రమణాచారి గారు! మీ నిర్ణయం అసమంజసం !!

 అఖిల భారత సర్వీసుకి చెందిన ఉత్తమ అధికారి ఆయన! తిరుమల తిరుపతి దేవస్థానం కార్య నిర్వహణాధికారిగా ఆయన అందించిన సేవలు తెలుగు ప్రజలు ఎప్పటికీ గుర్తు ఉంచుకుంటారు . తెలుగు భాష లో ఆయనకు వున్న పాండిత్యం కూడా మెచ్చ తగింది . ఇంతటి విద్వత్తు వున్న రమణాచారి గారు ఎత్తెత్తి పేడలో కాలు వేసిన చందంగా వేర్పాటువాద ప్రాంతీయ పార్టీ తీర్ధం పుచ్చుకోవటం బాధాకరం . వ్యక్తిగత నిర్ణయాలు తీసుకునే స్వేచ్చని ఎవరూ కాదనలేరు గానీ సమర్ధుడైన అధికారిగా పేరు గాంచిన ఆయనకి,  ఈనాడు ఆంధ్ర ప్రదేశ్ రాష్ట్రం అభివృద్ధిలో దశాబ్దాల వెనక్కి వెళ్ళటానికి కారణమైన వేర్పాటు తీవ్ర వాదం గురించి తెలియదనుకోవాలా ?  ఆయనకి తెలంగాణా ప్రాంతం అంటే అభిమానం ఉండవచ్చు.. కానీ కుటుంబ ప్రయోజనాలే పరమావధిగా పార్టీని నడుపుతున్న నాయకుని సారధ్యంలో ఆయన తెలంగాణా ప్రాంతానికి ఏం ఒరగ బెడతారన్నది సందేహాస్పదమే!