కేసిఆర్ కుసంస్కారం !

ఈ క్రింది వీడియో చూడండి.. తెలబాన్ నాయకుని దురహంకార వ్యాఖ్యల పై నిండు శాసన సభలో ఆనాటి ముఖ్య మంత్రి వైఎస్ కడిగి పారేసినప్పుడు కిక్కురుమనకుండా కుక్కిన పేనులా పడివున్న కేసిఆర్ ఈనాడు వైఎస్ ప్రమాదంలో మరణిస్తే పావురాల గుట్టలో పావురమై ఎగిరిపోయాడని అవహేళన చెయ్యటం ఏమి సంస్కారం? చనిపోయిన వ్యక్తుల గురించి మాట్లాడే పధ్ధతి ఇదేనా? 

  

 అంతే కాదు..కలిసుందామని చెప్పిన వారందరూ బేవకూఫ్ లుగా కనిపిస్తున్నారు ఆయనకి ! ఒక వేలు ఎదుటి వారికి చూపిస్తే నాలుగు వేళ్ళు తననే చూపిస్తాయన్న సంగతి ఆయన మర్చి పోతున్నారు. పచ్చ కామెర్లు ఉన్న వారికి లోకమంతా పచ్చగా కనిపించినట్లు ఎదుటి వారందరూ బేవకూఫ్ లుగా కనిపిస్తే అది ఆయన లోపమే అవుతుంది.  సీమాంధ్రకి అన్యాయం చేస్తూ ఏకపక్షంగా ప్రతిపాదించిన విభజన పై తన నిరసన గళాన్ని వినిపించిన ముఖ్య మంత్రి పై వ్యక్తిగత దూషణలకి దిగటం కూడా ఆయన దిగజారుడు మనస్తత్వానికి ప్రతీక. అయినా తెలబాన్ నాయకుని నుండి సంస్కారయుతమైన ప్రసంగాలని ఆశించటం ఇసుక నుండి తైలం తీసే ప్రయత్నమే అవుతుంది.  కానీ ఎప్పుడూ ఇతర పక్ష నాయకులని, వ్యాపారస్తులని మాత్రమె దూషించే కెసీఆర్ సకల జన భేరి లో మొత్తం సీమాన్ద్రులనే దుమ్మెత్తి పోయటం రాబోయే విపరిణామాలకి సూచిక.  లంకలో పుట్టిన వారందరూ రాక్షసులే.. సీమాన్ధ్రలో పుట్టిన వారందరూ తెలంగాణా ద్రోహులే అని నోరు పారేసుకుంటే ఇక రాబోయే (?) తెలంగాణా లో సీమాంధ్రుల భద్రత కి హామీ ఎక్కడ వుంటుంది ?  తెలబాన్ నాయకుడు ఇటువంటి నోటి దురుసు చూపినంత కాలం సీమాన్ధ్రలో ఉద్యమం ఎగిసి పడుతూనే వుంటుంది..తెలంగాణకి నిలువూ అడ్డం రెండూ కెసీఆర్ మాత్రమె అవుతారు...