్రతిష్టల్నీ!!

తెలబాన్ల వ్యూహాత్మక తప్పిదం!

2011-09-21T11:11:00.002+05:30

తెలబాన్ నాయకుడు మళ్ళీ ఆమరణ దీక్ష చేస్తాననగానే భూన బొంతారాలు దద్దరిల్లి పోతాయన్నంత హడావిడి చేసి ఆయన చేత దీక్ష పట్టే ఆలోచన విరమింప చేసి తెలబాన్ శ్రేణులు వ్యూహాత్మక తప్పిదమే చేసాయి. మచ్చ లేని చంద్రుని లాంటి చంద్ర శేఖరుడు గతంలో దీక్ష చేసినప్పుడు సీమాన్ధ్రులు ఎన్నెన్ని అభాండాలు, ఆరోపణలు చేశారు! దొంగ దీక్ష అన్నారు..టీపీఎస్ తో చేశాడన్నారు...ఉద్యమానికి అంత సీన్ లేదన్నారు...రోశయ్య ప్రభుత్వం కేంద్రానికి తప్పుడు నివేదికలు ఇచ్చిందన్నారు..ఇలా ఒకటా రెండా...నోరూ వాయి లేక నీరసించిన నాయకుడిపై నిలువెల్లా ఆరోపణలు చేసి రాష్ట్రం రాకుండా అడ్డుకున్నారు. అటువంటప్పుడు వచ్చిన అవకాశం వినియోగించుకొని దీక్ష చేసి అందరి నోళ్ళు మూయిన్చాల్సింది పోయి ఇతర పక్షాల నాయకులు మిన్ను విరిగి మీద పడి పోతుందని హడావిడి చెయ్యగానే తూచ్ అని మానేయటం తప్పిదమే. మీడియా అప్రమత్తంగా ఉన్న ప్రస్తుత పరిస్థితిలో దొంగ దీక్షకి అవకాశమే లేదు. మీడియా కాపు కాసి, ఆయన చేత మంచి నీళ్ళుకూడా తాగించకుండా దీక్ష

చేయించేది. తద్వారా తెలంగాణా ప్రాంత పొట్టి శ్రీరాములుగా అవతరించే సువర్ణ అవకాశాన్ని జారవిడుచుకున్నారు.

అయితే ఒకటి మాత్రం నిజం. ఈ దీక్షా ప్రతిపాదన-విరమణ నాటకంతో ఇతర పక్షాల నాయకుల్ని ఏమార్చి..సూటిగా చెప్పాలంటే వాజమ్మల్ని చేసి, ఉద్యమానికి తానే ఏకైక దిక్కు అన్న విషయాన్ని తెలబాన్ నాయకుడు చెప్పకనే చెప్పాడు. ఇంక సమ్మె చేసిన ఉద్యోగులందరికీ వడ్డీతో సహా జీతాలు, అందరికీ కార్పోరేట్ విద్య, అందరికీ ఉద్యోగాలు అంటూ హిరణ్యాక్ష వరాలు ప్రసాదించేసిన నాయకుని ఆధ్వర్యంలో ఉద్యమించి, ప్రత్యెక రాష్ట్రం సాధించి, సుఖ శాంతులతో మెలగడమే తెలంగాణా ప్రాంత ప్రజల ముందున్న తక్షణ కర్తవ్యం.

సమ్మె కోరల్నించి కోర్టులే కాపాడాలి!

2011-09-19T19:38:00.000+05:30

హైదరాబాద్ : సకల జనుల సమ్మె పై సోమవారం హైకోర్టులో పిటిషన్ దాఖలైంది. విశాఖకు చెందిన నారాయణ అనే న్యాయవాది ఈ పిటిషన్ దాఖలు చేశారు. సకల జనుల సమ్మె చట్టవిరుద్ధమని ఆయన తన పిటిషన్ లో పేర్కొన్నారు. సమ్మెతో ప్రజలు అనేక ఇబ్బందులు పడుతున్నారని నారాయణ పిటిషన్ లో తెలియచేశారు. పిటిషన్ ను విచారణకు స్వీకరించిన న్యాయస్ధానం టీఆర్ ఎస్ అధ్యక్షుడు కేసీఆర్, టీఎన్జీవో అధ్యక్షుడు స్వామిగౌడ్, తెలంగాణ పొలిటికల్ జేఏసీ కన్వీనర్ కోదండరామ్ లతో పాటు రాష్ట్ర ప్రభుత్వానికి నోటీసులు జారీ చేసింది. వారం రోజుల్లోగా సమాధానం ఇవ్వాలని ఆదేశించింది. తదుపరి విచారణ వచ్చే వారానికి వాయిదా పడింది.

=======================================================

కనీసం ఒక వారం తర్వాత అయినా విజ్ఞత గల పౌరుడొకడు కోర్టు తలుపు తట్టాడు. వారం రోజుల నుంచి తెలంగాణా ప్రాంత ప్రజలు సకల జనుల సమ్మె పేరుతొ ఇబ్బందుల పాలు అవుతున్నారు. సింగరేణి బొగ్గు సరఫరా లేక తగ్గిన విద్యుత్ ఉత్పత్తి కారణంగా తక్కిన రాష్ట్ర ప్రజలు కూడా విద్యుత్ కోతని అనుభవిస్తున్నారు. యావత్ రాష్ట్ర పజానీకాన్ని ఇబ్బందుల పాలు చేస్తున్న తెలబాన్ ఉద్యమ సారధుల చిత్త శుధ్ధి ఎంత? తెలబాన్ నాయకుడు తన ఎంపీ పదవిని వదలడు కానీ తక్కిన అందరినీ రాజీనామాలు చేయాలని హుకుం లు జారీ చేస్తుంటాడు. అలా చేయని వారిని తెలంగాణా ద్రోహులుగా ముద్ర వేసి ఆ ప్రాంతంలో తిరిగే హక్కుని కాల రాస్తాడు. రెండు వారాల్లో తెలంగాణా వస్తుందని పిట్ట కధలు చెప్పి రెండు నెలలు అయినా ఆ ఊసే ఎత్తడు కానీ నాలుకలు కోస్తా లాంటి రెచ్చగొట్టే ప్రసంగాలు మాత్రం క్రమం తప్పకుండా చేస్తాడు. ఇంక తెలబాన్ జేఎసి నాయకుడు మరీ ఘోరం. తన ప్రొఫెసర్ పదవిని, జీత భత్యాల్నీ లేశ మాత్రం వదలడు కానీ విద్యార్ధుల చదువులు నాశనం చేస్తూ వారి భవిష్యత్తుతో ఆటలాడుతున్నాడు. స్వామి గౌడ్ సరే సరి! ఆంధ్ర ప్రదేశ్ ప్రభుత్వ ఉద్యోగిగా చేరి, ఉద్యోగ సంఘాల నాయకుడినన్న అహంకారంతో తనకు మాలిన ధర్మంగా వేర్పాటు ఉద్యమాన్ని తలకెత్తుకున్నాడు. రాష్ట్ర ప్రభుత్వమేమో అధికారం నిలుపుకోవటమే ధ్యేయంగా తెలబాన్ శాసన సభ్యులని,మంత్రుల్ని,చివరికి ఉద్యోగుల్ని కూడా కట్టడి చేయలేక చేతులెత్తేసింది. వీరందరికీ నోటీసులిచ్చి వారం సమయం ఇవ్వటం కూడా అనవసరం. సకల జనుల సమ్మె వల్ల సాధించేది ఏమీ లేదని స్వయంగా అధికార పార్టీ కి చెందిన తెలంగాణా ప్రాంత ఎంపీ రేణుకా చౌదరి కుండ బద్దలు కొట్టేసారు. స్వంత ప్రయోజనాల్ని కొంత కూడా పక్కన పెట్టకుండా తెలబాన్ నాయక గణం ఆడిస్తున్న సమ్మె డ్రామాలో వెర్రి గొర్రెలు అవుతున్నది సామాన్య ప్రజలే! ప్రజలకి ఇప్పుడు కావలసింది పెరిగిన ధరల నుండి విముక్తే గానీ ప్రత్యెక రాష్ట్రం వస్తే వారి సమస్యలు తీరవు. గోరు చుట్టు పై రోకటి పోటులా ఈ సమ్మెలు వారి బ్రతుకుల్ని మరింత దుర్భరం చేస్తున్నాయి. కనుక కోర్టులు కూడా సామాన్య ప్రజల ఇబ్బందులని దృష్టిలో వుంచుకొని ఇటువంటి సమ్మె డ్రామాలని సత్వరం నిషేధించాలి. ప్రభుత్వం కూడా అధికార లాలస వీడి, తెగువతో వ్యవహరించి పని దొంగల భరతం పట్టాలి.

సీమాంధ్రుల సంస్కారం...తెలబాన్ల అహంకారం....

2011-09-13T11:41:00.000+05:30

"తెలంగాణా వచ్చే అవకాశం లేదు..రాయల సీమ అభివృద్ధికై కృషి మొదలు పెడదాం"...టీజీ వెంకటేష్

"హైదరాబాదులో ప్రశాంతంగా నివసించే సీమాంధ్రుల పై దాడులు చేస్తే ఊరుకోం".. రాయపాటి సాంబశివ రావు

"మంత్రి టీజీ వెంకటేశ్.. ఆయనొక మంత్రా? ఎన్ని గుండెలు ? ఎందుకు మాట్లాడాలి? మళ్లీ పిచ్చి కూతలు కూస్తే నాలుక కోస్తా బిడ్డా!.. ‘కావూరి సాంబశివరావు కాకిలా ఒర్రుతడు. రాయపాటో కావూరో ఏదో ఒకపాటి.. వాళ్లు.. , వాడు.. ఆ సన్నాసి.. ఆరుగురి చావుకి కారణమైనవాడు మన విద్యార్థుల మీద మాట్లాడతడా?’"..కేసీఆర్

తాజాగా రాష్ట్రంలోని మూడు ప్రాంతాల నాయకులు ఇచ్చిన ప్రకటనలు ఇవి. మరి తెలబాన్ నాయకుడు ఇప్పటికి ఎన్ని సార్లు తల నరుక్కున్నాడో, ఎన్ని సార్లు ప్రాణ త్యాగం చేసాడో లేదా ఎంత మంది నాలుకలు తెగ్గోసాడో లెక్క తెలీదు కానీ ఇలా రెచ్చగొట్టే ప్రకటనలు చేసేసి అజ్ఞాతంలోకి వెళ్లి పోవటం మటుకు చాలా సార్లు చూసాం. ఇప్పుడు ఇంక సకల జనుల సమ్మె పేరిట కొత్త నాటకానికి తెర లేపాడు. మరి నాటకం చివరి అంకం వరకు రంగంలో ఉంటాడో లేదా మధ్యలోనే మాయమై పోతాడో తెర పై చూద్దాం!

దీక్షలందు దొంగ దీక్షలు వేరయా!

2011-08-27T16:12:00.001+05:30

పది రోజుల నిరాహార దీక్ష తరువాత తెలబాన్ నాయకుడు!

(డిసెంబర్,2009)

పది రోజుల నిరాహార దీక్ష తరువాత అన్నాహజారే!
(ఆగష్టు, 2011)

ఎవరిది అసలైన దీక్షో ఎవరిది దొంగ దీక్షో .....

నాకైతే అర్ధం కావటంలేదు

సాక్షి మూత పడకూడదు!

2011-08-25T22:06:00.000+05:30

జగన్ సామ్రాజ్యం కూలుతోంది. సుప్రీం కోర్టు కూడా జగన్ కి బాసట గా నిలవలేదు. కనుక కేంద్రం ఖచ్చితంగా జగన్ పై చర్యల పదును పెంచుతుంది. జగన్ జైలుకి వెళ్ళ వచ్చు. ఆయన ఆస్తులన్నీ ప్రభుత్వ పరం కావచ్చు. ఇంకా ఏమైనా జరగ వచ్చు. కానీ ఎలాంటి పరిస్థితిలోనూ సాక్షి పత్రిక ప్రచురణ మాత్రం ఆగి పోకూడదని సగటు తెలుగు పాఠకుడి కోరిక. సాక్షి పత్రికలో రెండు పూర్తి పేజీలు జగన్ భజనకి వదిలేసినా మిగిలిన 14 పేజీల్లోనూ క్వాలిటీ తో కూడిన సమాచారం/శీర్షికలు అందిస్తున్నారనేది సత్యం. రాజకీయ వార్తల్లో కూడా ప్రజలకి ఒకే కోణంలో సమాచారం అందించ బడుతున్న రోజుల్లో రెండో కోణం కూడా ప్రజలకి చూపడం సాక్షి చేసింది. అంతే కాదు. ఇతర పత్రికలు కూడా క్వాలిటీ పెంచుకోవాల్సిన పోటీ వాతావరణం సాక్షి సృష్టించింది. ఏ రంగంలో అయినా పోటీ అనేది ఉంటేనే వినియోగ దారునికి నాణ్యమైన సేవలు లభిస్తాయి. వార్తా పత్రికలైనా అంతే. అందరికీ గుర్తు వుండే వుంటుంది. టైమ్స్ ఆఫ్ ఇండియా హైదరాబాద్ ఎడిషన్ ప్రారంభించిన రోజుల్లో రూపాయికే పత్రిక ని అంద జేసింది. ఆ దెబ్బకి తెలుగు పత్రికలన్నీ కూడా అదే ధరకి దిగి వచ్చాయి. అలాగే వార్తా పత్రికల్లో పని చేసే జర్నలిష్టులకి, ఇతర ఉద్యోగులకి కూడా మంచి జీతాలు, భత్యాలు సాక్షి వచ్చాకే అందుతున్నాయని తెలిసిందే. అటువంటప్పుడు సాక్షి కనుక మూత పడితే పోటీ వాతావరణం అనేది వుండదు. ప్రజలకి ఇంక చాయిస్ అనేది వుండదు. జర్నలిష్టులకి కూడా ఉద్యోగ భద్రత అనుమానమే! కనుక జగన్ దారి ఎటైనా సాక్షి మాత్రం కొనసాగాలని ఆకాంక్షిద్దాం.

నో వర్క్...నో పే.. ఇది కూడా కోర్టులే చెప్పాలా?

2011-08-17T06:17:00.001+05:30

పని చేయని ప్రభుత్వోద్యోగులకి జీతాలివ్వాల్సిన పని లేదని హైకోర్టు తీర్పునిచ్చింది. ప్రభుత్వం ఇచ్చిన 1617 జీవో ని కొట్టివేస్తూ జీవో 177 అమలు పరచాల్సిందే అంటూ కొరడా ఝుళిపించింది. ఏడాదికి ఉన్న 365 రోజుల్లో 52 ఆది వారాలు, 15 పండుగ సెలవులు, ఇంకా కాజువల్ లీవు, ఐచ్చిక సెలవులు, గట్రాలతో మూడో వంతు పైన రోజులు వేతనంతో కూడిన సెలవులు ప్రభుత్వోద్యోగులకి లభిస్తున్నాయి. ఇక మిగిలిన రెండు వందల రోజులైనా సక్రమంగా పని చేయకుండా బందుల పేరుతొ, సమ్మెల సాకుతో పని ఎగ్గొడుతుంటే ప్రభుత్వం చేతులు ముడుచుకుని కూర్చోటం శోచనీయం. ఉద్యోగులకి తాము ఉద్యోగంలో చేరేనాడు తెలియదా ..తాము ఆంధ్ర ప్రదేశ్ ప్రభుత్వ వుద్యోగులమని? మరి ఈ రోజు ఆంధ్ర ప్రదేశ్ ఉద్యోగులుగా ఉంటూ రాని తెలంగాణా వంకతో విధులు ఎగ్గొడితే అప్పనంగా జీతాలు ఇవ్వాలా? ప్రభుత్వ ఉద్యోగిగా ఉంటూ కోదండరాం రెండేళ్లుగా ఏం చేస్తున్నారు? ఆయనకి కాన్దక్టు రూల్సు వర్తించవా? అంతే కాదు. ఈ తీర్పు కేవలం ఉద్యోగులకే కాక - పని చేయని మంత్రులకూ, శాసన సభ్యులకి కూడా వర్తింప జేయాలి. శాసన సభ్యులందరికీ తెలుసు తాము ఆంధ్ర ప్రదేశ్ శాసన సభలో ఉన్నామని! అలాగే మంత్రులకి కూడా తెలుసు.. తాము 23 జిల్లాలకు సేవ చేయాల్సిన బాధ్యత తమకి వుందని! అటువంటిది ఉద్యమం పేరుతొ విధులు ఎగ్గొడుతున్న మంత్రి వర్యులకి జీతాలు ఆపాలి. సౌకర్యాలు తొలగించాలి. కోర్టు సు మోటో గా ఈ విషయంలో కలుగ జేసుకొని పని చేయని ప్రొఫెసర్లకి,రాజకీయులకి తగిన గుణ పాఠం చెప్పాలి.

ఇల్లలుకగానే పండుగ కాదు!

2011-08-14T07:22:00.000+05:30

హైదరాబాద్.....23జిల్లాలతో కూడిన మన రాష్ట్రానికి రాజధాని... రాష్ట్రంలోని ప్రతి జిల్లా వారికి హైదరాబాద్ తో ఏదో ఒక విధమైన అనుబంధం/సంబంధం వుంది. ఆ విధమైన అనుబంధం ఉండబట్టే రాష్ట్రంలోని అన్ని జిల్లాలకి చెందిన వారు తమ మేధో సంపత్తిని, ఆర్ధిక వనరుల్ని వుపయోగించి ఈ నగరాన్ని దేశంలోనే ఐదో పెద్ద నగరంగా అభివృద్ది చేసారు. ప్రభుత్వ గణాంకాల ప్రకారమే ప్రతి సంవత్సరం సంక్రాంతి పండుగ సమయంలో 8 లక్షల పై సంఖ్యలో ప్రజలు హైదరాబాదు నుండి స్వస్థలాలకి వెళ్లి వస్తారని వెల్లడి అవుతోంది. దీన్ని బట్టే చెప్పవచ్చు రాష్ట్రంలోని అన్ని ప్రాంతాల వారికి హైదరాబాదుతో గల అనుబంధమేమిటో! ఇలా అన్ని ప్రాంతాల వారి సమిష్టి కృషితో వచ్చిన అభివృద్ది ఫలాలని, తద్వారా వచ్చే ఉపాధి అవకాశాలని అన్ని ప్రాంతాల వారికి అందించటం న్యాయం. ధర్మం. కానీ తాజాగా తెలబాన్ల తల తిక్క ఆందోళనలకి లొంగి, రాష్ట్ర ప్రభుత్వం ఎస్ఐ నియామకాల్లో 14-F నిబంధన రద్దుకి ప్రతిపాదించటం, దాన్ని రాష్ట్రపతి ఆదర బాదరాగా ఆమోదించేయటం దురదృష్టకరం. రాష్ట్రం మొత్తానికి అందాల్సిన వాటాని కేవలం ఆరో జోన్ కి మాత్రమె అందించ బూనటం అక్రమమే. పైగా రాష్ట్రపతి ఉత్తర్వులు వెలువడగానే తెలబాన్ శ్రేణులు పండగ చేసుకోవటం మరింత మూర్ఖత్వం. ఇక్కడ ఒక విషయం గమనించాలి. మొత్తం తెలంగాణా ప్రాంతం జీడీపీ లో ఆరో వంతు కేవలం హైదరాబాదు నగరంనుంచే వస్తోంది. దీన్ని బట్టే హైదరాబాద్ పోటేన్సి ఏమిటో అర్ధం అవుతోంది. అంత ప్రాముఖ్యత గల హైదరాబాదుని అప్పనంగా కొట్టేయాలనే దుగ్ధతోనే కొన్ని వేర్పాటు వాద శక్తులు తెలంగాణా ఉద్యమాన్ని నడిపిస్తున్నాయి. రాష్ట్ర జనాభాతో పోలిస్తే ఆరో జోన్ లో వచ్చే ఎస్ ఐ ఉద్యోగాల సంఖ్య అతి స్వల్పం. ఇంకా ఆ కొద్ది పాటి ఉద్యోగాల కోసం ఆరాట పడాల్సిన అగత్యంకూడా లేదు. కానీ ఇక్కడ ఆలోచించాల్సిన విషయం ఏమిటంటే. స్వల్ప విషయాలకే రాద్ధాంతం చేసి మిగతా ప్రాంతాల వారికి అన్యాయం చేయ తలపెట్టిన వారు రేపు ఖర్మ కాలి ప్రత్యెక రాష్ట్రం ఇస్తే హైదరాబాదులో సీమాన్ధ్రులని బతకనిస్తారా?? ఖచ్చితంగా లేదు అని వారి ప్రకటనలు, చేష్టలు నిరూపించాయి. నిరూపిస్తున్నాయి. కేంద్రం ఇకనైనా తాత్సారం చేసే ధోరణి కట్టి పెట్టి, విశాలాంధ్ర హితంలో ఆలోచించి, వేర్పాటు వాద ఉద్యమాన్ని ఉక్కు పాదంతో అణచి వేయాలి. తద్వారా దేశంలో మరెక్కడా ఇటువంటి అభివృద్ది నిరోధక ఉద్యమాలు తలెత్తకుండా నివారణ చర్యలు తీసుకోవాలి.

తెలబాన్ చెల్లెమ్మ చిలక పలుకులు!

2011-08-10T19:37:00.000+05:30

తెలంగాణా వచ్చుడో..కే సి ఆర్ సచ్చుడో... అని తెలబాన్ నాయకుడు ప్రకటించి ఎన్ని ఏళ్ళు గడిచిందో తెలీదు కానీ ఈ రోజు వరకు ఏదీ జరగలేదు. జరిగే అవకాశం కూడా కను చూపు మేరలో కనపడట్లేదు. అయితే ఉద్యమం పేరిట అమాయకుల (ఆత్మ) బలి దానాలు మాత్రం జరిగి పోతున్నాయి. హఠాత్తుగా ఈ విషయం విజయ శాంతికి ఎలా గుర్తుకి వచ్చిందో కానీ నిన్న తెలబాన్ మహిళల సమావేశంలో ఆమె తెలంగాణా కోసం ఎవరినీ బలి దానాలు చేయద్దనీ, అవసరమైతే, తానూ, అన్న కే సి ఆర్ చస్తమనీ చిలక పలుకులు పలికేసారు. తామంతా రాజీనామాలు చేస్తే భూకంపం వచ్చేస్తుందన్న బిల్డప్ ఇచ్చి తీరా ఈ రోజుకి కనీసం ఆ రాజీనామాల్ని ఆమోదింప జేసుకోవడం చేతకాని వారు ఏకంగా బలి దానాలు చేస్తామంటే నమ్మే స్థితిలో ఎవరూ లేరు. తెలంగాణా ప్రాంతంలో ఆధిపత్య పోరు కోసం కృత్రిమంగా జరిపించబడుతున్న ఈ ఉద్యమ కారణంగా యావత్తు రాష్ట్ర ప్రజానీకం ఇబ్బందుల పాలు, నవ్వుల పాలు కావటమే గాక రాష్ట్ర అభివృద్ది కూడా దశాబ్దాల వెనక్కి వెళ్లి పోయింది. తెలుగు వారే తేల్చుకుంటే ఇంకా కేంద్రం, హోం మంత్రి ఎందుకు? చావటానికా అని ప్రశ్నించిన తెలబాన్ చెల్లి నోటి దురుసులో అన్నకి ఏ మాత్రం తీసి పోనని నిరూపించింది. ఎంత పార్లమెంటు సభ్యులైతే మాత్రం కేంద్ర హోం మంత్రి గురించి ఇలా మాట్లాడడం నేరమే! కేంద్రం ఇప్పటికైనా కళ్ళు తెరిచి, రోజుకో విధంగా విధ్వంసకర వ్యాఖ్యలు చేస్తున్న తెలబాన్ నాయకులని కట్టడి చేయాలి. అలాగే మార్చిల పేరుతొ, బందుల వంకతో నిత్యం ప్రజానీకాన్ని వేధిస్తున్న తెలబాన్ అనుచర గణం కూడా హద్దులు దాటకుండా చర్యలు చేపట్టాలి.

నయన తార మతం..ఎవరి అభిమతం?

2011-08-10T14:32:00.000+05:30

సినీ నటి నయన తార హిందూ మతం స్వీకరించటం పై ఓ క్రిష్టియన్ సంస్థ కారాలు మిరియాలు నూరటం అర్ధ రహితం. పెళ్లి అయి, పిల్లలు గల వాడని, ఆస్తి అంతా మాజీ భార్యా బిడ్డలకే రాసిచ్చాడని తెలిసి కూడా ప్రభు దేవాని వివాహం చేసుకోవాలన్న నిర్ణయం తీసుకొన్న వ్యక్తికి, తాను ఏ మతం పాటించాలన్న విషయంలో కూడా నిర్ణయం తీసుకొనే విచక్షణ, స్వేచ్చ వుంటాయి. వ్యక్తిగత స్వేచ్చని మీరి, మత సంస్థలు చేసే ఇటువంటి ప్రకటనలు ఆక్షేపణీయం. అయినా గతంలో ఎంతో మంది హిందూ మతంనుంచి క్రిష్టియన్ మతానికి మారిన సంఘటనలున్నాయి. ఆ మార్పిడులన్నీ ఎటువంటి ప్రలోభాలు, ప్రేరణలు లేకుండానే జరిగాయని ఎవరైనా చెప్ప గలరా? మన రాజ్యాంగం ఇచ్చిన స్వేచ్చ స్ఫూర్తిగా, పర మత సహనం పాటిస్తున్న హిందూ సమాజాన్ని రెచ్చ గొట్టే ఇటువంటి ధోరణులని కొనసాగించడం - మంచి తనాన్ని చేతగాని తనంగా తీసుకోవడమే అవుతుంది.

ఏమిటీ అరాచకత్వం?

2011-08-05T23:43:00.000+05:30

(ఆంద్ర జ్యోతి, ఆగష్టు 5 , 2011 )

ఆంధ్రా ప్రాంత అధికారి నిర్బంధం :

నారాయణఖేడ్, ఆగస్టు4: తెలంగాణ ప్రాంతంలో ఆంధ్రా అధికారులు విధులు నిర్వహించడాన్ని వ్యతిరేకిస్తూ మెదక్ జిల్లా నారాయణఖేడ్ మండలం ర్యాకల్ గ్రామ పంచాయతీ భవనంలో ఆంధ్ర ప్రాంతాని కి చెందిన వ్యవసాయాధికారిని గురువారం రెండు గంటల పాటు నిర్బంధించారు. ప్రకాశం జిల్లా చీరాలకు చెందిన శ్రీధర్ ఇటీవల నారాయణ్‌ఖేడ్ వ్యవసాయాధికారిగా బాధ్యతలు చేపట్టారు. విధి నిర్వహణలో భాగంగా ర్యాకల్ గ్రామానికి వెళ్లారు. దీంతో అక్కడికి చేరుకున్న తెలంగాణ నిరసనకారులు ఆంధ్రా అధికారుల వల్ల తెలంగాణ ప్రాంతానికి అన్యాయం జరుగుతోందని ఆరోపిస్తూ.. శ్రీధర్‌ను గ్రామ పంచాయతీ భవనంలో నిర్బంధించారు. తెలంగాణ ప్రాంతంలో విధులు నిర్వహిస్తే ఇదే పరిస్థితి కొనసాగుతుందని వారు హెచ్చరించారు. 14ఎఫ్‌ను తొలగించాలని కోరుతున్నా ప్రభుత్వం పట్టించుకోవడం లేదన్నారు. ఈ సమాచారాన్ని గ్రామస్థులు ఎస్ఐ రవీందర్‌రెడ్డికి అందజేయడంతో ఆయన కలుగజేసుకొని నిర్బంధం నుంచి విడిపించారు.

--------

(సాక్షి, ఆగష్టు 5 , 2011 )

జడ్చర్ల, న్యూస్‌లైన్: జడ్చర్ల సీఐ విఠల్‌రెడ్డి లంచం తీసుకుంటుండగా.. ఏసీ బీ అధికారులు పట్టుకున్న సంఘటన జడ్చర్లలో తీవ్ర కలకలం రేపింది. విష యం తెలుసుకున్న కాంగ్రెస్, టీడీపీ, టీఆర్‌ఎస్, తదితర పార్టీలతో పాటు జే ఏసీ నాయకులు పెద్ద సంఖ్యలో పోలీస్‌స్టేషన్‌కు చేరుకున్నారు. సీఐని కో స్తాంధ్రకు చెందిన హోటల్ యజమాని, ఓ టీవీ ఛానల్ కుమ్మక్కై అక్ర మంగా కేసులో ఇరికించారని వారు ఆరోపించారు. సీఐకి మద్దతుగా తెలంగాణ నినాదాలు చేస్తూ పోలీస్‌స్టేషన్ లోపలికి చొచ్చుకు వెళ్లారు. సీఐ విఠల్‌రెడ్డి, ఏసీబీ అధికారులు ఉన్న క్వార్టర్‌పై దాడి చేసి, కి టికీల అద్దాలను పగులగొట్టారు. లోపలికి ప్రవేశించి, ఫైళ్లను చింపివేశారు. ఏసీబీ డీఎస్పీ రఘుపతిగౌడ్, తది తర ఇన్‌స్పెక్టర్లను బయటికి లాక్కొచ్చి, తీవ్రంగా కొట్టారు. దాడిలో డీఎస్పీ రఘుపతిగౌడ్ తీవ్రంగా గాయపడ్డారు. గాయపడిన ఏసీబీ అధికారులను పో లీస్‌స్టేషన్ లోపలికి తీసుకెళ్లారు. ఆందోళనకారులు అక్కడికి సైతం వెళ్లి, ఏసీ బీ అధికారుల పై దాడికి యత్నించారు. ఈ దశలో పోలీసు బలగాలు స్టేషన్ వద్దకు చేరుకొని, ఆందోళనకారులను స్టేషన్ బయటికి పంపించివేశారు. దీంతో ఆందోళనకారులు రహదారిపై రాస్తారోకో దిగి సీఐ కి మద్దతుగా, ఏసీబీ కి వ్యతిరేకంగా నినాదాలు చేశారు. మాజీ శాసనసభ్యులు మల్లురవి, ఎంపీపీ నిత్యానందం, తది తర ప్రజాప్రతినిధులు, వివిధ పార్టీల నాయకులు పోలీస్‌స్టేషన్‌లో మకాం వేసి, పరిస్థితిని సమీక్షిం చారు. గాయపడ్డ ఏసీబీ అధికారులను అతికష్టం మీద ఆస్పత్రికి తరలిస్తుడగా ఏసీబీ అధికారుల వాహనంపై రాళ్లతో దాడి చేయడంతో వాహనం అద్దాలు ధ్వంసమయ్యాయి. అనంతరం ఎస్పీ సు ధీర్‌బాబు జడ్చర్ల పోలీస్‌స్టేషన్‌కు వచ్చి, పరిస్థితి ని సమీక్షించారు. పలువురు డీఎస్పీలు, సీఐల నే తృత్వంలో ప్రత్యేక బలగాలు అక్కడికి చేరుకుని, పరిస్థితిని అదుపులోకి తెచ్చాయి.
హోటల్‌పై దాడి: పథకం ప్రకారమే సీఐని ఏసీబీ అధికారులకు ప ట్టించారని ఆరోపిస్తూ.. అందుకు కారణమైన త్రీ స్టార్ హోటల్ యజమాని రామ్మోహన్‌కు చెందిన హోటల్‌పై ఆందోళనకారులు దాడి చేశారు. కొత్తబస్టాండ్‌లోని హోటల్‌పై దాడి చేసి, అద్దాలను, ఫర్నీచర్‌ను ధ్వంసం చేశారు. అలాగే సమీపంలోని త్రీస్టార్ హోటల్‌పై దాడికి యత్నించగా, అక్కడ మోహరించి ఉన్న పోలీసులు వారిని అడ్డుకున్నారు.

--------

(ఆంద్ర జ్యోతి, ఆగష్టు,5 , 2011 )
బీఎస్ఎన్ఎల్ కార్యాలయ ధ్వంసం కేసులో 14 మందికి పదేళ్ల్ల జైలు

ప్రొద్దుటూరు, ఆగస్టు 5 : సమైక్యాంధ్ర ఉద్యమ నేపధ్యంలో బీఎస్ఎన్ఎల్ కార్యాలయం ధ్వంసం కేసులో వైఎస్ఆర్ కడప జిల్లాకు చెందిన పద్నాలుగు మంది ఉద్యమకారులకు కోర్టు పదేళ్ల జైలు శిక్ష విధించింది. 2009లో బీఎస్ఎన్ఎల్ కార్యాలయం ధ్వంసం, లోపల పరికరాల కాల్చివేతపై కొండాపురం పోలీస్‌స్టేషన్‌లో నమోదైన కేసుకు సంబంధించి నేరం రుజువు కావడంతో నిందితులు 14 మందికి పదేళ్ల జైలుశిక్షతో పాటు 25 వేల రూపాయల జరిమానా విధిస్తూ ప్రొద్దుటూరు సీనియర్ సివిల్ జడ్జి ఎ.శ్రీనివాసకుమార్ శుక్రవారం తీర్పు చెప్పారు. కేసు పూర్వాపరాల్లోకి వెళితే... సమైక్యాంధ్ర ఉద్యమం ఊపందుకున్న క్రమంలో 2009 డిసెంబర్ 19న కొందరు ఉద్యమకారులు కొండాపురం పట్టణంలోని బీఎస్ఎన్ఎల్ కార్యాలయం వద్దకు చేరుకుని అక్కడ విధులు నిర్వర్తిస్తున్న సిబ్బందిని అడ్డుకుని లోనికి ప్రవేశించారు. కార్యాలయంలో అద్దాలు పర్నిచర్ ధ్వంసం చేసి, అక్కడ వున్న ట్రాన్స్‌మిషన్ పరికరంపై పెట్రోలు పోసి నిప్పుపెట్టారు. దీంతో బీఎస్ఎన్ఎల్ సంస్థకు సుమారు 2 లక్షల 32 వేలు నష్టం వాటిల్లిందంటూ ఆ సమయంలో విధులు నిర్వర్తిస్తున్న బాలమునిరెడ్డి ఇచ్చిన ఫిర్యాదుపై కొండాపురం పోలీస్‌స్టేషన్‌లో కేసు నమోదైంది. ప్రభుత్వ ఆస్తి ధ్వంసం, కాల్చివేతపై చౌటపల్లె, పొట్టిపాడు, కొండాపురం, గండ్లూరు, రామచంద్రానగర్ తదితర గ్రామాలకు చెందిన 14 మందిపై అప్పట్లోనే కేసు నమోదైంది. ప్రొద్దుటూరు అసిస్టెంట్ సెషన్స్ జడ్జి కోర్టులో ఈ కేసు విచారణ జరుగుతూ వచ్చింది. కేసులో నిందితులపై నేరం రుజువు కావడంతో కోర్టు ఈమేరకు శిక్ష విధిస్తూ తీర్పు ఇచ్చింది. దీంతో ముద్దాయిలు 14 మందిని ప్రత్యేక వాహనంలో కడప కేంద్ర కారాగారానికి తరలించారు.

-------

ఒకే రోజు వచ్చిన పై మూడు వార్తలు చూస్తె ఏమనిపిస్తోంది? తెలబాన్లు ఉద్యమం ముసుగులో ఎన్ని అరాచకాలు చేసినా నిద్ర నటిస్తున్న ప్రభుత్వం, న్యాయ వ్యవస్థలు సమైక్యాంధ్ర వాదుల పై మటుకు తమ ప్రతాపం చూపిస్తున్నాయి. విధ్వంసం చేసిన వారిని సమర్ధించటం నా ఉద్దేశ్యం కాదు. అయితే ఈ న్యాయం అందరికీ సమంగా వర్తింప జేయాలి. జాగో-భాగో...నాలుకలు కోస్తాం...ఆస్తులు లాక్కుంటాం... తరిమి కొడతాం...ఇంకా సవా లక్ష విధ్వంసకర ప్రకటనలు చేసిన నాయకుల పై చర్యలు తీసుకున్న దాఖలాల్లేవు. అంతెందుకు..సాక్షాత్తు దేశ రాజధానిలో టీవీ కెమెరాల సాక్షిగా విధుల్లో ఉన్న దళిత ఉద్యోగిని చితక బాదిన తెలబాన్ మేనల్లుడికి ఇంత వరకు ఇంత వరకు ఏ శిక్షా పడలేదు! దాంతో మరింతగా రెచ్చి పోయి పాఠ్య పుస్తకాల్లో మా తెలుగు తల్లి పాట ఉన్న పేజీలు చించి తగల పెట్టమని వదరుతున్నాడీ వీరుడు! ఆ ప్రకటన రాష్ట్ర ప్రభుత్వాన్ని అవమానించడం కాదా! సు మోటో గా న్యాయస్థానాలు ఇటువంటి ధిక్కార వైఖరులపై స్పందించవా? నానాటికీ వెర్రి తలలు వేస్తున్న వేర్పాటు వాదాన్ని ఏదో ఒక స్థాయిలో కట్టడి చేయక పొతే, మన రాష్ట్ర భవిష్యత్తు ఈశాన్య భారతంలో ఉన్న అత్యంత వెనుక బడ్డ రాష్ట్రాల కన్నా అధ్వాన్నంగా తయారయ్యే రోజు ఎంతో దూరంలో వుండదు.

స్పీకర్ తప్పుడు నిర్ణయం!

2011-07-24T14:00:00.000+05:30

భావోద్వేగాలలో చేసిన రాజీనామాలుగా చిత్రీకరిస్తూ తెలంగాణా ప్రాంత శాసన సభ్యుల రాజీనామాలని స్పీకర్ తిరస్కరించటం సరైన చర్య కాదు. గతంలో కూడా స్పీకర్ గా కిరణ్ కుమార్ రెడ్డి వున్నప్పుడు ఇలాంటి నిర్ణయమే తీసుకున్నారు. కానీ ఆనాటి పరిస్థితులు వేరు. దొంగ దీక్షలతో మభ్యపెట్టి, అన్ని పార్టీల అంగీకారం ఉందన్న తప్పుడు సమాచారం అందించి రాత్రికి రాత్రి తెలంగాణా అనేసరికి ఒక్కసారిగా వచ్చిన భావోద్వేగ పరిణామమే సీమాంధ్ర శాసన సభ్యుల, ఎంపీల రాజీనామాలు! కానీ ఇప్పటి పరిస్థితి వేరు.. తెలంగాణా రావటంలేదన్న నిస్పృహ కావచ్చు.. లేదా నియోజక వర్గాల్లో తిరగనివ్వమన్న వేర్పాటు తీవ్ర వాదుల ఫత్వాలకి భయపడి కావచ్చు..రాజీనామా ఇచ్చిన వారంతా ఫలానా తేదీన ఇస్తామని ముందే చెప్పారు. ఆ విధంగానే చేసారు. ఇంక ఇందులో భావోద్వేగాలకు చోటెక్కడ? రాజీనామాలు తిరస్కరించటం అన్నది స్పీకర్ విచక్షణాదికారమే కావచ్చు. కానీ దానికి భావోద్వేగాల ముద్ర వేయటం తప్పు. ఇలా నిర్ణయించే ముందుగా శాసన సభ్యులందరినీ విడి విడిగా స్పీకర్ విచారించి వుంటే, వారిలో ఎందరు స్వచ్చందంగా రాజీనామా ఇచ్చారో, ఎంత మంది ఒత్తిడి కి లోనై ఇచ్చారో తేట తెల్లమయ్యేది! అలాగే కృత్రిమంగా కొనసాగింప బడుతున్న తెలంగాణా ఉద్యమం పట్ల ఆ ప్రాంత శాసన సభ్యుల నిబద్ధత కూడా బయట పడేది! రాష్ట్రాన్ని రావణ కాష్టంలా రగిలిస్తున్న ఉద్యమం పట్ల ఒక అంచనాకి వచ్చే అరుదైన అవకాశాన్ని స్పీకర్ చేజేతులా జార విడిచారనటంలో ఏ మాత్రం సందేహం లేదు.

అసెంబ్లీ రౌడీలు!

2011-07-21T22:21:00.000+05:30

పై అధికారుల ఆదేశానుసారం తన విద్యుక్త ధర్మాన్ని నిర్వర్తిస్తున్న ఏపీ భవన్ ఉద్యోగి పై, శాసన సభ్యుడినన్న అహంకారంతో ఒళ్ళు మదించిన తెలబాన్ మేనల్లుడు హరీష్ రావు చేసిన దౌర్జన్యం సహించరానిది. టీవీ కెమెరాల సాక్షిగా ఏపీ భవన్ ఓ ఎస్ డీ చంద్ర రావు పై హరీష్ రావు చేసిన దాడిని చూసిన దేశం మొత్తం నిర్ఘాంత పోయింది. చేసిన ఘన కార్యం చేసేసి, ఆనక తీరిగ్గా విచారిస్తున్నానంటూ క్షమాపణ చెప్పేస్తే చాలదు. ఇటువంటి అసెంబ్లీ రౌడీలని, అసెంబ్లీ రౌడీ సినిమాలో చూపించిన విధంగానే నడి వీధికి తెచ్చి, టీవీ కెమెరాల సాక్షిగా అదే ఉద్యోగి చంద్ర రావు చేత కుళ్ళ బొడిపించేయ్యటమే వారికి చెయ్యాల్సిన శాస్తి!

కాంగ్రేసు ని తెలుగు వారు క్షమించరు!

2011-07-20T21:27:00.001+05:30

కేంద్రంలో యూ పీ ఏ సంకీర్ణ ప్రభుత్వం ఏర్పడటానికి వెన్ను దన్నుగా మంది 33 మంది ఎంపీ లని అందించిన ఆంద్ర రాష్ట్రాన్ని ఏడాదిన్నర పాటు రావణ కాష్టంలా రగిలించాక, తీరిగ్గా ప్రణబ్ ముఖర్జీ గారు డిసెంబరు 9 ప్రకటన సమాచార లోపంతో ఇచ్చిన పొరపాటు ప్రకటనగా తేల్చేసారు. ఇదే విషయమై నేను రాసిన ఇంతకు ముందు టపా ఇక్కడ చదవచ్చు. http://andhraaakasaramanna.blogspot.com/2010/02/blog-post_17.html

ఆంద్ర ప్రదేశ్ లో స్వపక్షం లేదా విపక్షం ఎవరు అధికారంలో వున్నా కూడా మన రాష్ట్రం పట్ల కాంగ్రేసుకి ఎప్పుడూ సవతి తల్లి ప్రేమే! నిన్నటి వరకూ రాష్ట్ర విభజన విషయం తేల్చాల్సింది అధిష్టానమే-సోనియా నే అంటూ రాష్ట్ర నాయకత్వం భజన చేస్తుంటే చోద్యం చూస్తూ ఉండి....ఈ రోజు తెలుగు వారి సమస్యని తెలుగు వారే సామరస్యంతో పరిష్కరించుకోవాలంటూ సుద్దులు చెప్పటం కాల్చి వాత పెట్టి వెన్న రాసినట్లే ఉంది. ఇంతోటి పరిష్కారం చెప్పటానికి ఏడాదిన్నర సమయం తీసుకోవాలా? తదుపరి పరిణామాలు ఊహించకుండా తొందర పాటుతో డిసెంబరు 9 ప్రకటన చేసేసి, రాష్ట్రాన్ని తగల పెట్టి, అభివృద్ధిని దశాబ్దాల వెనక్కి నెట్టిన కాంగ్రేసు పార్టీని తెలుగు వారు ఎన్నటికీ క్షమించరు.

దయ్యాలు వేదాలు వల్లిస్తున్నాయి!

2011-07-17T13:06:00.000+05:30

సీమాంధ్ర మంత్రి తోట నరసింహం పై తెలబాన్లు దౌర్జన్యం చేసిన దరిమిలా తమకు రక్షణ కరువైందని వాపోయిన మంత్రి టీజీ వెంకటేష్ రెచ్చగొట్టేలా మాట్లాడారంటూ హరీష్ రావు చేసిన ప్రకటన దయ్యాలు వేదాలు వల్లిస్తున్నట్లే ఉంది. ఆయన పై సు మోటో గా కేసు బుక్ చేయాలనీ, మంత్రి పదవినుంచి తొలగించాలనీ ఇంకా చాల డిమాండ్లు చేసారు. గురువింద గింజ మాదిరిగా ఆరోపణలు చేసే ముందు తమ కింద ఎంత నలుపు వుందో తెలుసుకోక పోవటం ఆశ్చర్యకరం!

ఆంధ్రా వాలే భాగో....నాలుకలు కోస్తాం.. సీమాంద్రులని తరిమి కొడతాం... వారి ఆస్తుల్ని లాక్కుంటాం..ఇలా ఒకటా రెండా? ఎన్నెన్ని ప్రేలాపనలు! ఉద్యమం ముసుగులో ఏమి చేసినా, ఏమి వాగినా చెల్లి పోతుందన్న ధీమాలో చేసిన అకృత్యాలు ఎన్ని?

సు మోటో గా కేసులు బుక్ చేయాల్సి వస్తే ముందు తెలబాన్ల పైన బుక్ చేయాల్సిన కేసులు లెక్కకి అందవు.

గీతా ఆర్ట్స్ కార్యాలయాన్ని ఆక్రమించి తెలంగాణా బేనర్ కట్టటం... మర్యాద రామన్న షూటింగ్ అడ్డుకొని యూనిట్ సభ్యులతో బలవంతంగా జై తెలంగాణా అనిపించటం...అదుర్స్ సినిమాని ఆడనివ్వబోమని బెదిరించడం...వాహనాలపై టీజీ స్టికర్లు వుండాలని హుకుం లు జారీ చేయటం...రాష్ట్రం రాకుండానే రాజ ముద్రని చలామణీ లోకి తేవటం..ఇలా చెప్పుకుంటూ పొతే కేసులు బుక్ చేయాల్సిన సంఘటనలు కోకొల్లలు.

అవన్నీ ఒకెత్తు. శాసన సభ్యుడైన నాగం ని (తెలుగు దేశంలో వుండగా) చితక్కొట్టటం, నిజాల్ని నిక్కచ్చిగా మాట్లాడినందుకు టీవీ కెమెరాల సాక్షిగా కొట్టండి రా వాణ్ని అంటూ జే పీ పై భౌతిక దాడికి దిగటం, పొట్టి శ్రీరాములు, ఎన్టీఆర్ విగ్రహాలని ద్వంసం చేయటం ఆటవిక చర్యలు కావా? వాటి పై చర్యలు తీసుకోకూడదా ?

అన్నిటికన్నా దారుణం..తెలుగు జాతి చరిత్రకి సగర్వ సాక్షులైన టాంకు బండ్ విగ్రహాల్ని ద్వంసం చేయటం. అందుకుగాను మిలియన్ మార్చ్ నిర్వాహకులని శిక్షించటం...ఆధ్వర్యం వహించిన పార్టీని నిషేధించటం చెయ్యాలి. కానీ అటువంటి చర్యలేమీ తీసుకోకుండా ప్రభుత్వం చోద్యం చూస్తూ కూర్చో బట్టే నేడు తెలబాన్లు ఉద్యమం ముసుగులో అరాచకాలు సాగిస్తున్నారు. ప్రభుత్వం ఇచ్చిన అలుసు పెచ్చు మీరటంతో, ప్రభుత్వంలో భాగమైన మంత్రినే వేలెత్తి చూపుతున్నారు. కానీ ఒక వేలెత్తి చూపితే, నాలుగు వేళ్ళు తమకేసే చూస్తాయన్న నిజం మూర్ఖ తెలబాన్లకి ఎప్పుడు అర్ధం అవుతుందో?

అరాచకత్వానికి హద్దే లేదా?

2011-07-14T22:41:00.000+05:30

రాష్ట్రంలో జరుగుతున్న సంఘటనలు చూస్తుంటే అసలు ఇక్కడ ప్రభుత్వం అనేది పని చేస్తోందా అని సందేహం వస్తోంది. వేర్పాటు వాదం వెర్రి తలకెక్కి రైల్ రోకో అనగానే ప్రభుత్వమే ముందుగా రైళ్ళని రద్దు చేయటం చేతగాని తనమే. రైళ్ళ రద్దు వల్ల ఏర్పడే కోట్లాది రూపాయల నష్టానికీ, ప్రయాణీకుల కష్టాలకీ బాధ్యత ఎవరిది? ముమ్మాటికీ ఈ చేతకాని ప్రభుత్వానిదే.. ఉద్యమం ముసుగులో తామేం చేసినా చెల్లి పోతుందన్న అభిప్రాయం ఇప్పటికే తెలబాన్ల నర నరాల్లో జీర్ణించుకు పోయింది. దానికి తోడు ప్రభుత్వమే చేవ చచ్చిన రీతిలో ఇలా తోక ముడిచేయడం ఏ మాత్రం క్షంతవ్యం కాదు. ప్రజలకు ఇబ్బందులు కలుగకుండా చర్యలు తీసుకోవాల్సిన ప్రభుత్వం ముందు తన ఉద్యోగులనే కట్టడి చేయలేక పోతోంది. ప్రజలు కట్టిన పన్నులతో జీతాలు తీసుకుంటూ ప్రజా సేవ చేయాల్సిన ఉద్యోగులు అర్ధం పర్ధం లేని డిమాండ్లతో ఆగష్టు ఒకటినుండి పని చేయ బోమని బెదిరించటం ఖచ్చితంగా ప్రభుత్వం ఇచ్చిన అలుసే. తెలుగు వారి చరిత్రకి సగర్వ సాక్ష్యాలైన టాంకు బండు విగ్రహాల్ని కూల్చిన వారిపై ఈ రోజు వరకు చర్యలు తీసుకున్న దాఖలాలు లేవు. ఇక ఈ రోజు నల్గొండ జిల్లా చుట్టూ గోడ కట్టేస్తామని బెదిరించాడో మాజీ మంత్రి! అసలు తెలంగాణా ఉద్యమ వాదంలో సహేతుకత ఎంత వుంది, ఈ సమస్యకి అత్యుత్తమ పరిష్కారం ఏమిటి తదితర విషయాలన్నీ శ్రీకృష్ణుడు ఏనాడో కుండ బద్దలు కొట్టేసాడు. అయినా కూడా ప్రభుత్వం మీన మేషాలు లెక్కిస్తూ ప్రజలు ఇబ్బందుల పాలవుతుంటే చోద్యం చూస్తూ కూచోటం క్షమార్హం కాదు. కేంద్ర ప్రభుత్వం ఇకనైనా వేచి చూసే ధోరణి మాని రాష్ట్రం లో పరిస్థితులు గాడిన పడే వరకు రాష్ట్రపతి పాలన విధించాలి. శ్రీ కృష్ణ కమిటీ ఇచ్చిన ఆరో అత్యుత్తమ పరిష్కారం అమలుకి చిత్త శుద్ధితో కార్యాచరణ సాగించాలి. తద్వారా దేశంలో ఇతర ప్రాంతాల్లో వేర్పాటు వాదాలు ప్రబలకుండా నివారణ చర్యలు తీసుకోవాలి.

నివాళి ఇచ్చే విధానం ఇదా?

2011-06-22T22:46:00.003+05:30

ఆచార్య జయశంకర్ వంటి మేధావిని, విద్యా వేత్తని కోల్పోవటం కేవలం తెలంగాణా ప్రాంతానికే కాదు...తెలుగు వారందరికీ తీరని లోటే. విద్యా రంగంలో ఆయన మన రాష్ట్రానికి చేసిన సేవలు చిరస్మరణీయం. అలాగే తాను నమ్మిన సిద్దాంతం పట్ల నిబద్ధత, తన సిద్ధాంత వ్యాప్తి కోసం ఎంచుకున్న గాంధేయ మార్గం కూడా మెచ్చ దగ్గవి. అయితే ఆయన మరణానంతరం నివాళి అర్పించటానికి వచ్చిన తెలంగాణా నాయకులని తెలబాన్ శ్రేణులు చొక్కాలు చిరిగేలా కొట్టటం, రాళ్ళతో దాడి చేయటం ఎ మాత్రం సమర్ధనీయం కాదు. జయ శంకర్ కూడా జీవించి వున్నప్పుడు ఎటువంటి హింసా వాదాన్ని సమర్ధించలేదు. వసూళ్ళ నాయకుల చేతిలో పడి తెలంగాణా ఉద్యమం ఏనాడో పెడ తోవ పట్టింది. కనీసం ఉద్యమ సిద్ధాంత కర్త మరణించిన విషాద సమయంలో సైతం సంయమనం లేకుండా తెలబాన్ శ్రేణులు ప్రవర్తించాయి. జయ శంకర్ అంతిమ యాత్ర జరిగిన సమయంలో కూడా రెచ్చి పోయిన తెలబాన్లు స్వర్గీయ ఎన్టీఆర్ విగ్రహం పై రాళ్ళతో చెప్పులతో దాడి చేయటం పెచ్చరిల్లిన ఉన్మాదానికి పరాకాష్ట. ఉద్యమం ముసుగులో ఏమి చేసినా చెల్లి పోతుందనే ధీమా వారి చర్యల్లో కన పడుతోంది. ఇప్పటికే ఎన్టీఆర్ కి అత్యంత ప్రియమైన టాంక్ బండ్ విగ్రహాలని కూలదోసి ఆయన ఆత్మని క్షోభింప జేసిన తెలబాన్లు ఇక ఏకంగా ఆయన విగ్రహాలపైనే ప్రతాపం చూపారు. ఈ అరాచకత్వాలని ఇక ఎంత మాత్రం సహించకూడదు. ప్రభుత్వం అనేది ఒకటి ఉందన్న స్పృహ కూడా లేకుండా పెచ్చరిల్లుతున్న వేర్పాటు తీవ్ర వాద గణాల భరతం పట్టే దిశగా చర్యలు తీసుకోవాల్సిన ఆవశ్యకత ఇప్పుడు ఎంతైనా వుంది

లగడపాటి లెక్కలో తప్పేముంది?

2011-06-19T21:11:00.000+05:30

దొంగ దీక్షలతో కేంద్రాన్ని ఏమార్చి 2009 డిసెంబరు తొమ్మిదిన తెలంగాణకి అనుకూలంగా ప్రకటన ఇచ్చిన నాడు, అందరికంటే ముందుగా అప్రమత్తమై రాష్ట్రాన్ని ముక్కలు గాకుండా కార్యాచరణకి దిగిన వాడు లగడపాటి రాజగోపాల్. ఆయన వ్యక్తిగతంగా వ్యాపారి కావచ్చు. ఆయన వ్యాపార ప్రయోజనాలు హైదరాబాదు లో విస్తరించి ఉండవచ్చు. అది వేరే విషయం. అయితే ఉత్తి పుణ్యానికే రాష్ట్రాన్ని ముక్కలు చేద్దామని జూసిన వేర్పాటు వాదుల కుట్రలు భగ్నం చేస్తూ సమైక్యాంధ్ర ఉద్యమ నావకి చుక్కానిలా నిలిచిన రాజ గోపాల్ అంటే తెలబాన్లకి కంటగింపుగా వుండటం సహజమే. ఆనాటి నుంచి లగడపాటి ఏం మాట్లాడినా దుమ్మెత్తి పోయడం అన్నది తెలబాన్లకి అలవాటుగా మారింది.

తాజాగా-- రాష్ట్రంలో ఎన్నికలు వస్తే సమైక్య వాదులకి 240 ,వేర్పాటు వాదులకి 40 సీట్లు వస్తాయి -- అన్న లగడపాటి ప్రకటన పై తెలబాన్ శ్రేణులు శాపనార్ధాలు పెట్టటం ప్రారంభించాయి. తాను నిర్వహించిన సర్వే లో ఈ విషయం వెల్లడైందని రాజ గోపాల్ అంటున్నప్పుడు, చేతనైతే ఆ సర్వే అబద్ధమని నిరూపించాలి గానీ వ్యక్తిగత దూషణలకి దిగటం చేతకాని తనం. రాష్ట్రాన్ని విభజిస్తే ఏర్పడే పరిణామాలు అంటూ రాజ గోపాల్ చెప్పినవి అన్నీ శ్రీ కృష్ణ కమిటీ 8 వ అధ్యాయంలో వున్నవే. లగడపాటి సొంత సర్వే లని పక్కన పెడితే, కేంద్ర ప్రభుత్వం ఏర్పాటు చేసిన శ్రీ కృష్ణ కమిటీ రాష్ట్రంలోని పరిస్థితుల్ని శాస్త్రీయంగా అధ్యయనం చేసి సమస్యకి తగిన పరిష్కారాలని సూచించి ఆరు నెలలు గడిచి పోయాయి. ఇకనైనా కేంద్ర ప్రభుత్వం మీన మేషాలు లెక్కించటం మాని, శ్రీ కృష్ణ కమిటీ సూచించిన ఆరవ అత్యుత్తమ పరిష్కారం అమలు పరిచే చర్యలు చేపట్టాలి. గోర్ఖాలాండ్ మాదిరిగానే రాష్ట్రంలో వెనుక బడ్డ తెలంగాణా, ఉత్తరాంధ్ర, రాయల సీమల్లోని ప్రాంతాలకి ప్రత్యెక ప్యాకేజీలు ప్రకటించి వాటి సత్వర అభివృద్ధికి బాట వేయాలి. తద్వారా ఎటువంటి వేర్పాటు వాద ఉద్యమాలు భవిష్యత్తులో తలెత్తకుండా జాగ్రత్తలు తీసుకోవాలి.

వంట చేసి ఏం సాధించారు?

2011-06-19T18:43:00.000+05:30

త్యాగాల వల్ల తప్ప వేరే విధంగా తెలంగాణా రాదని సెలవిస్తూనే వంటా వార్పూ అంటూ తెలబాన్ నాయకుడు చేసిన హడావిడికి అర్ధం పరమార్ధం ఏమిటో ఆయనకే తెలియాలి. ఓ పక్క కాంగ్రెస్, తెదేపా నాయకులని రాజీనామాలు చేయమని హుంకరిస్తూనే, తానూ, తన తెలబాన్ చెల్లి ఈ రోజుకి కూడా రాజీనామా ఊసు ఎందుకు ఎత్తరో ఏనాడు వివరించిన పాపాన పోలేదు. నిజంగా ఉద్యమం పట్ల చిత్త శుద్ధి, నిబద్ధత గల పెద్ద మనిషి ఐతే మొదటి సారి రాజీనామా తిరస్కరణకి గురి అయ్యాక మళ్ళీ సరైన ఫార్మాట్లో రాజీనామా ఇవ్వాలన్న విషయం ఎవరైనా చెప్పాలా? తాను పదవిని పట్టుకుని వేళ్ళాడుతూ ఇతరులని రాజీనామా చేయాలని వత్తిడి చెయ్యటం బ్లాక్ మెయిలింగ్ రాజకీయాల కిందకే వస్తుంది. ఇలా వంటలు చేస్తూ, వసూళ్లు చేస్తూ ఉద్యమ నాయకుడుగా చెలామణీ కావటం బహుశా వేరెవరికీ సాధ్యం కాక పోవచ్చు. ఇక తెలబాన్ జే ఎ సి నాయకుడిదీ అదే తంతు! తన ప్రొఫెసర్ పదవికి రాజీనామా ఇవ్వడు కానీ.. రాష్ట్రంలోని మూడు ప్రాంతాల ప్రజలు కట్టిన పన్నుల్లోంచి జీతం తీసుకుంటూ ఒక ప్రాంతానికి అనుకూలంగా మాట్లాడతాడు. అనుకూలంగా మాట్లాడితే తప్పు లేదు. కానీ ఇతర ప్రాంతాల పై, ప్రాంతీయుల పై విద్వేషాగ్నుల్ని రగిలించడం క్షంతవ్యం కాదు. ఏమైనా ప్రస్తుత పరిస్థితుల్లో కేంద్రం కొత్తగా చిన్న రాష్ట్రం ఏర్పాటు చేసి కొరివితో తల గోక్కునే అవకాశం లేనే లేదు. అది తెలంగాణా కాంగ్రెస్ నాయకుల డిల్లీ పర్యటనలో వారి పట్ల హై కమాండ్ చూపిన మర్యాదే తెలియ జేసింది. ఇంకా వంటా వార్పూ, డెడ్ లైన్, రాజీనామా అంటూ ప్రజలని ఏమార్చడం సాధ్యం కాదు. పైగా మిలియన్ మార్చ్ అంటూ పేర్లు పెట్టి జనాల్ని సమీకరించి రాష్ట్ర చారిత్రిక సంపద ఐన విగ్రహాలని కూల్చి వేయడం క్షమించరాని నేరం. ఇప్పటికే రాష్ట్రానికి కోలుకోలేని నష్టం జరిగి అభివృద్ధి అనేది ఆమడ దూరం వెళ్ళింది. ఇంకా ఇటువంటి అర్ధం పర్ధం లేని ఉద్యమాలని ప్రభుత్వం ఎంత మాత్రం సాగనీయకూడదు. రాష్ట్ర హితానికి వ్యతిరేకంగా, ప్రజలని అసౌకర్యాల పాలు జేసే విధంగా సాగే ఎటువంటి కార్య కలాపాలని అయినా ఉక్కు పాదంతో అణచి వేస్తేనే మళ్ళీ రాష్ట్రాభివృద్ధి గాడిలో పడుతుంది.

దళిత కార్డు దుర్వినియోగం కాకూడదు..

2011-06-11T22:36:00.000+05:30

ఎంపీ నన్న అహంకారంతో విద్యుత్ శాఖ ఉద్యోగి పైన నోరు పారేసుకున్న సర్వే సత్య నారాయణ ఉద్యోగుల సంఘీభావానికి తోక ముడిచి క్షమాపణ చెప్పారు. ప్రోటోకాల్ విషయమై తప్పు జరిగిందని ఆరోపిస్తూ విద్యుత్ శాఖ ఉద్యోగి పై బూతుల పంచాంగం విప్పిన పార్లమెంటు సభ్యుడు, ఆ శాఖ ఉద్యోగులు అందరూ సంఘీభావంతో

ఒక్కటిగా నిలబడటంతో దిక్కు తోచక కులం కార్డుని వెలికి తీసారు. ఎస్.సి. ఎస్.టీ. చట్టం కింద కేసు పెడతాననీ, స్పీకర్ కి ఫిర్యాదు చేస్తాననీ పరి పరి విధాల బెదిరించారు. అయినా కూడా ఉద్యోగులు వెరవక పోవటంతో తప్పని సరై క్షమాపణలు చెప్పారు. ఎంపీ స్థానంలో ఉన్న వాడే ఉచితానుచితాలు గ్రహించకుండా స్వల్ప వివాదానికి సైతం దళిత కార్డుని వాడ బూనటం ఔచిత్యం అనిపించుకోదు. ఎంపీ గారే కాదు. చాల మంది మన దేశంలో ఒక దళితుడిని తప్పు పడితే చాలు..అంబేద్కర్ ని అవమానించినంత హడావిడి చేస్తారు. పుట్టుక రీత్యా దళితుడైనంత మాత్రాన అన్ని తప్పులనించి ఇమ్యూనిటీ వున్నట్లు ప్రవర్తించటం మంచిది కాదు. రాజ్యాంగం తమకి కల్పించిన వెసులుబాటుని తమ పురోభివృద్ధికై వాడుకోవాలి గానీ ఇలా దుర్వినియోగం చేయడం కూడదు.

ఎస్ ఆర్ సీ బొమ్మలాట కాదు..

2011-05-23T21:32:00.000+05:30

తెలంగాణా చిచ్చుని రగిల్చి ఇప్పటికే రాష్ట్రాన్ని అధో గతి పాల్జేసిన కేంద్రం తాజాగా సార్వత్రిక ఎన్నికల వరకు కాల యాపన చేయటానికి వీలుగా రెండో ఎస్.ఆర్.సీ అస్త్రాన్ని బైటకి తీస్తున్నట్లు వార్తలు వస్తున్నాయి. తెలంగాణా విషయమై ఎటూ తేల్చుకోలేక సతమతమవుతున్న జగన్, చంద్ర బాబు లాంటి వారిని మరింత ఇబ్బందికర పరిస్థితుల్లోకి నెట్టటానికి కాంగ్రేసు కి ఉన్న ఈ అవకాశం జార విడుచుకోదు. తమ స్వార్ధ పూరిత రాజకీయాల కోసం తెలుగు వారిని చదరంగంలో పావుల్లా వాడుకోవటం, తెలుగు రాష్ట్రాన్ని ఎల్ల వేళలా వంచించటం కాంగ్రెసుకి వెన్నతో పెట్టిన విద్య. ఇప్పుడు ఎస్.ఆర్.సీ పేరుతొ ఆడ బోయే నాటకం కూడా అదే. అయితే ఎప్పుడో 1955లోనే ఫజల్ అలీ నేతృత్వంలో ఏర్పడిన మొదటి ఎస్సార్సీ ఇక్కడి పరిస్థితుల్ని కూలంకషంగా అధ్యయనం చేసి తద్వారా ఇచ్చిన నివేదిక ఆధారంగానే విశాలాంధ్ర రాష్ట్రం ఏర్పాటు అయ్యింది. ప్రత్యెక తెలంగాణా, ప్రత్యెక హైదరాబాదు వాదనలు ఎంత డొల్లవో కమిషన్ ఆనాడే కుండ బద్దలు కొట్టింది. ఆ వివరాలన్నీ కమిటీ రిపోర్టు 369 నుండి 389 వరకు గల పేరాలలో వివరంగా చర్చించడం జరిగింది.

http://en.wikipedia.org/wiki/Para_369_to_389_of_SRC

పోనీ అర్ధ శతాబ్దం తరువాత పరిస్థితుల్లో మార్పు వచ్చిందనుకున్నా..తాజాగా కేంద్ర ప్రభుత్వమే ఏర్పాటు చేసిన శ్రీ కృష్ణ కమిటీ కూడా రాష్ట్రాన్ని సమైక్యంగా ఉంచటమే అత్యుత్తమ పరిష్కారమంటూ తేల్చి చెప్పింది. అంతే కాదు. ఝార్ఖండ్, చత్తీస్ గడ్ వంటి చిన్న రాష్ట్రాల ఏర్పాటు వల్ల మావోయిష్టుల వంటి తీవ్రవాద దళాల చర్యలు పెచ్చుమీరటంతో పాటు రాజకీయ అనిశ్చితి కూడా సంభవమేనని సవివరంగా నివేదించింది. ఇప్పటికైనా కేంద్రం తెలుగు వారి భవిష్యత్తుతో, వారి అభివృద్ధితో ఆటలాడుకోవటం మానాలి. చేతనైతే సరైన పాలకుణ్ణి పెట్టుకొని సమైక్య రాష్ట్రం అభివృధికి తోడ్పడాలి. లేదా తమ వల్ల కాదనుకుంటే రాష్ట్రపతి పాలన విధించి అభివృది నిరోధకంగా మారిన వేర్పాటు వాదాన్ని తుదముట్టించాలి. లేని పక్షంలో తదుపరి సార్వత్రిక ఎన్నికల్లో తెలుగు వాడి ఆగ్రహ జ్వాలకి కాంగ్రేసు పార్టీ ఆంధ్ర ప్రదేశ్ లో తుడిచి పెట్టుకు పోవటం ఖాయం.

వెర్రి కుదిరింది..రోకలి తలకి చుట్టండి..

2011-04-17T08:13:00.000+05:30

ప్రత్యెక రాష్ట్రం వస్తుందన్న ఆశ నానాటికీ సన్నగిల్లుతుండటంతో దైవం మీద భారం వేస్తూ శత చండీ యాగం చేసాడు తెలబాన్ దొర! తప్పు లేదు. ఇష్ట కామ్య సిద్ది కొరకు దైవ సహాయాన్ని అర్ధించడంలో అధిక్షేపించాల్సిన అవసరమే లేదు.

అయితే ఆకులో అన్నీ వడ్డించి అంచులో ..... రాసినట్లు యాగం చివరలో పిట్టల దొర చేసిన వ్యాఖ్యలు మన్నించ దగ్గవి కాదు.
ఆంధ్ర బ్రాహ్మణులది ఆర్భాటమట! తెలంగాణా అర్చకులే నిష్ఠ గల వారట!

https://www.andhrajyothy.com/mainnewsshow.asp?qry=2011/apr/17/main/17main23&more=2011/apr/17/main/main&date=4/17/2011

నవ్వి పోదురు గాక నాకేటి సిగ్గు అన్నట్లు ప్రతి చిన్న విషయాన్నీ ప్రాంతీయ వాద రంగుటద్దాలలోంచే చూస్తూ విద్వేషాలు రగిలించే ఇటువంటి ప్రకటనలు చేయటం క్షంతవ్యం కానే కాదు. ప్రాంతీయ వాద పైత్యం బాగా ముదిరి పోయిన దొరకి సరైన వైద్యం చేయటానికి తెలంగాణా ప్రాంతానికి చెందిన మంచి వైద్యుడు ఎవరైనా వున్నారేమో తెలబాన్ శ్రేణులు వెదికి వుంచుకుంటే మంచిది.
(షరా: ఆ వైద్యుడు కూడా ఆంధ్ర ప్రాంతంలో జన్మించి వుండకూడదు / విద్యాభ్యాసం చేసి వుండకూడదు. )

కళ్ళు తెరిచిన ప్రభుత్వం!

2011-04-14T10:37:00.002+05:30

ఇన్నాళ్ళకి రాష్ట్రంలో ప్రభుత్వం నేనున్నాను అంటూ అస్తిత్వం చూపింది.. రాజ్యాంగ బద్దంగా ఎన్నికైన ప్రభుత్వమంటే లెక్కే లేనట్లు ఇష్టానుసారం చెల రేగుతున్న వేర్పాటు వాద శక్తులకి ముకు తాడు వేసే దిశగా జీవో 177 విడుదల చేసింది. ఈ జీవో రాష్ట్రంలోని అన్ని ప్రాంతాల వారికీ వర్తిస్తుంది. అయినా కూడా దీని పై తెలబాన్ నాయకులు, తెలంగాణా ప్రాంత ఉద్యోగులు గుమ్మడి కాయ దొంగ బుజాలు తడుముకున్నట్లు రచ్చ చేస్తున్నారు. అసలు ప్రభుత్వోద్యోగులందరికీ కాండక్టు రూల్సు, డిసిప్లినరీ రూల్సు అనేకం వుంటాయి. అవన్నీ సక్రమంగా అమలు జరిపితే ఇలాంటి జీవో ఇవ్వాల్సిన అవసరమే వుండదు. అయినా కూడా ఇన్నాళ్ళు సహనం వహించిన ప్రభుత్వం ఇప్పటికైనా కొరడా ఝుళిపించడం అభినందనీయం. రాజకీయ నాయకులు ఉద్యమాలు, ఆందోళనలు చేసారంటే అది వారి వ్యాపకం కాబట్టి ఆక్షేపించాల్సిన పని లేదు. అయితే తాము చేస్తున్న ఉద్యోగాలతో ఏ మాత్రం సంబంధం లేని ఆందోళనల కోసం విధులు ఎగ్గోట్టేసి తేరగా ప్రజల సొమ్ము భోం చేద్దామనుకొనే ఉద్యోగుల పట్ల ఇటువంటి చర్య సముచితమే. తెలబాన్ దొర వెంటనే స్పందిస్తూ ఈ జీవో ఇవ్వడానికి తెలంగాణా మంత్రుల ఆమోదం ఉందా అంటూ రంధ్రాన్వేషణ మొదలు పెట్టేసాడు! అంతే కాదు! తెలంగాణా మంత్రులంతా రాజీనామా చేయాలని హుకుం జారీ చేసేసాడు! నిజమే...తెలంగాణా మంత్రులే కాదు..తెలంగాణా ప్రాంత ప్రభుత్వ ఉద్యోగులు కూడా (కోదండ రాం తో సహా) తమ తమ కొలువులకి రాజీనామాలు ఇచ్చేసి ఉద్యమంలో పాలు పంచుకుంటే ఎవరికీ ఏ విధమైన అభ్యంతరాలు ఉండబోవు. ప్రభుత్వానికి కూడా ఇలా కర్ర పట్టుకోవాల్సిన పని కూడా వుండదు.

శభాష్ దీదీ!

2011-04-13T20:56:00.000+05:30

బెంగాల్ విభజనకి ఎట్టి పరిస్థితుల్లోనూ అనుమతించేది లేదని మమతా బెనర్జీ కుండ బద్దలు కొట్టారు. గోర్ఖాలాండ్ ఏర్పాటుకి తృణమూల్ కాంగ్రెస్ వ్యతిరేకమని దీదీ స్పష్టం చేసారు. ఎన్నికల ముంగిట్లో....అందులో ప్రతి పక్షంలో ఉంటూ కూడా విధాన నిర్ణయం ధైర్యంగా ప్రకటించటం అభినందించాల్సిన విషయం.

https://www.andhrajyothy.com/mainnewsshow.asp?qry=2011/apr/13/main/13main4&more=2011/apr/13/main/main&date=4/13/2011

ఈ మాత్రం చేవ, తెగువ మన వాళ్లకి వుంటే తెలంగాణా సమస్య కోతి పుండు బ్రహ్మ రాక్షసిలా తయారయి వుండేది కాదు. అంతే కాదు. ప్రస్తుత పరిస్థితుల్లో రాష్ట్రానికి కావలసినది ఏమిటో శ్రీ కృష్ణ కమిటీ అరటి పండు వలిచి ఇచ్చినట్లు విశదీకరించాక కూడా ఒక విధాన నిర్ణయం తీసుకోకుండా మీన మేషాలు లెక్కిస్తున్న మన రాష్ట్రంలోని రాజకీయ పార్టీలకి..ఎంత సేపూ స్వంత ఎజెండాలని అమలు చేసుకుంటూ పబ్బం గడుపుకోవడమే తప్ప సమస్య పరిష్కారానికి చిత్త శుద్ధి చూపడం తెలియదన్నది స్పష్టమై పోయింది.

అతిశయోక్తికైనా హద్దు వుండాలి!

2011-04-03T18:41:00.001+05:30

పెట్టుబడులకి అత్యంత అనువైన రాష్ట్రం ఆంధ్ర ప్రదేశ్ అంటూ ప్రభుత్వం ఈ రోజు పత్రికల్లో విడుదల చేసిన ప్రకటన చూస్తె నవ్వాలో ఏడవాలో తెలీదు. ఓ పక్క తెలబాన్ల దెబ్బకి ఇప్పటికే ఉన్న వ్యాపార వాణిజ్య వర్గాలన్నీ దుకాణాలు కట్టేసుకోవడమో లేదా గుజరాత్ కి తరలి వెళ్లి పోవటమో చేస్తున్నాయి. ఇక కొత్తగా రాష్ట్రం కేసి తొంగి చూసే ధైర్యం ఏ వ్యాపార వేత్త కి లేనే లేదు. రాష్ట్రం లో ఆస్థిరతకి కారణమైన తెలబాన్ సమస్యని పరిష్కరించకుండా ప్రభుత్వం ఎన్ని మసి పూసి మారేడు కాయ చేసే ప్రకటనలు చేసినా ఏ వాణిజ్య వేత్త నమ్మే పరిస్థితి లేదు. కేవలం తెలబాన్ సమస్య పరిష్కారం కోసమే ఏర్పరచిన శ్రీ కృష్ణ కమిటీ ఇచ్చిన అత్యుత్తమ ఆరో పరిష్కార మార్గం అమలు విషయమై శ్రద్ధ చూపి ఆ తరువాత ఇటువంటి ప్రకటనలు ఇస్తే అర్ధవంతంగా వుంటుంది. ప్రభుత్వానికి నిజంగా చిత్త శుధ్ధి వుంటే తక్షణం వేర్పాటువాదాన్ని కూకటి వేళ్ళతో పెకలించే దిశగా చర్యలు తీసుకొని, రాష్ట్రం లో ప్రశాంత పరిస్థితులు నెలకొలిపే ప్రయత్నం చేయాలి.

ఆంధ్రావనికి ద్రోహం చేస్తున్న జగన్...

2011-03-18T21:00:00.001+05:30

మాట తప్పని, మడమ తిప్పని వంశానికి చెందిన వాడినని చెప్పుకొనే జగన్ మాట తప్పుతున్నట్లే కనిపిస్తోంది. శాంతి స్వరూపుడైన బుద్ధుని విగ్రహాలని నాశనం చేసిన తాలిబాన్ల లాగ తెలుగు జాతి ఘన చరిత్రకి సంకేతాలైన టాంక్ బండ్ మీది విగ్రహాలని ద్వంసం చేసిన తెలబాన్లని జగన్ కించిత్తు విమర్శించక పోవటం ఆశ్చర్యకరం. కాంగ్రెస్ పార్టీలో వున్నప్పుడు పార్లమెంటు సాక్షిగా రాష్ట్ర విభజనకి తాను వ్యతిరేకమని స్పష్టం చేసిన జగన్ ఇప్పుడు సొంత పార్టీ పెట్టాక తన విధానం ప్రకటించక పోవటం శోచనీయం.

( పైన వీడియో చూడండి) భాగస్వామ్య పక్షాల అంగీకారం తీసుకోకుండా తొందరపాటుతో డిసెంబర్ 9 ప్రకటన చేసిన కాంగ్రెస్ పార్టీని ఎండగట్టే అవకాశాన్ని పార్టీనుండి బయటకి వచ్చాక జగన్ ఎందుకు సద్వినియోగం చేసుకోవట్లేదు? ఎటూ తేల్చకుండా నాన బెట్టబట్టే తెలంగాణా సమస్య ఈ రోజు కోతి పుండు బ్రహ్మ రాక్షసి అన్నట్లు తయారయింది. ఈ సంగతి తెలిసి కూడా సొంత రాజకీయ ప్రయోజనాల కోసం రాష్ట్రం తగలబడి పోతున్నా నిమ్మకి నీరెత్తినట్లున్న కాంగ్రెస్, టీడీపీ ల కి పోటీగా తాను కూడా వ్యూహాత్మక మౌనం పాటించటం నేరమే. వైఎస్ పధకాలన్నీ అమలు చేస్తానని డబ్బా కొడుతున్న జగన్, తండ్రి విశ్వసించిన సమైక్య వాదాన్ని ఎందుకు పాటిన్చట్లేదు? రాజ శేఖర రెడ్డి తరచుగా వాడిన పదం "విశ్వసనీయత". కేవలం పదవి కోసమే రాజకీయాలు చేసి ప్రజల్లో విశ్వసనీయత కోల్పోయిన నాడు జగన్ రాజకీయ భవిష్యత్తు అంధకారమే అవక తప్పదు.

పిచ్చి ముదిరిన కోదండ రాం!

2011-03-12T20:48:00.000+05:30

అసలు పోలీస్ పర్మిషన్ లేకుండా మిలియన్ మార్చ్ వంటి కార్యక్రమాన్ని నిర్వహించడమే పెద్ద తప్పు. తాము అనుమతించని కార్యక్రమాన్ని నిర్వహించి- తెలుగు జాతి పరువు పోయేలా జరిగిన విధ్వంస కాండకి నేరుగా బాధ్యత వహించాల్సిన కోదండ రాంని తక్షణం శిక్షించాల్సిన పోలీసులు మీన మేషాలు ఎందుకు లెక్క పెడుతున్నారో తెలీదు.అందునా ఆ కార్యక్రమంలో జరిగిన విధ్వంసానికి బాధ్యత వహించటం కానీ,లేదా పశ్చాత్తాపం వ్యక్తం చేయక పోవటం ముదిరిన ఆయన అహంకారానికి నిదర్శనం. మొక్కుబడిగా మీడియాకి క్షమాపణ చెప్పేస్తే చేసిన పాపం ప్రక్షాళన అవదు. తన మీద చర్య తీసుకోక పోవటం అలుసుగా తీసుకొనే ఈ రోజు ఆయన మళ్ళీ పైత్యాన్ని వెళ్ళ గక్కారు. ఆంధ్ర ప్రదేశ్ అసెంబ్లీ చచ్చి పోయిందనీ,త్వరలో కర్మ కాండలు నిర్వహిస్తామనీ సెలవిచ్చారు. ఆంద్ర ప్రదేశ్ రాష్ట్రంలోని మూడు ప్రాంతాల ప్రజలనుండి వసూలైన పన్నులనుండి జీతం తీసుకుంటూ ఆంద్ర ప్రదేశ్ శాసన సభ పైనే ఇటువంటి దురహంకార వ్యాఖ్యలు చేయడం ఎంత మాత్రం సహించకూడదు. ప్రభుత్వం ఇప్పుడు ఆయన పై చర్య తీసుకోవడానికి రెండు అవకాశాలున్నాయి.

ఒకటి- ప్రభుత్వ ఉద్యోగిగా ఉంటూ ప్రభుత్వ వ్యతిరేక వ్యాఖ్యలు, చర్యలు చేస్తున్నందుకు కఠినంగా శిక్షించడం...

అంత చేవ, తెగువ లేక పొతే...

రెండు- కోదండ రాంని ఎర్ర గడ్డ పిచ్చాసుపత్రిలో చేర్చి, పిచ్చి వాడి మాటలకి విలువ లేదని ప్రకటించడం..

తెలబాన్లను క్షమించకూడదు..

2011-03-10T20:40:00.002+05:30

ఉద్యమం కాదు అది వున్మాదమే!

వేర్పాటు వాదం కాదు అది తీవ్ర వాదమే..

తెలబాన్ అక్రుత్యాలకి అంతు లేదా?

అరాచకత్వానికి అంతం ఎప్పుడు?

వేర్పాటు వాదులకి బుద్ది చెప్పాలి!

వెర్రి తలలు వేస్తున్న వేర్పాటు వాదం..

హద్దు మీరుతున్న తెలంగాణా ఉద్యమం..

ఇవన్నీ నేను ఇంతకు ముందు రాసిన టపాల టైటిల్స్.. అన్నీకూడా అక్షర సత్యాలని ఈ రోజు తెలబాన్ గుంపులు నిరూపించాయి. తెలుగు వారి చరిత్రకి ప్రతిబింబాలైన మహనీయుల విగ్రహాలని అత్యంత దుర్మార్గంగా ద్వంసం చేయడమన్నది తెలబాన్ల పైత్యానికి పరాకాష్ట! అమర జీవి పొట్టి శ్రీరాములు విగ్రహాన్ని ద్వంసం చేసిన రోజే ప్రభుత్వం మేలుకొని వుంటే పరిస్థితి ఇంత దాకా వచ్చేది కాదు. పైగా విగ్రహాలు పొతే మళ్ళీ వస్తాయి అంటూ పిల్ల తెలబాన్ నాయకుడు చేసిన వ్యాఖ్య క్షంతవ్యం కానే కాదు. నాశనమైనవి వట్టి విగ్రహాలే కాదు.. మొత్తం తెలుగు జాతి పరువు ప్రతిష్టలు కూడా నేడు హుస్సేన్ సాగర్ జలాల్లో కలిసి పోయాయి. రాజధాని నడి బొడ్డున ఇంత అరాచకం జరిగాక ప్రభుత్వం ఇంకా చేతులు ముడుచుకొని కూర్చోవటానికి వీల్లేదు. ముల్లుని ముల్లుతోనే తీయాలి. అరాచకత్వానికి ఆయుధంతోనే సమాధానం చెప్పాలి. మరో ఆపరేషన్ బ్లూ స్టార్ నిర్వహించి పైత్యం ప్రకోపించిన వేర్పాటు వాదాన్ని కూకటి వేళ్ళతో పెకలించాలి.

బెల్టు తీసిన పోలీస్-తోక ముడిచిన కోదండ రాం!

2011-03-08T20:30:00.000+05:30

హైదరాబాదుని దిగ్బందిస్తాం..

ప్రపంచ చరిత్రలో ఇటువంటి ఆందోళన జరగలేదు., జరగ బోదు...

పోలీస్ పర్మిషన్ తీసుకొం..

ఉద్యమం చూసి ప్రభుత్వం ఇంటర్ పరీక్ష వాయిదా వెయ్యాలి...

కేంద్రాన్ని గడ గడలాడిస్తాం...

ఇలా ఒకటా రెండా? ఎన్నెన్ని ప్రేలాపనలు! ప్రభుత్వమంటే లెక్కే లేనట్లు..తన కను సన్నల్లో పరీక్షలు జరగాలన్నట్లు..కోదండ రాం హుంకరించారు. కానీ చివరికి ఏం జరిగింది? పిల్లల పరిక్షల విషయమై వెల్లువెత్తిన ప్రజాగ్రహంతో పాటు ఆంక్షల కొరడా ఝుళిపించిన పోలీస్ దెబ్బకి కోదండ రాం తోక ముడవక తప్పలేదు. మిలియన్ మార్చి సమయాన్ని మూడు గంటలకు, స్థలాన్ని టాంకు బండుకి పరిమితం చేసుకోవాల్సి వచ్చింది. ఇప్పటికైనా వాపుని చూసి బలుపనుకొని భ్రమ పడే వేర్పాటు (తీవ్ర) వాద గుంపులకి ఈ పరిణామం కనువిప్పు కావాలి.

తెలంగాణా ఉద్యమం వెనుక ఉన్న అసలు కద!

2011-03-06T15:04:00.000+05:30

(నా బ్లాగులో ముందరి టపాలో LBSతాడేపల్లి గారి కామెంట్ యదా తధంగా )

తెలంగాణ ఉద్యమం అనేది తెలుగుదేశం పార్టీని డౌన్ చేయడం కోసం కాంగ్రెస్ పార్టీ పదేళ్ళ నుంచీ తెఱ వెనక ఉండి డబ్బులిచ్చి మఱీ కృత్రిమంగా నడిపిస్తున్న వ్యూహాత్మక ఉద్యమమని తెలంగాణ అమాయకులకు తెలియదు. తెలియక, అదేదో తమవాళ్ళ ప్రతిభ, సృజనాత్మకత, పౌరుషం అనుకుని ఇంకా ఎక్కువెక్కువ లొల్లి చేస్తే భయపడి రాష్ట్రం ఇచ్చేస్తారనుకొని తెలంగాణకి అక్షరాలా నిప్పెట్టేస్తున్నారు. కేసీయార్ గర్జనలన్నీ నిజమనుకుంటున్నారు. మిహతా రాష్ట్రమంతా ఆనందంగా గడిపేస్తూండగా తెలంగాణ ఒక్కటీ ఒక తప్పుడు మిథ్యా ఉద్యమం పేరుతో నిలువునా తగలబడిపోతోంది. అందఱూ కలిసి దీన్ని ఎలాగైనా ఆపాలి !

తెలంగాణ సోదరులారా !

మీరు వట్ఠి అమాయకులు

కాంగ్రెస్ రాజకీయం తెలియని పిచ్చోళ్ళు

ఉద్యమం రేపెట్టింది వాళ్ళు

తాము వెనకుండి కేసీయార్ ని ముందుకు తోసింది వాళ్ళు

కేసీయార్ కి తెలంగాణ భవన్ ఇచ్చింది వాళ్ళు

అతన్ని గెలిపించింది వాళ్ళు

ఎవళ్ళు ? బాబూ ! ఇంకెవళ్ళు మన కాంగ్రేసోళ్ళు

కేసీయార్ కి డబ్బులు దొబ్బబెట్టింది వాళ్ళు

అతని చేత నిరాహారదీక్ష చేయించింది వాళ్ళు

విరమింపజేసింది వాళ్ళు

ఉద్యమం చేయించింది వాళ్ళు

ఎవళ్ళు ? బాబూ ! ఇంకెవళ్ళు మన కాంగ్రేసోళ్ళు

సహాయనిరాకరణ చేయించింది వాళ్ళు

నిరాకరణ విరమణ చేయించింది వాళ్ళు

మిలియన్ మార్చ్ చేయిస్తున్నది వాళ్ళు

ఇస్తామన్నది వాళ్ళు, వెనక్కు తీసుకున్నది వాళ్ళు

ఎవళ్ళు ? బాబూ ! ఇంకెవళ్ళు మన కాంగ్రేసోళ్ళు

ఇహనైనా కళ్ళు తెఱవండి ! విషయాలు గ్రహించండి !

రాని రాష్ట్రం కోసం అన్నదమ్ముల్లాంటి

ఆంధ్రావాళ్ళతో అనవసరంగా గొడవపడకండి !

ఢిల్లీ కాంగ్రెస్ కుటిల రాజకీయాలకు

కరాళంగా బలికాకండి !

ఇతరులని బలి చేయకండి !

మీరు సమైక్యవాదుల్ని అమ్మనా బూతులు తిట్టినా ఫర్వాలేదు గానీ మీ నిజాన్ని గ్రహించి మీ యీ ప్రవర్తనకు సిగ్గుపడే రోజు తప్పకుండా వస్తుంది. చాలా తొందఱగానే రాబోతోంది.

( LBSతాడేపల్లి గారికి కృతజ్ఞతలు )

తెలంగాణా ఇవ్వబోమని తేల్చేసిన కాంగ్రెస్!

2011-03-05T22:41:00.000+05:30

"తెలంగాణా కి ఒకే అంటే సోనియా కాళ్ళు కడిగి ఆ నీళ్ళు నెత్తిన జల్లుకుంటా..- 26 డిసెంబర్,2010 న కే.సి.ఆర్."== ఇటలీ దేవత ముందు ఇంతలా సాగిల పడ్డా ఉపయోగం లేదు.

మహా గర్జన పేరుతొ వింత మొరుగుళ్ళు మొరిగినా లెక్క చేయలేదు.
తాము తెర వెనుక ఉంటూ తెర ముందుకు జై బోలో తెలంగాణా తెచ్చినా వర్కవుట్ అవలేదు.
సహాయ నిరాకరణ అంటూ ఉద్యోగులని ఎగ దోసినా ఉపయోగం లేదు.

"పల్లె పట్టాల పైకి" అంటూ రైలు పట్టాల మీద కాపురం చేయించినా పట్టించుకోనేలేదు.

నోటికి నల్ల బెండేజీలు కట్టుకొని పార్లమెంటులో తిరిగినా,అదే పార్లమెంటులో తెలబాన్ చెల్లి వల వలా ఏడ్చినా కూడా చలించలేదు.

ఇటువంటి టక్కు టమార గారడీ విద్యలు ఎన్ని ప్రదర్శించినా కూడా తెలంగాణా ఇచ్చేది లేదని కాంగ్రెస్ పార్టీ చెప్పకనే చెప్పింది. పార్టీ కేంద్ర కార్యవర్గం నుండి తెలంగాణా వాదుల్ని సాగనంపి వారంటే లెక్కే లేదన్న విధంగా నియామకాలు చేసింది. పదవుల్ని వదిలి గంట కూడా వుండలేరన్న కావూరి మాటల్లోని సత్యం కాంగ్రెస్ అధిష్టానానికి స్పష్టమయింది. అందుకే డోంట్ కేర్ అన్నట్లు తెలంగాణా వాదుల్నీ, వాదనల్నీ పక్కన పెట్టేసి ఐదు రాష్ట్రాల ఎన్నికల ఏర్పాట్లలో మునిగి పోయింది. మరి ఇంకా ఎందుకు అనవసర ఆందోళనలూ,విధ్వంసాలు, మిలియన్ మార్చి పేరుతొ విద్యార్ధుల జీవితాలతో చెలగాటాలు! ఇక ఎంత మాత్రం సాగనివ్వకూడదు. అనవసర ఆందోళనల కోసం విద్యార్ధుల పరీక్షలు బలి కాకూడదు.

విద్యార్ధుల భవిష్యత్ దిగ్బంధనం!

2011-03-04T21:49:00.000+05:30

మిలియన్ మార్చ్ పేరుతొ పదవ తేదీన తెలబాన్ గుంపులు తల పెట్టింది భాగ్య నగర దిగ్బంధనం కాదు..వేలాది మంది విద్యార్ధుల భవిష్యత్ దిగ్బంధనం. ఇంటర్ పరీక్షలతో పాటు విద్యార్ధి భవిష్యత్తుకి కీలకమైన పదవ తరగతి పరీక్షలు జరుగనున్న పదవ తేదీన తల పెట్టిన మిలియన్ మార్చ్ కార్యక్రమాన్ని ప్రభుత్వం వెంటనే నిషేధించాలి. తెలంగాణా ఆకాంక్షని తెలియ చేయడానికన్న వంకతో టెన్త్ క్లాస్ విద్యార్ధుల భవిష్యత్తుతో ఆటలాడటం క్షమించరాని నేరం. పైగా తాము ఉద్యమం తల పెట్టామని పరీక్షలు వాయిదా వేయాలంటూ ప్రభుత్వానికి హుకుం జారీ చేయటం తెలబాన్ల దురహంకారానికి నిలువెత్తు నిదర్శనం. జాతీయ స్థాయిలో జరుగుతున్న సి.బీ.ఎస్.ఈ. పదవ తరగతి పరీక్షలు కేవలం ఒక రాష్ట్రంలోని కొంత ప్రాంతంలో ఉన్న ఉద్రిక్త పరిస్థితుల వల్ల వాయిదా వేయరన్న ఇంగిత జ్ఞానంకూడా లేకుండా విద్యా రంగంలోనే ఉన్న ఒక మూర్ఖ ప్రొఫెసర్ ఆధ్వర్యంలో తల పెట్టిన ఈ కార్యక్రమం జరగడానికి వీల్లేదు. ఏడాది అంతా కష్ట పడి చదివి ఈ రోజు పరీక్ష రాయ గలమో లేదో అన్న టెన్షన్ లో విద్యార్దులనీ, పిల్లల భవిష్యత్ గురించిన మానసిక వేదనతో వారి తల్లి దండ్రులని వేధిస్తున్న మిలియన్ మార్చ్ కార్యక్రమాన్ని అడ్డుకొనే తెగువ ప్రభుత్వానికి లేక పొతే తక్షణం రాష్ట్రపతి పాలన విధించి ప్రశాంత వాతావరణం కల్పించాల్సిన బాధ్యత కేంద్ర ప్రభుత్వానికి వుంది.

మూర్ఖ తెలం"గానం" !

2011-03-02T23:07:00.000+05:30

పాడిందే పాటరా పాచి పళ్ళ దాసుడా అన్నట్లు తెలబాన్ వీరులకు ఎంత సేపూ చిదంబరం గారి డిసెంబరు 9వ తేదీ ప్రకటన తప్ప మరేమీ పట్టనట్లు వుంది. ఏ హోదాలో డిసెంబరు 9వ తేదీ ప్రకటన చేసారో అదే కేంద్ర హోమ్ మంత్రి హోదాలో డిసెంబర్ 23వ తేదీ మరో ప్రకటన చేసిన విషయం వారి పీత బుర్రలకి పట్టదా? మళ్ళీ అదే చిదంబరం తాజాగా - రాత్రికి రాత్రి తెలంగాణా రావడం కష్టం అని స్పష్టం చేస్తే ఇన్నాళ్ళూ దేవుడిలా కనిపించిన చిదంబరం దెబ్బకి దెయ్యమై పోయాడు! అలాగే న్యాయ శాస్త్రం చదివిన న్యాయవాదులు వీధి రౌడీల మాదిరి హైదరాబాదులోని ఎంపీ కావూరి సాంబశివ రావు ఇంటి మీదకి దాడికి వెళ్ళడం మరీ హాస్యాస్పదం. అసలు కావూరి చెప్పిన దాంట్లో తప్పు ఏముంది? తన ఇంటి మీద దాడి చేస్తే తెలంగాణా రాదు...ఆ ప్రాంత ఎంపీలు రాజీనామా చేస్తే వస్తుందని ఆయన అన్నారు. ఎంత సేపూ తమ పదవులని అంటి పెట్టుకుని ఉంటూ ఉద్యమం పేరుతొ ప్రజలని ఇక్కట్ల పాలు చేయటమే తెలబాన్ నాయకులకి తెలిసిన విద్య. ఇతర పక్షాల వారిని రాజీనామా చేయమని బావురు కప్పల్లా అరవడమే తప్ప తమ రాజీనామాని సరైన ఫార్మాట్లో ఇవ్వటం వారికి ఈ రోజుకీ తెలియని విద్య! అలాగే సినీ కళా కారులని వేధించటం తెలబాన్లకి వెన్నతో పెట్టిన విద్య అన్న విషయం నాటి అదుర్స్ సినిమా యూనిట్ వారినుంచి నేటి అల్లరి నరేష్ సినిమా యూనిట్ వారిని ఎవ్వరిని అడిగినా కధలు కధలుగా చెప్తారు. తాను పుట్టింది తెలంగాణా ప్రాంతమైనా ఏనాడో నలభై ఏళ్ల క్రితమే "తెలుగు జాతి మనది-నిండుగ వెలుగు జాతి మనది" అని సమైక్య రాగాన్ని వినిపించిన పెద్ద మనిషి డా. సి.నారాయణ రెడ్డి ఈ రోజు జై తెలంగాణా అన్నారంటే -- కళాకారులని సైతం తెలబాన్లు ఏ రేంజిలో వేధించారో తేట తెల్లమవుతోంది.వెర్రి కుదిరింది రోకలి తలకి చుట్టమన్నట్లు అన్న చందాన తెలబాన్ల ఆగడాలు రోజు రోజుకీ శృతి మించి రాగాన పడుతున్నాయి. ఈ ఆగడాలకీ, అఘాయిత్యాలకీ తక్షణం ఫుల్ స్టాప్ పెట్టాలి. తెలంగాణా ప్రాంతంలోని సామాన్య ప్రజలని తెలబాన్ కబంధ హస్తాలనుండి విముక్తి కలిగించాలి. ప్రశాంతంగా జీవించే హక్కుని కాల రాస్తున్న తెలబాన్ నాయకులని సాంఘిక బహిష్కరణ చేయాలి. మిలియన్ మార్చ్ పేరుతొ మళ్ళీ ప్రజలని ఇక్కట్లపాలు చేయాలన్న వారి దుష్ట పన్నాగాన్ని కేంద్రం నిలువరించాలి.

తెలంగాణా గోల తప్ప ప్రజల గోడు పట్టదా?

2011-02-28T22:38:00.000+05:30

పని చేయని ప్రభుత్వోద్యోగులు + పరీక్షలు రాయని విద్యార్ధులు + స్వార్ధ రాజకీయాల కోసం దొంగ ఉద్యమాలు చేసే తెలబాన్ గుంపులు + చేత గాక చోద్యం చూసే ప్రభుత్వం ..... వీరందరి మధ్య సామాన్య మధ్య తరగతి /బడుగు జీవుల సమస్యల గురించి ఆలోచించే వాడెవడైనా వున్నాడా? అసలు ప్రత్యెక రాష్ట్రం వచ్చినంత మాత్రాన ఉద్యోగులకి, విద్యార్ధులకి ఒరిగేదేమిటి? పరీక్షలు బహిష్కరించమని రెచ్చగొడుతున్న ప్రొఫెసర్ కి జీతంలో ఒక్క రూపాయి కూడా నష్టం వుండదు. కానీ నష్ట పోతున్న విద్యా సంవత్సరం గురించిన ఆలోచన రోడ్డెక్కుతున్న విద్యార్ధులకి ఉండద్దా? వుద్యోగులైనా అంతే! ప్రత్యెక రాష్ట్రం వస్తే స్పెషల్ ఇంక్రిమెంట్ అని తెలబాన్ దొర చెప్పగానే పనులు మానేసి రోడ్ల మీదకి వచ్చేయటమే! డ్యూటీ చేయని ఉద్యోగుల పై శాఖా పరమైన చర్యలు ప్రభుత్వం మొదటి రోజే తీసుకొని వుంటే విషయం ఇంత ముదిరేది కాదు. పని చేయని వారి పై చర్య తీసుకోవటం వేధింపు చర్య కానే కాదు. ప్రభుత్వం తక్షణం అలసత్వాన్ని వీడి పాలనా యంత్రాంగాన్ని పట్టాలెక్కించాలి. అలాగే రైల్ రోకో పేరు మీద పట్టాలెక్కటానికి సిద్ధమవుతున్న వారిని అదుపు చేయాల్సింది పోయి రైల్వే శాఖ ముందుగానే రైళ్ళని రద్దు చేయటం చాల దారుణం. ఏతా వాతా తేలేదేమంటే సామాన్య ప్రజల ఇక్కట్లనేవి ప్రభుత్వానికి ఏ మాత్రం పట్టట్లేదని.... ప్రశాంత జీవన పరిస్థితులకి పాడె కట్టి వూరేగిస్తున్న తెలబాన్ గుంపుల అక్రుత్యాలని అడ్డుకోలేని పక్షంలో తక్షణం ప్రభుత్వాన్ని రద్దు చేసి రాష్ట్రపతి పాలన విధించాలి.

ఉద్యమం కాదు..... అది వున్మాదమే!

2011-02-26T17:26:00.000+05:30

ఈజిప్ట్ తరహా ఉద్యమం.......గుజ్జర్ల తరహా ఆందోళన వంటి రంగులు పూసుకొని మార్చి ఒకటో తేదీ నుండి తెలంగాణా ప్రాంతంలో విధ్వంసానికి మళ్ళీ తెలబాన్లు ముహూర్తం పెట్టారు. ఇప్పటికే ప్రభుత్వ ఉద్యోగుల సహాయ నిరాకరణ, 48గంటల బందు వంటి కార్యక్రమాలతో విసుగెత్తి పోయిన సామాన్య ప్రజలకి మళ్ళీ రైల్ రోకోలు, రాస్తా రోకోలు భరించలేనివిగా తయారవుతున్నాయి. అసలు ఈజిప్టు ఉద్యమానికీ తెలబాన్ల రగడకీ ఏమైనా సంబంధం ఉందా? నియంతృత్వానికి వ్యతిరేకంగా సాగింది ఈజిప్టు ఉద్యమం...కానీ ఇక్కడో? కొద్ది మంది తెలబాన్ల రాజకీయ మనుగడ కోసం రాష్ట్ర అభివృద్ధినే పణంగా పెడుతూ చేస్తున్న విధ్వంస కాండ కేంద్ర-రాష్ట్ర ప్రభుత్వాల చేత కాని తనంతో నిస్సిగ్గుగా కొన సాగుతోంది. టీవీ కెమెరాల సాక్షిగా "కొట్టండిరా వాణ్ని" అని తోటి శాసన సభ్యునికేసి వేలు చూపించి మరీ రౌడీలని ఎగదోసిన పిల్ల తెలబాన్ నాయకుడి పై ఈ రోజు వరకు పోలీసులు చర్యలు తీసుకున్న దాఖలా లేదు. పనులకి ఎగనామం పెట్టి వేర్పాటు వాదులతో చేరి ఆందోళన చేస్తున్న ప్రభుత్వ ఉద్యోగుల మీద కూడా చర్యలు ఎందుకు తీసుకోవట్లేదు? కూర్చో పెట్టి వాళ్లకి జీతాలు ఇస్తే రాష్ట్రంలోని మిగత ప్రాంతాల్లోని ఉద్యోగుల నైతిక స్థైర్యం దెబ్బ తినదా? "ఎస్మా"వంటి చట్టాలు ఎందుకు వున్నట్లు? అలంకారానికా? ప్రజలు ఇక్కట్ల పాలు అవుతుంటే చోద్యం చూస్తూ కూచోవడానికా ప్రభుత్వాధినేతలు వున్నది? అలాగే దేశంలో గోర్ఖలాండ్, బోడోలాండ్ వంటి అనేక వేర్పాటు వాద ఉద్యమాలు నివురు గప్పిన నిప్పుల్లా ఉన్న ప్రస్తుత పరిస్థితుల్లో ఆంధ్ర ప్రదేశ్ లో జరుగుతున్న వేర్పాటు వాద విధ్వంసాన్ని అరికట్టేలా చర్యలు తీసుకోక పోవటం ఏ మాత్రం మంచిది కాదు. కొద్ది మంది రాజకీయ నిరుద్యోగులకే తప్ప సామాన్య ప్రజలకి ఏ మాత్రం సంబంధం లేని ప్రత్యెక రాష్ట్రం నినాదం మొగ్గలోనే తుంచి వేస్తె ఏ సమస్య వుండేది కాదు. కానీ మొదట్లో నిర్లక్ష్యం చేయటంతో ఇప్పుడు వేర్పాటు వాద వట వృక్షంగా ఎదిగి చివరికి విద్యార్ధుల, అమాయక ప్రజల మనసులు కూడా కలుషితం చేసే స్థితికి వచ్చిందంటే దానికి కేవలం అధికారంలో ఉన్న ప్రభుత్వాలదే బాధ్యత. ఈ విధ్వంసాలు ఏ అడ్డు అదుపు లేకుండా కొన సాగటానికి కేంద్ర సహకారం ఉందేమో అన్న అనుమానం ఇప్పుడు అందరికీ వస్తోంది. ఎందుకంటే ఈ ఆందోళనలు చేయి దాటే పరిస్థితి వచ్చే వరకు వేచి ఉండి, ఇక తప్పని సరి పరిస్థితుల్లో తెలంగాణా ఇచ్చేస్తున్నామని ప్రకటించేసి... క్రెడిట్ తాము కొట్టేద్దామని కేంద్రం ఆలోచన కావచ్చు. అదే కనుక కేంద్రం ఉద్దేశ్యం అయితే అది ఖచ్చితంగా ఆత్మ హత్యా సదృశమే అవుతుంది. కేంద్రం ఆ నిర్ణయం వెలువరించిన మరుక్షణం ఇప్పుడు జరుగుతున్న విధ్వంసానికి కొన్ని రెట్లు సీమ,ఆంధ్రల్లో చెలరేగటం ఖాయం. ప్రత్యెక రాష్ట్రం కోసం ఉన్న డిమాండ్ లో ఎంత హేతు బద్ధత వుందో, సమస్య పరిష్కారానికి ఏది అత్యుత్తమ మార్గమో అన్నది కేంద్రం స్వయంగా ఏర్పాటు చేసిన శ్రీ కృష్ణ కమిటీ తేల్చేసింది. మరి ఇంకా ఆ పరిష్కారం దిశగా చర్యలు తీసుకోకుండా కేంద్రం ఎందుకు కాల యాపన చేస్తున్నట్లు? ఒక పక్క రాష్ట్రంలో పరిపాలన స్తంభించి పోతుంటే నివారణ చర్యలు తీసుకోకుండా మీన మేషాలు ఎందుకు లెక్కిస్తున్నట్లు?

అరాచకత్వానికి అంతం ఎప్పుడు?

2011-02-23T06:54:00.000+05:30

రాష్ట్రంలో జరుగుతున్న సంఘటనలు చూస్తుంటే అసలు ఇక్కడ ప్రభుత్వం అనేది పని చేస్తోందా అని సందేహం వస్తోంది. వేర్పాటు వాదం వెర్రి తలకెక్కి ఏకంగా 48 గంటల పాటు ప్రజా జీవితాన్ని స్తంభింప జేయడాన్ని సమర్ధంగా ఎదుర్కోలేక చేష్టలుడిగి చూస్తున్న ప్రభుత్వ వైఖరి గర్హనీయం. ప్రత్యెక రాష్ట్రం కోసం దేశంలో చాల చోట్ల డిమాండ్లు వున్నాయి. కానీ ఎక్కడా కూడా ఇక్కడ ఉన్నంత అరాచకత్వం, అసమర్ధ పాలన మనం చూడలేదు. చివరికి శాసన సభ సైతం రౌడీ దర్బార్ గా మారి పోవటం బాధాకరం. గవర్నరు కుర్చీని లాగేడొకడు! బల్లల పైకి ఎక్కి తాండవం ఆడేది మరొకడు! వీళ్ళా ప్రజా ప్రతినిధులు?? కేవలం ఐదు రోజులు సస్పెండ్ చేస్తే వారిలో మార్పు వస్తుందా? సభా మర్యాదలు పాటించని వారిని అసలు సభలోకి అనుమతించకుండా చర్యలు తీసుకోవాలి. అలాగే జేపీ చెప్పినట్లు ఏనుగు లాంటి సమస్య ఎదురుగా వుంటే పట్టనట్లుగా పాలక పక్షం,ప్రధాన ప్రతి పక్షం కూడా వ్యవహరించటం విచిత్రం. ఆయనే చెప్పినట్లు ఇంక ముసుగులో గుద్దులాట అనవసరం. పాలక పక్షం, ప్రతి పక్షం రెండూ కూడా తమ స్వార్ధ రాజకీయాల్ని పక్కన పెట్టి విశాలాంధ్ర హితం కోసం చిత్త శుద్ధితో పని చేయాలి. లేకపోతె ఇది దేశంలోని మిగతా వేర్పాటు వాద ఉద్యమాల వారికి తప్పుడు సంకేతాలు పంపినట్లవుతుంది.ఉద్యమం ముసుగులో తామేం చేసినా చెల్లి పోతుందన్న అభిప్రాయం దేశంలోని పలు చోట్ల విస్తరిస్తే అది మరింత ఆస్థిరతకి దారి తీస్తుంది. కనుక కేంద్రం ఈ విషయం లో జోక్యం చేసుకొని వెంటనే ఆంధ్ర ప్రదేశ్ లో రాష్ట్రపతి పాలన విధించటమే గాక కోతి పుండు బ్రహ్మ రాక్షసి అయినట్లుగా పెచ్చు మీరిన వేర్పాటు వాదాన్ని కఠినమైన మిలటరీ చర్యతోనైనా అణచి వేయాలి.

వేర్పాటు వాదం కాదు ఇది తీవ్ర వాదమే!

2011-02-17T20:09:00.000+05:30

ఉద్యమం ముసుగులో తాము ఏమి చేసినా చెల్లి పోతుందన్న అహంకారంతో ఒళ్ళు మదించిన తెలబాన్ శాసన సభ్యులు నేడు నిజాయితీకి, నిక్కచ్చిగా మాట్లాడే స్వభావానికి మారు పేరైన జయ ప్రకాష్ నారాయణ పై భౌతిక దాడికి దిగటం ఘోరం. జే.పీ ఏనాడు తాను సమైక్య వాదినని ప్రకటించుకోలేదు. తప్పు ఎవరి వైపు వున్నా సూటిగా విమర్శించటం ఆయన నైజం. ఆయన గురించి గతంలో రాసిన టపా ఇక్కడ చదవండి.

http://andhraaakasaramanna.blogspot.com/2010/12/blog-post.html

శాసన సభ్యులు గూండాల్లా, వీధి రౌడీల్లా ప్రవర్తించటం ఇంత వరకు బీహారు వంటి రాష్ట్రాల్లోనే చూసాం. ఆ జాడ్యం ఇప్పుడు మనకీ అంటుకుంది. గవర్నరు ప్రసంగాన్ని అడ్డుకోవడం సరి కాదన్నందుకే జేపీ పై దాడి చేయటం హేయమైన చర్య. అసెంబ్లీ మీడియా పాయింట్ లో జేపీ చెప్పినవన్నీ అక్షర సత్యాలే. మంచి వాడి మౌనం చెడ్డ వాడి దుర్మార్గం కన్నా ప్రమాదకరమైనదని ధైర్యంగా ప్రకటించిన జేపీ కి అభినందనలు. ఆయన చెప్పినట్లు రాజ్యాంగ బద్దంగా ప్రభుత్వాన్ని నడపలేనపుడు ఈ చేతకాని ప్రభుత్వాన్ని రద్దు చేసి రాష్ట్రపతి పాలన విధించటం ప్రస్తుత పరిస్థితులలో అత్యావశ్యకం. అలాగే తొండ ముదిరి ఊసర వెల్లి అయినట్లు తీవ్ర వాదంగా ముదిరిన వేర్పాటు వాదాన్ని ఉక్కు పాదంతో అణచి వేయటం కూడా కేంద్ర ప్రభుత్వ తక్షణ కర్తవ్యం.

తెలబాన్ అకృత్యాలకి అంతు లేదా?

2011-02-17T07:20:00.002+05:30

రాష్ట్ర రాజధానిలో మళ్ళీ అమర జీవి పొట్టి శ్రీరాములు విగ్రహానికి అపచారం జరిగింది...కే.సి.ఆర్.ని ఒంగోలు ఎంపీ విమర్శించారని ఈ దుశ్చర్యకి పాల్పడ్డారట! ..ఇదే విషయంలో నా మునుపటి టపా చదవండి..

http://andhraaakasaramanna.blogspot.com/2010/10/blog-post_4669.html

చాన్సు దొరికితే చాలు పొట్టి శ్రీరాములు విగ్రహాల పై దండెత్తుతున్న తెలబాన్లకి ఇంగిత జ్ఞానం అన్నది వున్నదా అని సందేహం వస్తోంది. అసలు తెలంగాణా ఉద్యమానికీ పొట్టి శ్రీరాములు గారికీ ఏమైనా సంబంధం ఉందా? పైగా తెలబాన్ నాయకుణ్ణి ఎవరో విమర్శించారని అమర జీవి విగ్రహాన్ని ధ్వంసం చేయటం మరింత అపచారం. అసలు తెలబాన్ నాయకునికి అమర జీవి తో ఏమైనా పోలిక ఉందా? తెలుగు వారికి స్వంత రాష్ట్రం కోసం నిస్వార్ధంగా ప్రాణ త్యాగం చేసింది పొట్టి శ్రీరాములు. స్వార్ధ ప్రయోజనాల కోసం దొంగ దీక్షలు చేసి పచ్చగా ఉన్న రాష్ట్రాన్ని పాడు బెట్టిన ఘనత తెలబాన్ నాయకుడిది! తెలంగాణకి ఎవరైనా అడ్డొస్తే అడ్డంగా నరికేస్తాం అని ప్రగల్భాలు పలికే తెలబాన్లకి ఈ విగ్రహాలు అడ్డంగా కనిపించాయా? మన జాతీయ పతాకాన్ని లేదా జాతీయ గీతాన్ని అవమానించటం ఎంత నేరమో..మన రాష్ట్రానికి సంబంధించినంత వరకు పొట్టి శ్రీరాములు విగ్రహాలని అవమానించటం అంతే నేరం అవుతుంది. పనీ పాట లేని అల్లరి మూకలు చేసే ఇటువంటి ఉన్మాద చర్యలని ఇక ఎంత మాత్రం సహించకూడదు. ఉద్యమం పేరుతొ ఇటువంటి దుశ్చర్యలకి ప్రేరేపించే విధ్వంసకారులైన నాయకులని కూడా ప్రభుత్వం కట్టడి చేయాలి.

వాలెంటైన్స్ డే అయితే వర్రీ ఎందుకు?

2011-02-14T07:30:00.006+05:30

ప్రేమికుల రోజు (Valentines Day) గురించి భజరంగ్ దళ కార్య కర్తల ఆగడాలు ఈ మధ్య ఎక్కువ అవుతున్నాయి. కేవలం ప్రచార ఆర్భాటం కోసం సంప్రదాయ పరి రక్షకులుగా అవతారం ఎత్తి చేతికి దొరికిన జంటలకి పెళ్ళిళ్ళు చేయటం మూర్ఖత్వమే. మీడియా కూడా అటువంటి వార్తలకి ప్రాధాన్యం ఇవ్వడంతో వారు మరింత రెచ్చి పోతున్నారు. లౌకిక రాజ్యమైన మన దేశంలో ఇటువంటి చర్యలు దేశ గౌరవానికి మచ్చ తెస్తాయి. ప్రపంచమే కుగ్రామంగా మారిన నేటి రోజుల్లో ఒక దేశం వారి పండగలు మరో చోట జరుపుకోవటం సర్వ సాధారణం. మన దేశానికి సంబంధించిన దీపావళి, గణేష్ చతుర్ధి ప్రపంచ వ్యాప్తంగా జరుపుకోవట్లేదా? అలాగే ఇష్టమైన వారు ప్రేమికుల రోజు జరుపుకుంటే తప్పు ఎందుకు అవుతుంది? కొన్ని జంటలు ప్రేమికుల రోజు కానుకలు ఇచ్చి పుచ్చుకున్నంత మాత్రాన దేశ సంస్కృతి మంట కలిసి పోతుందా? కొన్ని తరాల పాటు ముస్లిముల పాలనా, ఆ తరువాత ఆంగ్లేయుల పాలన సాగినా కూడా తట్టుకొని నిలబడిన మన సంస్కృతి ఆఫ్ట్రాల్ వాలెంటైన్స్ డే సంబరంగా జరుపుకుంటే నిలబడదా?మన సాంప్రదాయాల ప్రకారం వాలంటైన్స్ డే పనికి రానపుడు జనవరి ఒకటో తేదీ ఆంగ్ల సంవత్సరాది కూడా నిషిద్ధమే అవాలి. కానీ ఆ రోజు హేపీ న్యూ ఇయర్ చెప్పుకోని భజరంగ్ దళ సభ్యుడు ఎవరైనా ఉంటాడా?

రాజుల సొమ్ము రాళ్ళ పాలు - దేవుని సొమ్ము రైళ్ళ పాలు !

2011-02-13T11:38:00.000+05:30

హైదరాబాదులో పాత బస్తీ అభివృద్ది కోసం ఏదైనా ముస్లిం ధార్మిక సంస్థని ఒక్క రూపాయి అడిగే ధైర్యం ప్రభుత్వం చేస్తుందా? లేదు..కానీ తిరుపతి రైల్వే స్టేషన్ అభివృద్ది కి మాత్రం ప్రభుత్వం ఏర్పాటు చేసిన బోర్డు కోట్లు కుమ్మరిస్తుందట! ఎవరిచ్చారు బోర్డుకి ఆ అధికారం? 33 మంది ఎంపీలు అధికార పక్షంలో వున్నా మనకి కేంద్ర మంత్రి వర్గంలో దిక్కు మాలిన శాఖలే గతి..రైల్వే వంటి కీలక శాఖలు అన్నీ బెంగాలు, బీహారు లకే..ఆదరణ వున్నా లేక పోయినా కొత్త రైళ్ళు, ప్రాజెక్టులు ఆ రాష్ట్రాలకే....లక్షలాదిగా ప్రయాణీకులు వచ్చి పోయే తిరుపతి రైల్వే స్టేషన్ పై రైల్వే కి వచ్చే ఆదాయాన్ని బెంగాల్, బీహార్ లకి తరలిస్తుంటే అడ్డుకోవటం మాని దేవుని సొమ్ముని మళ్ళింప బూనటం ఆశ్చర్యం. గతంలో కూడా ఎన్.టీ.ఆర్. హయాంలో తిరుపతి లో డ్రైనేజీ అభివృద్ది కోసం టీ.టీ.డీ. నిధుల్ని వాడుకోవాలని చూస్తె హై కోర్టు మొట్టి కాయలు వేసింది. భక్తుల విరాళాలని నిత్యాన్న దానం వంటి సేవా కార్యక్రమాలకో లేదా ధార్మిక ప్రచారానికో వినియోగించాలి గానీ సౌకర్యాల నెపంతో ఇతర శాఖలు చేయాల్సిన కార్యక్రమాల్ని నెత్తిన వేసుకోవడం దుర్వినియోగమే అవుతుంది. టీ.టీ.డీ తక్షణం ఈ ప్రతిపాదనని విరమించుకోవాలి.

టీ.టీ.డీ. తల తిక్క నిర్ణయం..

2011-02-06T07:00:00.004+05:30

టీ.టీ.డీ.మంచి నిర్ణయం అని రాసిన పదహారు రోజులకే మళ్ళీ ఇలా రాయాల్సివస్తోంది. http://andhraaakasaramanna.blogspot.com/2011/01/blog-post_21.html

తిరుమల ఆలయాన్ని పురావస్తు శాఖ కి అప్పగించాలన్న బుద్ది ఎవరి పుర్రెలో పుట్టిందో కానీ నిబద్ధత గల అధికారిగా పేరున్న కృష్ణా రావు గారి హయాంలో ఈ నిర్ణయం రావడం ఆశ్చర్యం. అనంత స్వర్ణ మయం వంటి పధకాలు ముందు ముందు రాకుండా ఈ ప్రతిపాదన చేస్తున్నట్లు తెలిపారు. కానీ అటువంటి పధకాలు రావటానికి గల మూల కారణం ఏమిటి? సేవా తత్పరత ఏ మాత్రం లేకుండా స్వార్ధ ప్రయోజనాలకోసం తమ అధికారాన్ని దుర్వినియోగం చేసే రాజకీయుల్ని బోర్డు సభ్యులుగానూ, చైర్మన్ లు గాను నియమించ బట్టే అటువంటి పధకాలు వస్తున్నాయి. దానికి గాను ఆలయ కార్య నిర్వహణ లో రాజకీయ ప్రమేయాన్ని తగ్గించే దిశగా చర్యలు తీసుకోవాలి గానీ ఏకంగా పురా వస్తు శాఖకి ఆలయాల్ని అప్పగించటం పరిష్కారం కాదు. లక్షల సంఖ్యలో వచ్చే భక్తులకి దర్శనం కల్పించే విషయంలో కొన్ని లోటు పాట్లున్నా ప్రస్తుతం సాఫీగానే సాగుతోంది. కోణార్క్, తంజావూర్ లాంటి ఆలయాలకి భక్తుల తాకిడి అంతగా ఉండదు కాబట్టి అవి ఎవరి ఆధీనంలో వున్నా సమస్య లేదు. కాని తిరుమల ఆలయాన్ని మిగతా వాటితో పోల్చటం వేవేక రహితం. ఇప్పుడు తిరుమల ఆలయాన్ని చేజేతులా పురా వస్తు శాఖకి అప్పగిస్తే, రాబోయే నియంత్రణల వల్ల భక్తుల తాకిడి ని తట్టుకోవడం సాధ్యమా? ఇటువంటి చిన్న ఆలోచన పాలక మండలికి ఎందుకు రాలేదు? అలాగే ఏడాదికి ఒక్కసారే దర్శనానికి అనుమతించాలన్న ప్రతిపాదన కూడా అర్ధ రహితం. జీవితంలో ఒక్క సారి మక్కా సందర్శిస్తే తృప్తి పడే ముస్లిం ఉంటాడు కానీ ఏడాదికి ఒక్కసారే స్వామి వారిని చూసి తృప్తి పడమంటే ఏ హిందువు సంతృప్తి గా ఉండడు. వీ.ఐ.పీ. దర్శనాలు, ప్రోటోకాల్ మర్యాదలు తగ్గించి భగవంతుని ముందు అందరు సమానులే అన్న న్యాయాన్ని పక్కాగా అమలు చేస్తే ఎన్ని లక్షల మందికైన నిక్షేపంగా శ్రీవారి దర్శనం కలుగ జేయవచ్చు. అలాగే ఆర్జిత సేవలు కొన్నే కాకుండా అన్ని సేవలు మూల విరాట్టు కి గాక ఉత్సవ మూర్తికే జరిపించేలా నిర్ణయం తీసుకుంటే ఆ సేవల సమయాల్ని కూడా సాధారణ భక్తుల దర్శనం కోసం కేటాయించవచ్చు.

తెలబాన్ నాయకుని దురహంకారం!

2011-01-29T14:24:00.001+05:30

" రైతుల గురించి అడగరు, కరెంటు గురించి అడగరు, తెలంగాణ గురించి అడగరు, ఇంకెందుకున్నట్లు ఈ కాంగ్రెస్ ఎమ్మెల్యేలు, మంత్రులు? ఆంధ్రోళ్ల బూట్లు నాకడానికా? "

"మన కళాకారుల పాటలు వింటే రేషం (రోషం) ఉన్నోడైతే తిరిగి సూడకుంట పోతడు. ఇన్ని తిట్లు తినుకుంట, ఇజ్జత్ ఇడిసిపెట్టి మన సూరు పట్టుకుని వేలాడుతున్నరు. ఈ తిట్లకు తెలంగాణోళ్లయితే భూమికి తలగొట్టుకుని సచ్చేటోళ్లు. ఎన్ని తిట్లు తిడుతున్నా, ముఖం మీదనే ఊంచుతున్నా (ఉమ్ముతున్నా) ఎందుకు వదిలిపోతలేరు?’’

"కలియుగంలో ఆంధ్రప్రదేశ్ అనే రాష్ట్రం ఉంటుంది. అక్కడ మీరు (రాక్షసులు) ఆంధ్రావారిగా పుట్టి తెలంగాణను పీక్కుని దోచుకు తినం డని వరమిచ్చాడట (శ్రీరాముడు). అలా తెలంగాణను పీక్కు తినడానికొచ్చినవారే ఇప్పుడు ఆంధ్రోళ్లయ్యారు’’

<==తెలంగాణ అధికారులు, ఎన్‌జీఓలు హైదరాబాద్‌లో 28Jan. నిర్వహించిన దీక్షా శిబిరంలో కే.సి.ఆర్.==>

ఇవి ఒక ప్రజా ప్రతినిధి మాట్లాడే మాటల్లా ఉన్నాయా? ప్రత్యెక రాష్ట్రం ఇక మిధ్య అని ఖాయమై పోయిన ఫ్రస్టేషన్ లో మతి భ్రమించి వదరుతున్న ప్రేలాపనలివి.. చూరు పట్టుకు వేళ్ళాడటం, దోపిడీ, పీక్కు తినటం వంటి పస లేని వాగుడు గురించిన నిజా నిజాలన్నీ శ్రీకృష్ణుడు నిగ్గు తేల్చేసాడు. చేతనైతే కమిటీ ఇచ్చిన రిపోర్టు సరిగా లేదని నిరూపించి అప్పుడు ఏమైనా మాట్లాడాలి కానీ ఇలా నోరు పారేసుకోవటం తెలబాన్ నాయకుని దురహంకారానికి నిదర్శనం. అయినా పిట్ట కధలు చెప్పే పిట్టల దొర మాటలకి మీడియా కూడా ప్రాధాన్యత నివ్వటం మానేయాలి. అసలు రాజీనామా సరైన ఫార్మాట్ లో ఇవ్వటం తెలీని ఈ పెద్ద మనిషి కరెక్టుగా ఎలా రాజీనామా ఇవ్వాలో జగన్ దగ్గర శిక్షణ పొందాలి. ఆ తరువాత తానూ, తన చెల్లి సక్రమంగా రాజీనామాలు చేసి ఆ తరువాత ఇతర పార్టీల వారిని డిమాండ్ చేస్తే అర్ధవంతంగా వుంటుంది. ప్రభుత్వం కూడా పిట్టల దొర మాటల్ని సీరియస్ గా తీసుకొని రెచ్చగొట్టే దూషణలు చేసిన నేరం మీద అరెస్టు చేయాలి. ఆ పని చేయలేక పొతే కనీసం ఇటువంటి ప్రేలాపనలు మళ్ళీ చేయకుండా ఆయనకి మానసిక వైద్య శాలలో చికిత్స అయినా చేయించాలి.

నై బోలో తెలంగాణా!

2011-01-26T15:37:00.001+05:30

అదుర్స్ సినిమా యూనిట్ ని వేధించడంతో మొదలు పెట్టి ఈనాటి వరకు కూడా తెలుగు సిని పరిశ్రమని ప్రాంతీయ విభేదాల పేరుతొ వెంటాడి వేధించిన తెలబాన్లకి ఆ బాధ ఎలా వుంటుందో తమ దాకా వస్తే కానీ తెలియలేదు. జై బోలో తెలంగాణా సినిమా కి సెన్సార్ సర్టిఫికేట్ నిరాకరణ కూడా సీమాంధ్రుల కుట్రగా అప్పుడే దుష్ప్రచారం మొదలు పెట్టేసారు. ఒక సినిమా కి సెన్సార్ ప్రాబ్లం వస్తే రివైజింగ్ కమిటీ కి వెళ్ళడం అనేది సాధారణ విషయం. అందునా రాష్ట్రంలో ఇప్పుడు ఉన్న ఉద్రిక్త పరిస్థితుల్లో జై బోలో తెలంగాణా వంటి సినిమాలకి సర్టిఫికేట్ ఇచ్చే ముందు రిలీజ్ అయితే రాబోయే పరిణామాల్ని దృష్టిలో వుంచుకొని మరీ సెన్సార్ చెయ్యాలి. ఒక ప్రాంతం వారికి అనుకూలంగా సినిమా తీయడంలో తప్పు లేదు. అయితే అందులో మరో ప్రాంతం వారి మీద విద్వేషం వెళ్ళ గక్కడం జరిగితే సెన్సార్ సర్టిఫికేట్ నిరాకరించడంలో సెన్సార్ బోర్డు తప్పు కూడా ఉండబోదు. నిజా నిజాలు తెలుసుకోకుండా కేవలం సెన్సార్ క్లియరెన్స్ ఇవ్వలేదన్న కారణం మీద సెన్సార్ బోర్డుని దుమ్మెత్తి పోయటం మూర్ఖత్వం.

తెలంగాణా ఇవ్వడానికి కాంగ్రేసుకి ఉన్న హక్కు ఏమిటి?

2011-01-23T07:00:00.002+05:30

"తెలంగాణా కి ఒకే అంటే సోనియా కాళ్ళు కడిగి ఆ నీళ్ళు నెత్తిన జల్లుకుంటా..- 26 డిసెంబర్,2010 న కే.సి.ఆర్."

ఛీ.. ఇదేనా తెలుగు వాడి ఆత్మ గౌరవం?

స్వంత కొంపలోని అవి నీతిని, అసమ్మతి సెగల్నిఅదుపు చేసుకోలేని ఇటలీ దేవతకి ఇంతలా సాగిల బడి పోవాలా? 33 మంది ఎం.పీ లని ఆంధ్ర ప్రదేశ్ అందించినా కూడా మంత్రి వర్గ విస్తరణలో మన రాష్ట్రానికి ఇచ్చిన ప్రాధాన్యం చూస్తె కాంగ్రేసు దృష్టిలో మన రాష్ట్రానికి ఎంత విలువున్నదో ఇట్టే అర్ధమవుతోంది. ఆంధ్ర ప్రదేశ్ రాష్ట్రానికి ఏ మాత్రం విలువనివ్వని కాంగ్రెస్ పార్టీకి రాష్ట్ర విభజన పైన ఎలాంటి నిర్ణయం తీసుకొనే హక్కు లేదు.అయినా చిన్నా చితకా పార్టీల మద్దతుతో తప్ప కేంద్రంలో స్వంత బలం తో ప్రభుత్వం ఏర్పాటు చేయలేని కాంగ్రేసు పార్టీ ఒక రాష్ట్ర విభజన వంటి కీలక అంశాన్ని ఏక పక్షంగా ఎలా నిర్ణయిస్తుంది? ఇతర భాగస్వామ్య పక్షాలతో సంప్రదించకుండా ఏక పక్షంగా 9 డిసెంబరు 2009 నాడు చేసిన ప్రకటనకి విలువ ఉంటుందా? ఆనాడు అక్కర్లేని అఖిల పక్షం అభిప్రాయం ఇప్పుడు మాత్రం ఎందుకు? సరే, 9 డిసెంబర్2009 ప్రకటన కీలకమైనదే అనుకుందాం. మరి అదే కేంద్ర హోం మంత్రి అదే హోదాలో చేసిన 23 డిసెంబర్ 2009 నాటి ప్రకటన కి కూడా అంతే ప్రాధాన్యం వుంటుంది. ఇంకా ఎక్కువే ప్రాధాన్యత వుంటుంది. ఎందుకంటే జరిగిన పొరపాటుని సరి దిద్దే ప్రకటన అది! ప్రకటన దిద్దుకోవడంతో సరి పోదు. తదనంతర పరిణామాల్లో ఏర్పాటు చేసిన శ్రీ కృష్ణ కమిటీ కూలంకషంగా స్టడీ చేసి ఇచ్చిన అత్యుత్తమ ఆరవ సిఫార్సుని వెంటనే అమలు చేయాలి.అలా చేయకుండా నాన్చినంత కాలం ఆంధ్ర ప్రదేశ్ అభివృద్ది సంవత్సరాల వెనక్కి వెళ్లి పోవటం ఖాయం.

టీ.టీ.డీ. మంచి నిర్ణయం!

2011-01-21T07:00:00.003+05:30

ఆనంద నిలయం అనంత స్వర్ణ మయం పధకాన్ని రద్దు చేయాలన్న టీ.టీ.డీ పాలక మండలి నిర్ణయం అభినందనీయం. పాలక మండలి మాజీ అద్యక్షుడు ఆది కేశవులు నాయుడు సొంత ప్రయోజనాలు ఆశించి తలపెట్టిన ఈ పధకం భక్తులు నిరసించినా ఆగలేదు కానీ హై కోర్టు అక్షింతలు వేయడంతో అటకెక్కింది. అసలు టీ.టీ.డీ వంటి ధార్మిక సంస్థకి ఒక మద్యం వ్యాపారిని చైర్మన్ గా నియమించడమే తప్పు. కనకపు సింహాసనం మీద శునకాన్ని కూర్చుండ బెడితే ఏమి చేస్తుంది? తోటి మద్యం వ్యాపారి విజయ్ మాల్యా కి ప్రత్యెక దర్శనం కల్పించడం కోసం గంటల కొద్దీ ఇతర భక్తులని ఇబ్బంది పెట్టడానికి కారణం సొంత వ్యాపార ప్రయోజనాలు కావా? అంబానీ ల వంటి పారిశ్రామిక వేత్తలు వచ్చినపుడు వారికి ప్రత్యెక సౌకర్యాలు కలుగ జేసి ఈ పధకానికి బంగారం ఇవ్వమని దేబిరించటం ఏ మాత్రం సమంజసం? భగవంతుడేమీ వారిచ్చే బంగారానికీ, నగదు విరాళాలకీ మొహం వాచి లేడు. ఏమైనా పధకం ఎలాగూ రద్దు అయింది కాబట్టి ఇప్పటి వరకు ఈ పధకం కింద వసూలైన 95కిలోల బంగారం, పన్నెండు కోట్ల రూపాయల నగదుని నిత్యాన్నదానం వంటి సామాన్య భక్తుల సౌకర్యాలకై వెచ్చిస్తే సముచితంగా వుంటుంది.

తెలబాన్ అంటే రోషమెందుకు?

2011-01-20T08:13:00.000+05:30

పక్కన ఫోటో చూడండి. హైదరాబాదులో ఓ సంస్థ వారు ఆకతాయిల బారినుండి తమ ఆస్తులని రక్షించుకోవటానికి లక్షలు ఖర్చు పెట్టి వల ఏర్పాటు చేసుకున్నారు. ఇటువంటి కంపెనీల అవస్థలు చూసి మన రాష్ట్రానికి రావాల్సిన కంపెనీలన్నీ గుజరాత్ కి తరలి పోయాయి. ఈ పరిస్థితికి కారణం తెలబాన్లు కాదా? ఈ మధ్య తెలబాన్ పదం వాడితే కొందరు ఉడుకెత్తి పోయి తెలంగాణా వారందర్నీ అవమానించినట్లు బాధ పడి పోతున్నారు. అలాంటి వారి కోసం నాకు తెలిసిన తెలబాన్ నిర్వచనం తెలియ జేస్తున్నాను. ఆఫ్ఘనిస్తాన్లో ఉన్న వాళ్ళందరూ తాలిబన్లు కారు. మత మౌడ్యంతో, వేర్పాటు వాదంతో పెట్రేగుతున్న గ్రూపులనే తాలిబన్లు అంటారు. అలాగే తెలంగాణా వాళ్ళందరూ తెలబాన్లు కారు. సీమాంధ్రుల పై విద్వేషంతో, వేర్పాటు వాదం ముసుగులో స్వంత అజెండాలని అమలు చేసుకోవాలనుకుంటున్న కొద్ది మంది నాయకులు, వారి బంధుగణం, అనుచర గణాలే తెలబాన్ల కేటగిరీ కిందికి వస్తారు. వారు తప్ప తక్కిన వారందరూ సమైక్య ఆంధ్ర ప్రదేశ్ రాష్ట్రంలోని తెలంగాణా ప్రాంతానికి చెందిన సాధారణ పౌరులు అవుతారు తప్ప వేరే మరేమీ కాదు. అయినా మూర్ఖంగా ప్రవర్తించే వాడిని మూర్ఖుడు అంటారు. రౌడీయిజం చేసే వాడిని రౌడి అంటారు. గూండాయిజం చేసే వాడిని గూండా అంటారు. కేవలం ఈ లక్షణాలే గాక ఇంకా సవాలక్ష అవలక్షణాలు పుణికి పుచ్చుకుని, ఒరిజినల్ తాలిబాన్లకన్నా అధ్వాన్నంగా ప్రవర్తించే వారిని తెలబాన్ లు గాక మరేమంటారు?

తెలుగు జాతి మనది..నిండుగ వెలుగు జాతి మనది...

2011-01-18T10:00:00.001+05:30

(నేడు ఎన్.టీ.రామారావు వర్ధంతి)

మన రాష్ట్రం ఏర్పడిన దగ్గరనించి 1982 వరకు కూడా కేవలం డిల్లీకి బ్రాంచి ఆఫీసుగా మాత్రమె గుర్తింపు ఉండేదన్నవిషయం మనకి తెలియంది కాదు. తెలుగు వారి ఆత్మ గౌరవమే నినాదంగా రాజకీయాల్లో ప్రవేశించి, గాంధీ-నెహ్రూ వంశీకుల భజనలో తరిస్తున్న కాంగ్రెస్ రాజ్యాన్ని అంతమొందించి తెలుగు వారి సత్తా ఏమిటో ప్రపంచానికి చెప్పారు. తెలుగు వాడు జాతీయ రాజకీయాలను కూడా శాసించ గలడని ఎన్.టీ.ఆర్. కి ముందు ఎవరూ ఊహించలేదు.

అయితే, అదే తెలుగు వాడి రాష్ట్రంలో ఈనాడు ఏం జరుగుతోంది? కుక్క మూతి పిందెల వంటి నాయకులందరూ ఆత్మ గౌరవం అన్న పదానికి వక్ర భాష్యాలు చెపుతూ తెలుగు జాతిని ముక్కలు చేయాలని శత విధాల ప్రయత్నిస్తున్నారు. ఒక్కటిగా ఉన్నప్పుడే మన రాష్ట్ర ప్రయోజనాలను సాధించుకొనలేక పోయాం. ఇక ముక్కలైతే మనని ఎవరైనా లెక్క జేస్తారా? తాను జీవించి వున్నప్పుడు జరిగిన వెన్ను పోటు కన్నా ప్రస్తుతం జరుగుతున్న పరిణామాలు చూసి స్వర్గంలో ఎన్.టీ.ఆర్. ఆత్మ క్షోభిస్తుందని అనటంలో ఏ మాత్రం సందేహం లేదు.

తెలబాన్ నాయకుడు వ్యూహాత్మక మౌనం వీడితే?

2011-01-15T07:18:00.001+05:30

రోజులు తనవి కానప్పుడల్లా తెలబాన్ నాయకుడు వ్యూహాత్మక మౌనం పేరుతొ అజ్ఞాతంలోకి వెళ్లి పోవటం మామూలే. ఇప్పుడు కూడా తమ పిడి వాదాలన్నీ డొల్ల అని శ్రీకృష్ణుడు కుండ బద్దలు కొట్టటంతో మళ్ళీ అజ్ఞాతంలోకి వెళ్లి పోయారు. అజ్ఞాత వాసం వీడాక ఆయన ఇవ్వబోయే స్టేట్మెంట్లు.......

1) కాంగ్రెస్,టీడీపీ దద్దమ్మలు ఇంకా రాజీనామాలు చేయలేదేమిటి?

(క్షమించాలి..నాకు, నా చెల్లికి మాత్రం రాజీనామా సరైన ఫార్మాట్లో ఇవ్వటం ఈ రోజుకి చేతకాదు....జగన్ అంత ఈజీగా ఎలా రాజీనామా చేసాడో మాకు ఇప్పటికీ అర్ధం కాదు! )

2) ఎవరు బడితే వాళ్ళు ఉద్యమం చేయటానికి వీల్లేదు. అందరూ కోదండ రాం చెప్పినట్లు వినాలి.
(రాష్ట్రంలో మూడు ప్రాంతాల ప్రజలు కట్టిన పన్నులతో జీతం తీసుకుంటూ ఒక ప్రాంతానికి అనుకూలంగా మాట్లాడుతున్న సదరు కోదండ రాం ని ప్రభుత్వం వెంటనే సస్పెండ్ చేయాలి. గౌరవ ప్రదమైన ప్రొఫెసర్ పోస్టులో వుండి, విద్యార్ధులని రెచ్చగొట్టటం నేరం మీద అరెష్టు చేయాలి. )

3) ఫాల్తూ కమిటీ రిపోర్టు తో మాకు సంబంధం లేదు. మా తెలంగాణా మాకు ఇయ్యాలె!
(పార్టీలో పది సబ్ కమిటీలు వేసి, అపరాధ పరిశోధన చేసి, శ్రీకృష్ణుడికి నివేదిక ఇచ్చినపుడు తెలీదా ఫాల్తూ కమిటీ అని...రిపోర్టు వ్యతిరేకంగా వస్తే కమిటీని దుమ్మెత్తి పోయడమా?..అయిన ఇలాంటివి మాకలవాటే..)

4) మళ్ళీ ఆమరణ దీక్షకి కూర్చుంటా...
(టీ.పీ.ఎస్. రెడీగా ఉందా లేదా? ముందే చెక్ చేసుకోండి...)

5) విద్యార్దులెవరూ ఆత్మ హత్యలు చేసుకోవద్దు..
(అదేంటి కోదండ రాం..ఇంకా ఎవరూ చేసుకోలేదా? ఇలాగైతే ఎలాగయ్యా ఉద్యమాన్ని నడిపేది??)
6) తెలంగాణా వచ్చుడో ..కేసీఆర్ సచ్చుడో...
(రెండూ జరిగే అవకాశం ఇప్పట్లో లేదు..)

శ్రీ క్రిష్ణ పైనే నిందలా? సిగ్గు చేటు..

2011-01-12T19:08:00.000+05:30

శ్రీ క్రిష్ణ కమిటీ సభ్యులు లంచాలు తీసుకొని తమ రిపోర్టుని ఇచ్చారని ఎం.పీ. మధు యాష్కీ ఆరోపించటం సిగ్గుమాలిన చర్య. జస్టిస్ శ్రీ క్రిష్ణ ప్రొఫైల్ తెలిసిన వారెవరైనా ఆయనని కించిత్తు విమర్శించటానికే జంకుతారు. గతంలో ఆయన చేపట్టిన బొంబాయి అల్లర్ల పై కమిటీ, చెన్నై హైకోర్టు లాయర్ల గొడవలపై వేసిన కమిటీ గాని లేదా కేంద్ర ప్రభుత్వొద్యోగుల జీత భత్యాల కోసం వేసిన ఆరవ పే కమిషన్ చైర్మన్ గా గాని ఆయన చూపిన నిబధ్ధత, నివేదికలనివ్వడంలో ఆయన చూపిన నిష్పాక్షికత అందరికీ తెలుసు. ఇప్పుడు కూడా ఆంధ్ర ప్రదెశ్ పరిస్థితులని పది నెలల పాటు కూలంకషంగా అధ్యయనం చేసి సవివరంగా ఆయన అంద జేసిన రిపోర్టు వేర్పాటు వాద తెలబాన్లకి మింగుడు పడక పోవటంలో ఆశ్చర్యం లేదు. వాళ్ళకి చేతనైతే ఆ నివేదికలో లోపాలు ఏవైన వుంటే ఆధారాలతో వాటిని నిరూపించాలి కానీ వ్యక్తిగత విమర్శలకి తెగబడటం చాల తప్పు. అందులోనూ దొంగ పాస్ పోర్ట్, దొంగ సర్టిఫికెట్ల కుంభ కొణాల్ని నెత్తిన మోస్తున్న మధు యాష్కీ వంటి వారికి శ్రీ క్రిష్ణ ని విమర్సించే హక్కు ఏ మాత్రం లేదు. అధికార పార్టీ ఎం.పీగా వున్న మధు యాష్కీ తన ఆరోపణలకి రుజువులు చూపించాలి. సిట్టింగ్ సుప్రీం కోర్టు జడ్జి హోదా కలిగిన శ్రీ క్రిష్ణ కమిటీ చైర్మన్ పైన ఇటువంటి నిందలు వేయటం కోర్టు ధిక్కారంతో సమానం. తగిన రుజువులు చూపక పోతే మధు యాష్కీనే కాదు.. తప్పుడు ఆరోపణలు చేసే తెలబాన్లు ఎవరైనా తమ నోటి దురుసుకి మూల్యం చెల్లించుకోక తప్పదు.

శ్రీక్రిష్ణ కమిటీ రిపోర్టు పై దిక్కు మాలిన చర్చలెందుకు?

2011-01-08T17:20:00.000+05:30

ఫాల్తూ కమిటీ అనీ, గడ్డి పీకుతుందా అనీ ఇంకా నానా విధాలుగా తూలనాడిన వాళ్ళ నోళ్ళు మూయించేలా సాధికారమైన గణాంకాలతో, ఋజువులతో కూడిన విష్పష్టమైన నివేదికని నిర్ణీత సమయానికే అంద జేసిన శ్రీక్రిష్ణ కమిటీకి అభినందనలు. కొండని తవ్వి ఎలకని పట్టిందని, ఆ మాత్రం రిపోర్టు ఇవ్వడానికి కమిటీ ఎందుకని విమర్శిస్తున్న వారికి నివేదిక అర్ధం కాలేదనే భావించాలి. రిపోర్టుని జాగ్రత్తగా చదివిన వారు ఆ నివేదికలోని ప్రతి వాక్యం వెనుక కమిటీ బృందం చేసిన పరిశోధన, విషయ సేకరణ స్పష్టంగా గమనిస్తారు. అనుభవజ్ఞుడైన శ్రీ క్రిష్ణ సారధ్యం లోని కమిటీ ఆషా మాషీగా ఈ నివేదిక ఇవ్వలేదు. నిజానికి ఈ నివేదిక ఒక్క ఆంధ్ర ప్రదేశ్ కే కాదు. వేర్పాటు వాదం వినబడుతున్న దేశంలోని మిగతా రాష్ట్రాలకి కూడ పనికి వచ్చేలా పరి పూర్ణంగా ఇచ్చారు. మన రాష్ట్రం విషయానికి వస్తే, కమిటీ ఆరు ప్రతిపాదనలు చేసింది. కరక్టే. అయితే అవి ఎంత వరకు ఆచరణీయమో కూడా విష్పష్టంగా చెప్పింది. వాస్తవానికి ఆ ప్రతిపాదనలేవీ కమిటీ స్వంత అభిప్రాయాలు కావు. రాష్ట్రం మొత్తం నుండి వచ్చిన నివేదికల, విజ్ఞాపనల సారాంశం.........అయితే నివేదిక వెలువడిన దగ్గరనుండి మన మీడియా వాళ్ళు ఆ ప్రతిపాదనల పై సుదీర్ఘమైన, పనికి మాలిన చర్చల్ని తమ చానెల్స్ లో ప్రసారం చేస్తూ గందర గోళానికి తెర లేపుతున్నారు. అసలు ఈ ప్రతిపాదనల పై చర్చలే అనవసరం. తమకి వచ్చిన విజ్ఞాపనలనుంచి తయారైన ఆరు ప్రతిపాదనల్లో ఏది అత్యుత్తమమైనదో కమిటీ విష్పష్టంగా చెప్పినపుడు ఇంక ఈ చర్చలు, రచ్చలు ఎందుకు?? కేంద్రం కూడ ఇక ఎటువంటి తాత్సారం లేకుండా రాజ్యాంగ బధ్ధంగా నియమింప బడిన కమిటీ ఇచ్చిన అత్యుత్తమ సిఫార్సు అమలు చేయాలి. రాష్ట్రాన్ని ముక్కలు చేయకుండా తెలంగాణాతో సహా సీమాంధ్ర లో వెనుక బడ్డ ప్రాంతాల అభివృధ్ధికి ప్రత్యేక మండళ్ళు ఏర్పాటు చేయాలి. అంతే కాదు. వేర్పాటు వాదం వెర్రి తలలు వేసున్న ఇతర రాష్ట్రాల్లో కూడ ఈ విధంగానే అభివృధ్ధి సమతుల్యత సాధించాలి. అంతే తప్ప సెంటిమెంటు వుందనో, లేదా దొంగ దీక్షలు చేసారనో లేదా విద్యార్ధులు చదువులు మానేసి రోడ్ల మీదకి వచ్చి విధ్వంసాలు చేసారనో రాష్ట్రాలు ఇచ్చుకుంటూ పోతే ఈ దేశం ఎన్ని ముక్కలు చేయాలో ఎవరూ చెప్పలేరు.

"కారు" కూతలు ఇంక ఆపండి! శ్రీక్రిష్ణుడు చెప్పిన గీత వినండి!

2011-01-07T07:07:00.000+05:30

తమ సంపదని దోచుకున్నారనీ,అభివృధ్ధి అంతా సీమాంధ్రులే చేసుకున్నారనీ ఇలా ఒకటా రెండా...నొటికొచ్చిన 'కారు ' కూతలు కూసిన తెలబాన్ల నోళ్ళు మూయించేలా శ్రీక్రిష్ణ కమిటీ రిపోర్టు వెలువడింది. వ్యవసాయ, నీటి పారుదల, విద్యా రంగాల్లొ తెలంగాణా కంటే వెనుక బడిన ప్రాంతాలు సీమాంధ్రలో వున్నాయని శ్రీక్రిష్ణ కమిటీ కుండ బద్దలు కొట్టింది. పదవుల విషయానికి వస్తే ముఖ్య మంత్రి పదవిని మూడు ప్రాంతాల వాళ్ళు పొంద గలిగినా, నెంబర్ టూ అనదగ్గ హోం మంత్రి మాత్రం ఎప్పుడూ తెలంగాణ వారిదే అనికూడా విశ్లేషించింది. అంతే కాదు. చిన్న రాష్ట్రాలకు తాము అనుకూలం అని చెప్పుకునే బీ.జే.పీ. విధానాల్ని సైతం కమిటీ ఎండ గట్టింది. 1997 కాకినాడ తీర్మానంలో తెలంగాణా ఇస్తామని మాట ఇచ్చిన బీ.జె.పీ. ఆ తరువాత 1998 నుండి 2004 వరకు ఆరేళ్ళ పాటు సాగిన తమ ఎన్.డీ.ఏ. పాలనలో ఉత్తరాంచల్, చత్తీస్ ఘర్, జార్ఖండ్ రాష్ట్రాలని ఏర్పాటు చేసింది కానీ తెలంగాణాని ఎందుకు మర్చి పోయింది? ఎందుకంటే అప్పటి ప్రభుత్వంలొ చక్రం తిప్పుతున్న చంద్రబాబు ఆనాటికి సమైక్యవాదిగా వున్నాడు కాబట్టి! మరి ఇప్పుడో? బీ.జె.పీ. మళ్ళీ తెలంగాణా రాగం పాడుతుంటే చంద్రబాబేమో రెండు వేళ్ళు చూపిస్తూ, రెండు కళ్ళు అంటూ ఏమార్చ చూస్తున్నాడు. ఇక మన తెలబాన్ నాయకుడు 2004 ఎన్నికల ముందు మహా కూటమి అంటూ చంద్ర బాబుతొ జత కట్టి, ఫలితాలు రాక ముందే ఎన్.డీ.ఏ. వైపు గెంతి..మళ్ళీ ఈ రోజు తెలంగాణా ప్రాంతంలో చంద్ర బాబుకి కేడర్ లేకుండా చేద్దామన్న వ్యూహంతొ పావులు కదుపుతున్నాడు. కాంగ్రెస్ పార్టీ పరిస్థితి చూస్తే..వై.ఎస్. బతికి వున్నంత కాలం సమైక్య వాదమే..ఎవ్వడూ నోరెత్తలేదు. ఈ రోజేమో కుక్కలు చింపిన విస్తరి. ఎవడు ఎం మాట్లాడుతున్నాడో ఎవరికీ అర్ధం కాదు. దీన్ని బట్టి ఏం అర్ధం అవుతోంది? రాజకీయ నాయకులు చేస్తున్న ఆత్మ గౌరవం, సొంత రాష్ట్రం వగైరా నినాదాలన్నీ వారి స్వంత ఎజెండాలే కానీ చిత్త శుధ్ధితో కూడినవి కానే కావు. ఇంక శ్రీక్రిష్ణ కమిటీ బీ.జే.పీ. ఏర్పాటు చేసిన మూడు కొత్త రాష్ట్రాల స్థితి గతుల్ని కూడా పరిశీలించింది. వాటిలో ఉత్తరాఖండ్ ని మినహాయిస్తే చత్తీస్ ఘర్,జార్ఖండ్ రెండు రాష్ట్రాలు శాంతి భద్రతల సమస్యలని ఎదుర్కొంటూ మావోయిష్టులని అదుపు చేయలేక సతమతమవుతున్నాయి. జార్ఖండ్ అయితె మరీ ఘోరంగా పదేళ్ళలొ 8 మంది ముఖ్య మంత్రులని చూడటమే గాక రెండు సార్లు రాష్ట్రపతి పాలన విధించాల్సి వచ్చింది. మన తెలబాన్ నాయకుడేమో తెలంగాణ వస్తే నక్సలైట్ ఎజెండా అమలు చేస్తామని బాహాటంగా చెబుతున్నాడు. ఇప్పటికే మన దేశంలో 28 రాష్ట్రాలు, 7 కేంద్ర పాలిత ప్రాంతాలు వున్నాయి. మళ్ళీ కొత్త రాష్ట్రం ఏర్పాటు అంటే ఆషామాషీ వ్యవహారం కాదు. పైగా ఒత్తిడికి లొంగి ఈ రోజు తెలంగాణకి సై అంటే నిద్ర పోతున్న పాముల్లా వున్న గోర్ఖాలాండ్, బొడొలాండ్, విదర్భ, బుందేల్ఖండ్, పూర్వాంచల్, హరిత ప్రదేశ్, లడఖ్, జమ్ము ఇత్యాది రాష్ట్రాలకై డిమాండ్లు ఖచ్చితంగా వస్తాయి. కేవలం రాజకీయ నాయకుల స్వార్ధ ప్రయోజనాలు నెర వేర్చటం కోసం దేశాన్ని ఇన్ని ముక్కలు చేయటం, ఖజానా పై పెను భారం మోపడం ఇప్పుడు అవసరమా???

రోగం ఎక్కడుంటే మందు అక్కడే వేయాలి!

2011-01-03T06:59:00.000+05:30

రాజధానిలొ దిగుతున్న కేంద్ర బలగాల్ని చూస్తే తెలబాన్ నాయకునికీ, వారి అనుచర గణానికీ వులుకెందుకో అర్ధం కాదు. ఎంత సేపూ తాను చేసిన దొంగ దీక్షకి మోస పోయి 9డిసెంబర్2009 న కెంద్రమంత్రి చిదంబరం ఇచ్చిన ప్రకటన వల్లె వేస్తాడే తప్ప... జరిగిన పొరపాటు తెలుసుకున్న తరువాత అదే కేంద్ర మంత్రి 23డిసెంబర్2009నాడు దిద్దుబాటు ప్రకటన చేసారన్న విషయం ఆయనకు జ్ఞాపకముండదా?? తెలబాన్ నాయకునికి మతి మరుపు వచ్చినా రాష్ట్ర ప్రజలు సంవత్సరం క్రితం జరిగిన పీడ కల లాంటి సంఘటనలు ఇంకా మర్చి పోలేదు. గత సంవత్సరం రాష్ట్రంలో వున్న పరిస్థితి ఏమిటి? రాష్ట్రానికి రెండు కళ్ళుగా వ్యవహరించాల్సిన వారేం చేసారు? గవర్నరేమో రాస లీలల్లో మునిగి తేలుతుంటే, ముఖ్య మంత్రేమో బాధ్యత అంతా హై కమాండుదే అంటూ నెత్తిన తడి గుడ్డ వేసుకుని కూర్చున్నాడు. అలాంటి దారిన పోయే దానయ్య ప్రభుత్వాన్ని ఏమార్చి- రాష్ట్రంలో ప్రశాంత పరిస్థితులకి పాడె కట్టి, శాంతి భద్రతలకి బొంద పెట్టి, మొత్తం తెలుగు వారందరి పరువు ప్రతిష్టలు మంట కలిసేలా సాగిన తెలబాన్ గణం అకృత్యాలని ఇంకా ఎవరూ మర్చి పోలేదు. చివరికి వినొదాన్ని పంచే సినిమా రంగాన్ని కూడ విడువకుండా సీమాంధ్ర కళాకారుల్నీ, నిర్మాతల్నీ వేధించలేదా? ఇప్పుడు కిరణ్ కుమార్ రెడ్డి ప్రభుత్వం ముందుగానే మేలుకొని కేంద్ర బలగాల్ని రప్పించటంతో తమ ఆగడాలు సాగవని గగ్గోలు పెడుతున్నారు. ఏమైనా ఇప్పుడు మన రాష్ట్రానికి కావలసింది రాజ్యాంగ బధ్ధమైన పరిపాలన. గాడి తప్పిన పరిపాలన మళ్ళీ సక్రమంగా పట్టాలెక్కే వరకు రాష్ట్రంలో ఎటువంటి అశాంతికీ, అరాచకత్వానికీ చోటు కల్పించకూడదు. అంతే కాదు. వేర్పాటు వాదం ముసుగులో సాగిస్తున్న తీవ్ర వాద చర్యల్ని కూడ వుక్కు పాదంతొ అణిచి వేయాలి.

విద్యార్ధులూ ఇకనైనా మోస పోకండి..

2010-12-29T06:58:00.000+05:30

జైళ్ళనుండి విద్యార్ధుల విడుదల కోసం శాసన సభలో అన్ని పక్షాలు ఎలుగెత్తినా తొణకలేదు మన ముఖ్య మంత్రి! తొమ్మిదేళ్ళు రాష్ట్రాన్ని పాలించిన ప్రతి పక్ష నాయకుడు వారం పాటు రైతుల కోసం చేసిన దీక్ష గురించి డోంట్ కేర్ అన్నారు! మందీ మార్బలంతో, మీడియా దన్నుతో చేసిన జగన్ దీక్షని కూడా ఆయన అసలు పట్టించుకోలేదు. అటువంటిది....కేవలం కొద్ది మంది తెలంగాణా ఎం.పీ.లు (తెలబాన్ నాయకుని భాషలో-చవటలు,దద్దమ్మలు) చేసిన ఒక్క రోజు దీక్షకే విద్యార్ధులని విడుదల చేస్తున్నట్లు ప్రకటించటం ఆశ్చర్యం! ఇది విద్యార్ధుల పై అభిమానంతో మాత్రమే అనుకుంటే అంతకన్నా పొరపాటు లేదు. వారిని జైళ్ళనుంచి బైటకి రప్పించిన ఘనత తామే కొట్టేద్దామన్న యావ తప్ప మరేమీ కాదు. శ్రీ క్రిష్ణ కమిటీ రిపోర్టు ఇచ్చాక గొడవలు చేయటానికి వారికి మళ్ళీ బలి పశువులు కావాలి. నాయకులు వెనక వుండి, ముందర వుండే ఇలాంటి అమాయక విద్యార్ధులని రెచ్చ గొట్టేస్తూ, జైళ్ళ పాలు చేస్తూ పబ్బం గడుపుకొవాలి కదా! అందుకే తెలబాన్ నాయకుడు కూడా వారితో చేరి సంఘీభావం తెలియ జేసారు. ఇక ఇప్పుడు విజ్ఞతతో వ్యవహరించాల్సింది విద్యార్ధులే! యేడాది కాలంగా గుర్తుకి రాని విద్యార్ధులు ఇప్పుడే ఎందుకు గుర్తొచ్చారో అని వాళ్ళు తెలబాన్లని, ఇంకా బూటకపు దీక్షలు చేసిన ఇతర నాయకుల్ని నిలదీయాలి. ప్రత్యేక రాష్ట్రం కన్నా కూడా విలువైనది వారి కరిగి పోతున్న విలువైన విద్యా సంవత్సరము అన్నది గుర్తెరిగి మసలుకోవాలి.

మళ్ళీ ఆమరణ దీక్షట! (టీ.పీ.ఎస్. రెడీగా వుందా?)

2010-12-23T07:24:00.000+05:30

శ్రీ క్రిష్ణ కమిటీ నివేదిక తెలంగాణాకి అనుకూలంగా లేక పోతే ఆంధ్ర జిన్నా మళ్ళీ అమరణ నిరాహార దీక్ష చేస్తారట! తెలబాన్లూ..ఆయనకి టీ.పీ.ఎస్. రెడీగ వుందో లేదొ ముందే చెక్ చేసుకోండి..(టీ.పీ.ఎస్. గురించిన ఇన్ ఫర్మేషన్ కర్టసీ: లగడపాటి రాజ గోపాల్). మిలిటరీ పోరాటానికి కూడా సిధ్ధం కావాలని ఆయన పిలుపునిచ్చారు. మరింకేం? ఆయుధాలుకూడా రెడీ చేసుకోండి.... డిసెంబరు 31 తర్వాత రెచ్చగొట్టే ప్రకటనలు చేస్తే అరెస్టే అని డీజీపీ గారు హెచ్చరించారని తొందర పడి ముందే గర్జనలు చేసేస్తున్నారేమో? అయినా కోర్టు తీర్పు రాక ముందే జడ్జీలని బెదిరించేలా ఈ గర్జనలు, గాండ్రిపులు, రెచ్చగొట్టటాలు ఏమిటి? నివేదికకి తుది మెరుగులు దిద్దుతున్న విజ్ఞులైన శ్రీ క్రిష్ణ కమిటీ వారు ఈ అప్రజాస్వామిక, అరాచక చర్యలని కూడ పరిగణనలోకి తీసుకోవాలి. సరిగ్గా సంవత్సరం క్రితం ఇదే రోజు వేర్పాటు తీవ్ర వాదుల దొంగ దీక్షలతో, వీధి పోరాటాలతో మోసపోయిన కేంద్ర ప్రభుత్వం తప్పు తెలుసుకొని ప్రకటన సవరించుకొంది. అదే స్ఫూర్తిని శ్రీ క్రిష్ణ కమిటీ వారు కూడ కొన సాగించి తెలుగు జాతి ముక్కలు కాకుండా విజ్ఞతగల తీర్పునిస్తారని ఆశిద్దాం.

శభాష్ డీ.జీ.పీ.!

2010-12-18T18:03:00.000+05:30

డీజీపీ గారు లెస్స పలికారు.. డిసెంబరు 31 తరువాత రెచ్చగొట్టే ప్రకటనలు చేస్తే అరెష్టులు తప్పవని వార్నింగ్ ఇచ్చారు. ఆయన ఈ ప్రకటన చేసింది ఒంగోలులో! రాష్త్రం మొత్తాన్ని వుద్దేశించి ప్రకటన చేసినా భుజాలు తడుముకొని వుడికి పోతున్నది మాత్రం తెలబాన్లు.. పైగా డీజీపీ ప్రభుత్వ వుద్యోగి మాత్రమేననీ, ప్రభుత్వం చెప్పినట్లే వినాలి తప్ప ఇలా ప్రకటనలు చేయకూడదనీ ఫత్వాలు జారీ చేశారు. ప్రభుత్వం అడిగితే తప్ప అదనపు బలగాలు కేంద్రం నుండి రావనీ, ప్రభుత్వ ముందస్తు అనుమతి లేకుండా డీజీపీ స్థాయి అధికారి ఏ ప్రకటన చేయడన్న ఇంగిత జ్ఞానం తెలబాన్లకి లేకపోవటం శోచనీయం. తాము స్వయంగా ప్రజా ప్రతినిధులై వుండికూడా బాధ్యతా రహితంగా చవటలు, దద్దమ్మలు వంటి భాషను వాడుతూ- అంతర్యుధ్ధం తప్పదు, అగ్ని గుండం చేస్తాం అంటూ వెర్రి ప్రేలాపనలు చేస్తున్న తెలబాన్లకి శాంతి భద్రతలు కాపాడాల్సిన బాధ్యత గల అధికారిని విమర్శించే హక్కు ఏ మాత్రం లేదు. అయినా ఒక్కటి మాత్రం నిజం. ప్రత్యేక తెలంగాణా వుద్యమం అన్నది గతించిన చరిత్ర. ఇప్పుడు తెర పై జరుగుతున్నది కేవలం తమ వునికిని కాపాడుకోవటానికో లేదా తమ స్వార్ధ ప్రయోజనాల కోసమో తెలబాన్లు ఆడుతున్న నాటకం మాత్రమే! వారి నాటకాల్ని రక్తి కట్టించటానికి రాష్ట్రంలో శాంతి భద్రతల్ని పణంగా పెట్టడానికి వీల్లేదు. ఇప్పటికే గత సంవత్సర కాలంగా అభివృధ్ధి అన్న మాట వినబడని మన రాష్ట్రం మరింత దిగజారితే కోలుకోవటం చాలా కష్టం. డీజీపీ గారూ.. గో ఎహెడ్.. మరో ఆపరేషన్ బ్లూ స్టార్ కి రెడీ అవ్వండి. రాష్ట్రాన్ని అగ్ని గుండం కాకుండా మీరు చేపట్ట బోయే చర్యలకి ప్రభుత్వ సహకారమే గాక ప్రజలందరి మద్దతు కూడా మీకు వుంటుంది...

మహా గర్జన కాదు అది..మహా మొరగటమే!

2010-12-17T07:19:00.000+05:30

కూలి పనుల ముసుగులొ చేసిన బలవంతపు వసూళ్ళ సొమ్ముని వినియోగించి, జనాలకి పైసలిచ్చి సమీకరించి, ఆ జన సమీకరణ అన్న వాపునే బలుపుగా భ్రమించి నిర్వహించిన తెలంగాణా మహా గర్జన ఆద్యంతం హాస్యాస్పదంగా రక్తి కట్టింది. తెలంగాణా న్యూస్ చానెల్లొ(రాజ్ న్యూస్) మరీ విచిత్రం! టీవీల్లొ ప్రత్యక్ష ప్రసారం చూడకుండా ఆంధ్రా నాయకులు తెలంగాణా జిల్లాల్లొ కరెంటు తీసేయించారట! హాజరైన అంతమంది జనాలని మూడు వేల మంది ఆంధ్రా పొలీసులు ఇబ్బందులు పాల్చేశారట! ఇంకా నయం. 9వ తారీఖున వాన ఆంధ్రా వాళ్ళే కురిపించారని అనలేదు. సంతోషం. జన సమీకరణ చూసి రాష్ట్రాన్ని ఇచ్చేయాలని అధినాయకుడైన ఆంధ్రా జిన్నా తీర్మానించారు. రాష్ట్రాన్ని ఇవ్వటం అంత తేలిక అని ఎలా అనుకుంటారొ అర్ధం కాదు. చిరంజీవి సభలకీ జనం వచ్చారు. జగన్ సభలకీ వస్తున్నారు. ఐనంత మాత్రాన వాళ్ళ ఆశలు, ఆశయాలు నెరవేరతాయా? తెలంగాణా వుద్యమం వున్మాదంగా మారటానికి 54 ఏళ్ళు పడితే ఆ వున్మాదాన్ని అడ్డుకోవటానికి ఆంధ్రా నాయకులు గంటలో ఏకమయ్యారని ఆంధ్రా జిన్నా గారు వాపోయారు. మంత్రి పదవుల కోసం కాంగ్రెస్ నాయకులు యాచకుల్లా తిరుగుతున్నారని ఎద్దేవా చేసిన ఇదే పెద్ద మనిషికి పదేళ్ళ క్రితం చంద్ర బాబు సరైన మంత్రి పదవి ఇస్తే నోరెత్తే వాడా? ఒక ప్రజా ప్రతినిధి అయి వుండి కూడా బాధ్యతా రాహిత్యంతో- భూకంపం సృష్టిస్తాం, అగ్ని గుండం చేస్తాం అని జనాల్ని రెచ్చ గొట్టెస్తున్నప్పుడు శాంతి భద్రతలకి బాధ్యత వహించాల్సిన డీ.జీ.పీ. అదనపు బలగాల్ని అడిగితే తప్పేమిటి? అయినా శ్రీక్రిష్ణ కమిటీ మరొ రెండు వారాల్లో రిపోర్టు ఇవ్వనుండగా ఇప్పుడీ బల ప్రదర్శనలూ, బాజా భజంత్రీల హంగామా జరిపించటంలో ఆంతర్యమేమిటి? కమిటీ రిపోర్టుని ప్రభావితం చేద్దామన్న పేరాశ కావచ్చు.

అసలు విద్యార్ధుల పై కేసులు ఎందుకు ఎత్తి వేయాలి?

2010-12-13T13:24:00.001+05:30

శాసన సభ సాక్షిగా-- తెలంగాణా వుద్యమం (?) లో ధ్వంస రచనకి పాల్పడిన విద్యార్ధులని నిష్పూచీగా విడుదల చేయాలని జరుగుతున్న రచ్చ పూర్తిగా అర్ధ రహితం. కష్ట పడి సంపాదించిన సొమ్ములు వెచ్చించి చదువుకుని బాగు పడమని తల్లి దండ్రులు విద్యాలయాలకి పంపితే, తిన్నది అరక్క రోడ్డెక్కి విధ్వంసం చేసిన వారికి కేసులనుండి విముక్తి కల్పించటం పాముకి పాలు పొయటమే అవుతుంది. చిన్న పిల్లలైతే వారిని బెంచీ ఎక్కించటమో లేదా గోడ కుర్చీ వేయించటమో చేస్తాం. అసలు ఒక విద్యార్ధి చదువుని పక్కన బెట్టి సిగరెట్లు తాగటం గట్రా దుర్వ్యసనాలకి లోనైతే ఆయా కర్మల ఫలితం ఆ విద్యార్ధే అనుభవిస్తాడు. అలాగే తమని కరివేపాకులా వాడుకుని పారేసే రాజకీయుల, సంఘ విద్రొహ శక్తుల మాటలకి ప్రభావితులై అరాచకాలకి పాల్పడితే వాటి ఫలితం కూడా వారే అనుభవించాలి. అది మిగతా విద్యార్ధి లోకానికి కనువిప్పు కావాలి. పైగా శాసన సభలో ఈ చర్చ సందర్భంగా విద్యార్ధులతొ పాటుగా మత కలహాల్లొ నిందితులైన వారిని కూడా విడుదల చేయాలని ఒవైసీ డిమాండు చేయటం మరింత ఆందొళన కలిగిస్తోంది. ఏమైనా రాష్ట్రంలో రాబోయె విపత్కర పరిస్థితుల్ని దృష్టిలొ వుంచుకొని, విధ్వంస కారుల్ని జైళ్ళలొనే వుంచటం శ్రేయస్కరమే గాక మిగతా బైట వున్న వారికి కూడా ఒక హెచ్చరికని చేసినట్లవుతుంది.

శభాష్ జేపీ!

2010-12-11T07:05:00.001+05:30

విద్యార్ధులపై కేసులు ఎత్తి వేసి వారిని విడుదల చేయాలంటూ అసెంబ్లీ లొ జరిగిన రభస సందర్భంగా లొక్ సత్తా నాయకుడు జయ ప్రకాష్ నారాయణ చేసిన వ్యాఖ్యలు/డిమాండ్ బహుధా ప్రశంసనీయం. కేసుల తీవ్రతని బట్టి విడుదల విషయం ఆలోచించాలని ఆయన అన్నారే కానీ ఏ ఒక్క ప్రాంతాన్నీ, నాయకుడినీ ఆయన ప్రస్తావించలేదు. వుద్యమం ముసుగులో, విద్యార్ధులని అడ్డు పెట్టుకొని వారిని పావులుగా వాడుకుంటున్న వారికి జేపీ మాటలు రుచించక పోవటంలో ఆశ్చర్యం లేదు. కేవలం ఒకే ఒక ఎం.ఎల్.ఏ. చేసిన వ్యాఖ్య పై తెలబాన్లు గుమ్మడి కాయ దొంగల్లా ఇంతగా భుజాలు తడిమేసుకుంటున్నారంటే అర్ధమేమిటి? డిసెంబరు 31 వస్తోంది. శ్రీ క్రిష్ణ కమిటీ రిపోర్టు ఇచ్చాక మళ్ళీ అల్ల కల్లోలం చేయాలంటే వారికి జైళ్ళలో వున్న విద్యార్ధులు కావాలి. అందుకే ఇన్నాళ్ళుగా గుర్తుకి రాని విద్యార్ధులు వారికి ఈరొజు జ్ఞప్తికి వచ్చారు. అసలు విద్యార్ధుల సంగతి పక్కన పెడితే, రాజ్యాంగ బధ్ధంగా ఎన్నికైన పాలనా వ్యవస్థలని, పరిపాలనా యంత్రాంగాలని వుత్తి పుణ్యానికి వారి పబ్బం గడుపుకోవటానికి స్తంభింప జేస్తున్న తెలబాన్ నాయకుల పైనా, శాసన సభ్యుల పైనా కేసులు బుక్ చేసి వారందర్నీశ్రీక్రిష్ణ జన్మ స్థానానికి పంపిస్తే గానీ రాష్ట్రం ప్రశాంతంగా వుండదు. విజ్ఞులైన శ్రీక్రిష్ణ కమిటీ వారి రిపోర్టులో ఇదే మొట్ట మొదటి రికమెండేషన్ గా వుండాలని కోరుకుందాం.

తుఘ్లక్ పాలనే ఇది..తక్షణం తొలగించాలి!

2010-11-21T08:34:00.000+05:30

లొక్ సత్తా నాయకుడు జయ ప్రకాష్ నారాయణ చెప్పినట్లు ఎస్సై పరీక్షల నిర్వహణ విషయంలొ ప్రభుత్వ వైఖరి తుఘ్లక్ పాలననే తలపిస్తోంది. శ్రీక్రిష్ణ కమిటీ రిపోర్టు రాకముందే ఇంతగా పెట్రేగుతున్న వేర్పాటు వాదుల్ని అదుపు చేయలేక చెతులెత్తేసిన దారిన పోయే దానయ్య ప్రభుత్వం, కమిటీ రిపోర్టు ఇచ్చాక ఏర్పడ బోయే పరిస్థితులని ఏ విధంగానూ హాండిల్ చేయలెదని చెప్పకనే చెప్పింది. ఇప్పటికే తెలుగు వారి పరువు-ప్రతిష్ట ప్రపంచ వ్యాప్తంగా మంటగలిసాయి. వేర్పాటు వాదం ముసుగులొ మొదలైన వుద్యమం(?) తీవ్రవాదం స్థాయిని దాటి పోయింది. ఇంక వుపేక్షించటంలో అర్ధం లేదు. ఆపరేషన్ బ్లూ స్టార్ తొ సిక్కు తీవ్ర వాదాన్ని తుద ముట్టించినట్లు ఈ వేర్పాటు వాదాన్ని తక్షణం కూకటి వేళ్ళతో పెకలించే వైపుగా చర్యలు తీసుకోవాలి. వెంటనె రాష్ట్రంలో గవర్నర్ పాలన ప్రవేశ పెట్టి ఈ దిశగా తొలి అడుగు వేయాలి.

మెదక్ జిల్లాకేనా ఇందిరమ్మ పేరు?? మాకూ కావాలి!

2010-11-19T08:44:00.000+05:30

ముఖ్య మంత్రి రోశయ్య తెలంగాణా పై పక్షపాతం చూపిస్తున్నారు. మహా నాయకురాలైన ఇందిరా గాంధీ పేరుని తెలంగాణాలొని మెదక్ జిల్లాకి పెట్టాలంటూ కోస్తాంధ్రులకి, సీమ వాసులకి చాలా అన్యాయం తలపెట్టారు. రేపు ఖర్మ కాలి తెలంగాణా విడి పోతే (అదెలాగూ జరగదు!) అప్పుడు మిగితా తెలుగు వారికి ఇందిరమ్మ ని జిల్లా పేరుతో తలుచుకునే భాగ్యం వుండద్దా? కావాలంటె తెలంగాణాలొనె పుట్టి పెరిగిన తెలుగు తేజం పీవీ పేరుని తెలంగాణా వారికి అక్కర్లేక పొయినా సీమకొ,కోస్తాంధ్రులకొ ఓ జిల్లాకి ఇవ్వండి. అంతే తప్ప ప్రాంతాల మధ్య ఇటువంటి పక్షపాతం చూపవద్దని ముఖ్య మంత్రి గారికి విజ్ఞప్తి!!

తెలుగు వాడు కన్నెర్ర జేస్తే?

2010-10-31T17:50:00.000+05:30

ఏ వివాదాల జోలికి పొకుండా తన పని తాను చేసుకు పొయే తెలుగు వాడు కన్నెర్ర జేస్తే ఏం జరుగుతుందో తాజాగా జరిగిన తెలుగు లలిత కళా తోరణం వుదంతం నిరూపించింది. అలాగే ఈ మధ్య కొన్ని వేర్పాటు వాద శక్తులు పిచ్చి ప్రేలాపనలు చేస్తూ మంచి తనాన్ని చేతకాని తనంగా భావించి చిందులేస్తున్నాయి. లేక పొతే "జాక్" అనబడే పిపీలకం రాష్త్రావతరణ దినోత్సవాల్లొ పాల్గొనగూడదని మంత్రులని బ్లాక్ మెయిల్ చేయటమేమిటి? బాబ్లీ గొడవ విషయమై గుంపుగా వెళ్ళిన ప్రజా పతినిధులనే తన్ని తగలేసింది మహా రాష్ట్ర ప్రభుత్వం! అటువంటిది, బంతి వెరే కోర్టులొ వున్నప్పుడు కోర్టు తీర్పు వచ్చే వరకు యధా తధ స్థితి కొనసాగాలన్న ఇంగితం లేకుండా తైతక్కలాడుతున్న ఈ జాక్ లని, ఇతర కొతి కొమ్మచ్చి గ్రూపుల్ని అణచడం ప్రభుత్వానికి పెద్ద పని కాదు. అయినా సంయమనం వహిస్తున్న ప్రభుత్వ మంచి తనాన్ని అలుసుగా తీసుకొని రాష్ట్రావతరణ పండుగనే బహిష్కరించ బూనడం నిస్సందేహంగా జాతి ద్రొహమే! ప్రస్తుతానికి రాష్ట్ర విభజన అన్నది అప్పుడే తేలే విషయం కాదు. శ్రీక్రిష్ణ కమిటీ రిపోర్టు ఇవ్వాలి--దాన్ని అన్ని వర్గాలు విశ్లేషించి ఆమోదించాలి--ఆ పై కేంద్రం తగిన చర్యలు తీసుకోవాలి. అంత వరకూ యధా తధ స్థితి కొన సాగాలి. అందుకు అడ్డు వచ్చిన వారిపై చట్ట పరమైన చర్యలు తీసుకొనేందుకు ప్రభుత్వం వెనుకాడకూడదు. అందరికీ సమైక్య ఆంధ్ర ప్రదెశ్ అవతరణ దినోత్సవ శుభాకాంక్షలు !

అమర జీవి పట్ల అపరాధం..సహించకూడదు..

2010-10-29T23:27:00.000+05:30

మనకి నచ్చని రాజకీయ నాయకుల దిష్టి బొమ్మల్ని తగలేయటం అన్నది నిరసన తెలపడంలొ అందరూ ఆమోదించే పధ్ధతి. అయితె ఇది బ్రతికి వుండి స్వార్ధ,సంకుచిత రాజకీయాలు నడిపే వారికే పరిమితం కావాలి. కానీ తెలుగు వారికి స్వంత రాష్ట్ర సాధనకై నిస్వార్ధంగా ప్రాణ త్యాగం చేసిన అమర జీవి పొట్టి శ్రీరాములు విగ్రహాన్ని ఈ రొజు దుండగులు తగల పెట్టటానికి ప్రయత్నించటం వికృత రూపం తాల్చిన తెలబాన్ ఆగడాలకి నిలువెత్తు నిదర్శనం. స్వంత రాష్ట్రం రాకుండానే విగ్రహాలపై ఇంతలా తెగ బడ్డ వారు రేపు ఖర్మ కాలి తెలంగాణ వస్తే ఇతర ప్రాంతాల వారిని బ్రతకనిస్తారా? తండ్రిని మించిన తనయుడిలా రెచ్చగొట్టే ప్రకటనలు చేసి ఈ అమానుషం జరగడానికి కారకుడైన కె.టీ.ఆర్. ని తక్షణం అరెస్టు చేసి కఠినంగా శిక్షించాలి.

రాజీవ్ భజన ఇక చాలు!

2010-10-29T22:47:00.000+05:30

తిక్క (వరపు) సుబ్బ రామి రెడ్డి పది కోట్లిచ్చినంత మాత్రాన ప్రజలకు ఆమోదమవుతుందో లేదొ అన్న కనీస ఆలోచన కూడా లేకుండా సర్కారు తెలుగు లలిత కళా తొరణం పేరుని రాజీవ్ లలిత కళా తొరణంగా మారుస్తూ ఏకంగా జీ.ఓ. ఇచ్చెయటం దారుణం. ఇప్పటికే మన రాష్ట్రంలో వున్న ఏకైక అంతర్జాతీయ విమానాశ్రయానికి మన తెలుగు ప్రధాని పీ.వీ. పేరు కాకుండా రాజీవ్ కి అంకితమిచ్చేశాం. మన తెలుగు ప్రధానికి మాత్రం ఆ విమానాశ్రయానికి దారి తీసే ఒక రొడ్డుకి ఆయన పేరు పెట్టెసి చేతులు దులుపుకున్నాం. చెన్నై, ముంబై, అహ్మదాబాద్, కోల్ కతా ఇంకా మరే విమానాశ్రయాన్ని వుదాహరణగ తీసుకున్నా ఆయా రాష్ట్రాలకు చెందిన స్థానిక నాయకులవొ లేదా చారిత్రక పురుషుల పేర్లు వాటికి పెట్టారు. మరి మనకెందుకీ భావ దారిద్ర్యం? సరే, జరిగిన పొరపాటుకి ఏమీ చేయలెం. కానీ ఇంకా కక్కుర్తిగా అల్రెడీ నామకరణం జరిగి పొయిన వాటికి కూడా ఇందిర/రాజీవ్ పేర్లు జత పరచాలని చూడటం ఖచ్చితంగా మన చేత కాని తనాన్ని అవహెళన చేయటమే అవుతుంది. తెలుగు లలిత కళా తొరణాన్ని రిపేరు చేయించ దలుచుకుంటే ప్రభుత్వం వద్ద పది కోట్ల రూపాయలు లేకుండా పోయాయా? ఏ స్వార్ధం, పరమార్ధం లేకుండానే తిక్క(వరపు) సుబ్బ రామి రెడ్డి వంటి వ్యాపారి పది కోట్లు ఇచ్చేస్తాడా? ప్రభుత్వం ఇప్పటికైన మేలుకొని ఏదో కన్నీటి తుడుపుగా తీసేసిన తెలుగు అన్న పదం జత చేయటం గాకుండా "తెలుగు లలిత కళా తొరణం" పేరుని యధా తధంగా వుంచాలి. సీ.పీ.ఐ. నాయకుడు నారాయణ చెప్పినట్లు రోశయ్య ప్రభుత్వానికి అంత కోరికగా వుంటే రాష్ట్రం లోని సులాభ్ కాంప్లెక్సులు అన్నిటికీ ఇందిర/రాజీవ్ ల పేర్లు పెట్టుకుంటే ఎవరికీ ఏ అభ్యంతరం వుండ బోదు.

సమైక్యాంధ్ర ప్రదేశ్ అవతరణ దినం సగర్వంగా జరుపుకుందాం..

2010-10-28T22:15:00.001+05:30

ఆంధ్ర ప్రదేశ్ రాష్ట్ర అవతరణ దినోత్సవాల్ని బహిష్కరించాలని తెలబాన్లు పిలుపునివ్వటం వారి మూర్ఖత్వానికి పరాకాష్ట. డిప్యూటీ స్పీకరుగా, కేంద్ర మంత్రిగా ఇంకా అనేక రాజ్యాంగ బద్ధ పదవుల్లో ఉంటూ ఇన్నేళ్ళుగా రాష్ట్రావతరణ దినోత్సవాల్లో అధికారికంగా పాల్గొన్న తెలబాన్ నాయకుడికి తాను ఇరవై మూడు జిల్లాలతో కూడిన ఆంధ్ర ప్రదేశ్ కి సంబంధించిన కార్యక్రమంలో పాల్గొంటున్నట్లు ఇన్నాళ్ళు తెలియలేదా? వునికిని కాపాడుకొవటం కొసం గత సంవత్సరమే గుర్తు వచ్చిందా? అలాగే ఇన్నాళ్ళూ లెనిది ఒక్కసారిగా వారికి కొమరం భీం ఎందుకు గుర్తుకి వచ్చాడో? స్వర్గీయ ఎన్.టీ.ఆర్. టాంకు బండు పైన విగ్రహాలు పెట్టించినపుడు వారి నాయకుడు అధికార పార్టీలొనే వున్నాడు కదా? ఆనాడే అడిగి వుంటే ఎన్.టీ.ఆర్. కాదనే వారా? ఇంత కాలం మిన్నకుండి ఇప్పుడు కొమరం భీం విగ్రహం పెట్టక పొతే మిగిలిన విగ్రహాల్ని పెల్చెస్తామనటం వెర్రి తనం. 1956 లో భాషా ప్రయుక్త రాష్ట్రాల ఏర్పాటులో మొట్ట మొదటిగా తెలుగు వారందిరినీ ఒక్కటిగా చేస్తూ ఏర్పాటైనది మన ఆంధ్ర ప్రదేశ్ రాష్ట్రం. అన్ని రంగాల్లొ అద్వితీయంగా వెలుగుతున్న మన తెలుగు వారిని మరోలా దెబ్బ కొట్టటం చేత గాక ఏనాడొ బ్రిటిషు వారు వుపయోగించిన విభజించు-పాలించు మంత్రాన్ని సాంబారు కెంద్ర మంత్రి ప్రయోగిస్తే మన వేలితో మన కన్నే పొడుచుకున్నట్లు పరస్పరం కీచులాడుకొని ఇప్పటికే చాల చులకన ఐపొయాం. ఇకనైనా కళ్ళు తెరిచి, వేర్పాటు వాద కాశ్మీరు వుగ్రవాదులకన్నా దారుణమైన పిచ్చి ప్రేలాపనలు చేస్తున్న తెలబాన్ల మాటల్ని పట్టించుకొకుండా....మన సమైక్య రాష్ట్ర అవతరణ దినం మనం సగర్వంగా జరుపుకుందాం.

శాంపిల్ చూపిన కాకా!

2010-08-22T22:09:00.001+05:30

గుడిసెల వెంకట స్వామిగా తనకున్న పేరుని సార్ధకం చేసుకుంటూ తాజాగా "కాకా", నటుడు శ్రీకాంత్ భూమిని కబ్జా చేసారు. అందులో ఆశ్చర్యం ఎమీ లేదు. అయితే దానికి తెలంగాణా ట్విస్టు ఇవ్వడంలోనె వుంది అసలు విషయం.

పోలీసులతో సహా ఇతర తోటి నాయకులు అందరూ కూడా న్యాయం వైపు మాట్లాడటాన్ని జీర్ణించుకోలేక, కేవలం శ్రీకాంత్ ఆంధ్రా వాడు కనుక కబ్జా చేయటం సమంజసమే అన్న ధొరణిలో మాట్లాడటం ఆయన తెలబాన్ మనస్తత్వాన్నే సూచిస్తోంది. ఇటువంటి వారికి ప్రత్యేక రాష్ట్రం వచ్చి, వారే పాలకులైతే ఆ రాష్ట్రాన్ని రాతి యుగం లొకి తీసుకు వెళతారు అనడంలో ఎంత మాత్రం సందేహం లేదు.

దయ్యాలు వేదాలు వల్లిస్తున్నాయి!

2010-08-10T21:02:00.000+05:30

సీమాంధ్ర మంత్రులు శ్రీక్రిష్ణ కమిటీకి ఇచ్చిన రిపొర్టు పైన కే.సీ.ఆర్.కి అంత వులుకెందుకో? అసలు శ్రీక్రిష్ణ కమిటీ వేసిందెందుకు?

ఎవరి అభిప్రాయాలు వారు చెప్పుకునేందుకే కదా! తాను మాత్రం ఒక డజను కమిటీలు వేసి రిపోర్టు ఇవ్వవచ్చు గానీ సీమాంధ్ర మంత్రులు ఇస్తే తప్పు బట్టటం హాస్యాస్పదం. తెలంగాణా వాదం దేశ ద్రోహమని అన్నారంటే అది వారి వ్యక్తిగత అభిప్రాయం. అది కూడ బహిరంగంగా కాకుండా కమిటీకి మాత్రమే వారు తెలియ చెప్పారు. అది చాలా పెద్ద తప్పని ఇల్లెక్కి కూస్తున్న ఇదే కే.సీ.ఆర్. ఎన్నో బహిరంగ సభల్లొనే సీమాంధ్రుల వ్యాపారాలు, కాలేజీలు మూయిస్తామనీ, వాళ్ళని తరిమి కొడతామనీ, నాలుకలు తెగ్గోస్తామనీ ఇంకా చాలా చాలా సెలవిచ్చారు. వాటన్నిటికీ కలిపి ఆయనకి ఎంత పెద్ద శిక్ష వేయాలొ తెలుసుకుంటే సంతోషం!

AAKASA RAMANNA

శభాష్ టీటీడీ..!

డిసెంబర్ 9 -- ఆంధ్రావని కి బ్లాక్ డే..

దైవాన్ని పూజించే పధ్ధతి ఇదేనా?

చప్రాసీలు మద్దతిచ్చినా రాదేమి తెలంగాణ?

గుంటూరు రాష్ట్ర సాధనకై త్వరలో GRS (గుంటూరు రాష్ట్ర సమితి) పార్టీ ఆవిర్భావం!

ఆంధ్ర ప్రదేశ్ పై కాంగ్రెస్ భస్మాసుర హస్తం!

దళిత వర్గాలకు నరకాసురుడి అండ! - ఇదెక్కడి చోద్యం??

సమైక్యాంధ్రకి నిజమైన దీపావళి!

కనీ వినీ ఎరుగని పైత్యం..

శభాష్ డీజీపీ! - 2

శభాష్ డీజీపీ!

తెలంగాణా వాళ్ళంతా తెలబాన్లు కాదు!

పిట్ట కదల పిట్టల దొర!

లగడపాటి హైదరాబాద్ రాకూడదా?

ఏమిటీ చావు గోల?

తెలబాన్ తొండ ముదురుతోంది!

(తెలబాన్) పైత్యానికి పరాకాష్ట!

తెలబాన్ల వ్యూహాత్మక తప్పిదం!

సమ్మె కోరల్నించి కోర్టులే కాపాడాలి!

సీమాంధ్రుల సంస్కారం...తెలబాన్ల అహంకారం....

దీక్షలందు దొంగ దీక్షలు వేరయా!

సాక్షి మూత పడకూడదు!

నో వర్క్...నో పే.. ఇది కూడా కోర్టులే చెప్పాలా?

ఇల్లలుకగానే పండుగ కాదు!

తెలబాన్ చెల్లెమ్మ చిలక పలుకులు!

నయన తార మతం..ఎవరి అభిమతం?

ఏమిటీ అరాచకత్వం?

(ఆంద్ర జ్యోతి, ఆగష్టు,5 , 2011 ) బీఎస్ఎన్ఎల్ కార్యాలయ ధ్వంసం కేసులో 14 మందికి పదేళ్ల్ల జైలు

స్పీకర్ తప్పుడు నిర్ణయం!

అసెంబ్లీ రౌడీలు!

కాంగ్రేసు ని తెలుగు వారు క్షమించరు!

దయ్యాలు వేదాలు వల్లిస్తున్నాయి!

అరాచకత్వానికి హద్దే లేదా?

నివాళి ఇచ్చే విధానం ఇదా?

లగడపాటి లెక్కలో తప్పేముంది?

వంట చేసి ఏం సాధించారు?

దళిత కార్డు దుర్వినియోగం కాకూడదు..

ఎస్ ఆర్ సీ బొమ్మలాట కాదు..

వెర్రి కుదిరింది..రోకలి తలకి చుట్టండి..

కళ్ళు తెరిచిన ప్రభుత్వం!

శభాష్ దీదీ!

అతిశయోక్తికైనా హద్దు వుండాలి!

ఆంధ్రావనికి ద్రోహం చేస్తున్న జగన్...

పిచ్చి ముదిరిన కోదండ రాం!

తెలబాన్లను క్షమించకూడదు..

బెల్టు తీసిన పోలీస్-తోక ముడిచిన కోదండ రాం!

తెలంగాణా ఉద్యమం వెనుక ఉన్న అసలు కద!

తెలంగాణా ఇవ్వబోమని తేల్చేసిన కాంగ్రెస్!

విద్యార్ధుల భవిష్యత్ దిగ్బంధనం!

మూర్ఖ తెలం"గానం" !

తెలంగాణా గోల తప్ప ప్రజల గోడు పట్టదా?

ఉద్యమం కాదు..... అది వున్మాదమే!

అరాచకత్వానికి అంతం ఎప్పుడు?

వేర్పాటు వాదం కాదు ఇది తీవ్ర వాదమే!

తెలబాన్ అకృత్యాలకి అంతు లేదా?

వాలెంటైన్స్ డే అయితే వర్రీ ఎందుకు?

రాజుల సొమ్ము రాళ్ళ పాలు - దేవుని సొమ్ము రైళ్ళ పాలు !

టీ.టీ.డీ. తల తిక్క నిర్ణయం..

తెలబాన్ నాయకుని దురహంకారం!

నై బోలో తెలంగాణా!

తెలంగాణా ఇవ్వడానికి కాంగ్రేసుకి ఉన్న హక్కు ఏమిటి?

టీ.టీ.డీ. మంచి నిర్ణయం!

తెలబాన్ అంటే రోషమెందుకు?

తెలుగు జాతి మనది..నిండుగ వెలుగు జాతి మనది...

తెలబాన్ నాయకుడు వ్యూహాత్మక మౌనం వీడితే?

శ్రీ క్రిష్ణ పైనే నిందలా? సిగ్గు చేటు..

శ్రీక్రిష్ణ కమిటీ రిపోర్టు పై దిక్కు మాలిన చర్చలెందుకు?

"కారు" కూతలు ఇంక ఆపండి! శ్రీక్రిష్ణుడు చెప్పిన గీత వినండి!

రోగం ఎక్కడుంటే మందు అక్కడే వేయాలి!

విద్యార్ధులూ ఇకనైనా మోస పోకండి..

మళ్ళీ ఆమరణ దీక్షట! (టీ.పీ.ఎస్. రెడీగా వుందా?)

శభాష్ డీ.జీ.పీ.!

మహా గర్జన కాదు అది..మహా మొరగటమే!

అసలు విద్యార్ధుల పై కేసులు ఎందుకు ఎత్తి వేయాలి?

శభాష్ జేపీ!

తుఘ్లక్ పాలనే ఇది..తక్షణం తొలగించాలి!

మెదక్ జిల్లాకేనా ఇందిరమ్మ పేరు?? మాకూ కావాలి!

తెలుగు వాడు కన్నెర్ర జేస్తే?

అమర జీవి పట్ల అపరాధం..సహించకూడదు..

(ఆంద్ర జ్యోతి, ఆగష్టు,5 , 2011 )
బీఎస్ఎన్ఎల్ కార్యాలయ ధ్వంసం కేసులో 14 మందికి పదేళ్ల్ల జైలు