కుక్క కాటుకి చెప్పు దెబ్బ !

ఒక రాష్ట్రం లోని ప్రభుత్వ ఉద్యోగులు - ప్రభుత్వ అనుమతి తో - తమ రాజధాని నగరంలో - ఒక సమావేశం జరుపుకోదలుచుకుంటే -  దానికి హైకోర్టు కూడా అనుమతి మంజూరు చెయ్యాలా ?  సిగ్గు చేటు !   అసలు ఉద్యోగులు హైదరాబాదులో సమావేశం అని ప్రకటించిన మరుక్షణం నుండే తెలబాన్లు శివాలెత్తడం మొదలు పెట్టారు.  హైదరాబాదు తమకి అడ్డా అయినట్లు సీమాంధ్ర లో  ఎక్కడో సమావేశం పెట్టుకోమని ఫత్వా జారీ చేసేసారు.   ఎక్కడో గుజరాత్ నుండి వచ్చిన నరేంద్ర మోడీ సభ జరుపుకుంటే వారికి అభ్యంతరం లేదు కానీ మన రాష్ట్ర ఉద్యోగులు మాత్రం రాజధానిలో ఏ కార్య కలాపాలు నిర్వహించకూడదన్న మాట!  ఉద్యోగులు వెనక్కి తగ్గక పోవటంతో  పోటీ ర్యాలీ ని ప్రకటించేసి దానికి ప్రభుత్వం అనుమతి ఇవ్వలేదని గలాటా మొదలు పెట్టారు.  గతంలో మిలియన్ మార్చ్ పేరుతొ శాంతియుతంగా ర్యాలీ చేస్తామని ప్రభుత్వాన్ని మభ్య పెట్టి టాంకు బండు విగ్రహాలు కూల్చిన చరిత్ర వారికి వుంది! అటువంటప్పుడు ప్రభుత్వ అనుమతి వస్తుందని ఎలా అనుకున్నారు?  అంతేనా...  సభని జరగనివ్వబోమంటూ బంద్ లు , రైల్వే స్టేషన్ దిగ్బంధనాలు, రహదారి దిగ్బంధనాలు మరెన్నో మరెన్నో ప్రకటించేశారు.  ఓయూ  జెఏసి సభ్యులైతే సభకి వచ్చిన వారిని తంతామని టీవీ కెమెరాల సాక్షిగా బెదిరింపులు చేసేసారు.   అసలు మనం ప్రజాస్వామ్య దేశం లో వున్నామా - తాలిబాన్ రాజ్యంలో వున్నామా?   ఎన్ని బెదిరింపులు చేసినా ఉద్యోగులు వెనక్కి తగ్గక పోవటం తో చివరికి సభని ఎలాగైనా ఆపి తీరాలన్న పట్టుదలతో తెలబాన్లు  హైకోర్టు తలుపు తట్టారు.    అయితే ఎన్జీవో ల సభకి అనుమతినిస్తూ హైకోర్టు ఇచ్చిన తీర్పు తెలబాన్లకి చెంప  పెట్టు !     కోర్టు తీర్పు సంగతి ఎలా వున్నా ఇక్కడ గమనించ వలసిన సంగతి - తెలబాన్ల అసహనం.... తెలంగాణా రాకముందే ఇన్ని వేధింపులు చేస్తున్న వారు రాష్ట్రం విడి పోయాక సీమాంద్రులను, సీమాంధ్ర ఉద్యోగులను బతకనిస్తారా?