Friday, December 27, 2013

ఆంక్షలు లేక పొతే అంతే సంగతులు !

దేశంలోని మిగతా 28 రాష్ట్రాల మాదిరి తెలంగాణా  కూడా అంక్షలు లేని విధంగా ఏర్పరచాలని డిమాండ్ చేస్తున్న తెలబాన్ నాయకునికి దేశంలో మిగతా రాష్ట్రాలు ఏకాభిప్రాయం తో ఏర్పడ్డాయని,  సంప్రదాయానుసారం  విభజనకి పూర్వపు శాసన సభ తీర్మానం ద్వారానే ఆయా కొత్త రాష్ట్రాల ఏర్పాటుకి నాంది జరిగిందని తెలియదా? కొత్తగా ఏర్పడ్డ రాష్ట్రాలే కొత్త రాజదానులని ఏర్పాటు చేసుకున్నాయి కానీ ఉమ్మడిగా అభివృద్ది చెందిన రాజధానిని కైంకర్యం చేస్తూ అవశిష్ట ప్రాంతానికి మొండి చెయ్యి చూపించే విధంగా ఇంతకూ ముందు ఏ రాష్ట్రమైనా ఏర్పడిందా?   కానీ తెలంగాణా విషయంలో ఏం జరుగుతోంది ?  2009 డిసెంబర్ 9 ప్రకటనలో కేంద్ర హొమ్ మంత్రి తెలంగాణా ఏర్పాటుకై ఆంధ్ర ప్రదేశ్ శాసన సభలో ప్రక్రియ ప్రారంభిస్తామని ప్రకటించగా, ఈనాడు   విభజన వాదులు కేంద్రంతో కుమ్మక్కు అయిన ఫలితంగా మొదటి ప్రక్రియనుండే  తొండి ఆట మొదలు పెట్టారు.    ఒక రాష్ట్ర  విభజన వంటి ప్రాముఖ్యమైన విషయం కేంద్ర కేబినెట్ సమావేశం ఎజెండా లో వుండదు..నోట్ తయారు అవుతున్న విషయం సాక్షాత్తు కేంద్ర హొమ్ మంత్రికి మధ్యాహ్నానికి తెలియదు...  కానీ సాయంత్రానికల్లా  టేబుల్ పాయింటు గా ప్రత్యక్షమై ఆమోదమై పోతుంది!   అలాగే మంత్రుల కూటమి! ఒక తెలుగు రాష్ట్రాన్ని విభజించే ప్రక్రియలో ఒక్క తెలుగు మంత్రి కూడా ఉండడు.. మంత్రుల కూటమి కూడా హస్తిన వదలి రాదు.. కానీ చిత్తం వచ్చినట్లు నివేదిక తయారు చేయటంలో మాత్రం వారు సిద్ధ హస్తులు.  రెండు నెలలు కూర్చుని వారు వండి వార్చిన నివేదిక తో బిల్లు సిద్ధమయ్యాక కూడా మళ్ళీ అదే తంతు!  టేబుల్ పాయింటు గా కేబినేట్ సమావేశం లో బిల్లు ప్రవేశ పెట్టి -  సీమాంధ్ర మంత్రులు బిల్లు పరిశీలించటానికి సమయం అడిగినా నిరాకరించి బలవంతపు ఆమోదం జరిగిన సంగతి తెలిసిందే!  ఇక రాష్ట్రపతి నుండి తిరిగి వచ్చిన బిల్లుని  ప్రత్యెక దూత ద్వారా ప్రత్యెక యుద్ధ విమానంలో హైదరాబాదు కి పంపటం కొస మెరుపు!  ఈ అవకరాలన్నీ ఒక ఎత్తు ఐతే, తెలబాన్ల అరాచకాలు మరో ఎత్తు! ప్రత్యెక రాష్ట్ర ప్రస్తావనే లేని రోజుల్లోనే వారు చేసిన అరాచకాలకి లెక్కే లెదు.  
 సమైక్య రాష్ట్రంలో తెలంగాణా రాష్ట్రం పేరిట ఫలకాలు ఏర్పాటు చేయటం, వాహనాలకి టీజీ స్టిక్కర్లు అంటించటం, జాగో భాగో అనటం, తరిమి కోడతామనటం, పండక్కి వెళ్ళిన సీమాంధ్రులని తిరిగి రానివ్వమనటం, ఆస్తులు లాక్కుంటామనటం, సీమాంధ్రుల భూములు పంచేస్తామనటం ఇలా ఒకటా రెండా... అంతు లేని కధ ఆ అరాచకం!  అదంతా గతం!  ఇప్పుడు కేంద్రం ప్రత్యెక రాష్ట్రానికి సై  అనగానే తెలబాన్ నాయకుడు జూలు విదిల్చాడు.
 సాక్షాత్తు ముఖ్య మంత్రినే టిఫిన్ సెంటర్ పెట్టుకోమన్నాడు. తమకి కప్పం కడుతూ బతకమన్నాడు..ఉద్యోగులకి ఆప్షన్లు లేవన్నాడు..సీమాంధ్రకి వెళ్లి పోవాల్సిందే అన్నాడు.. నాయకుడు అలా వుంటే అనుచర గణం  ఇంకెలా వుంటుంది? 

 డిసెంబర్ 31తరువాత సీమాంధ్రులని వెళ్ళ గోట్టాలంటూ రబ్బరు స్టాంపులు వేసి మరీ ప్రచారం చేస్తున్నారు!  ఇన్ని అవకారాలు, అరాచకాలు ఉన్న పరిస్థితిలో - దొంగ చేతికే తాళం ఇచ్చినట్లు - సీమాంధ్రకి, సీమాంధ్ర ప్రజలకి తగిన ప్రత్యామ్నాయాలు, రక్షణలు  చూపకుండా - హడావిడిగా రాష్ట్ర విభజన సాధ్యమా?  ఎట్టి పరిస్థితిలో కానే కాదు!!      

Monday, December 23, 2013

తిక్క కుదిరింది !


బ్రాహ్మణులని అపహాస్యం చేస్తూ మోహన్ బాబు తీసిన "దేనికైనా రెడీ" చిత్రం  గురించి గతంలో నేను వేసిన టపా ఇక్కడ  చదవండి.  హద్దు పద్దు లేని అహంకారంతో బ్రాహ్మణులని అపహాస్యం చేస్తూ చిత్రం  నిర్మించిన మోహన్ బాబు తన పాపానికి ప్రాయశ్చిత్తం ఇప్పుడే అనుభవించబొతున్నాడు.  భారత ప్రభుత్వం కట్ట బెట్టిన పద్మశ్రీ పురస్కారాన్ని వారం రోజుల్లోగా వెనక్కి ఇచ్చేయాలని న్యాయస్థానం ఇచ్చిన తీర్పు మోహన్ బాబు వంటి అహంకారులకి చెంపపెట్టు వంటిది.  దుష్టజన సాంగత్యం చెరుపే చేస్తుందన్న రీతిగా మోహన్ బాబుతో కలిసి నటించిన పాపానికి  బ్రహ్మానందం కూడా తన పద్మశ్రీ  పురస్కారాన్ని కోల్పోవలసి రావటం ఆయన దురదృష్టమే !   

Tuesday, December 17, 2013

అంతా రాజ్యాంగ బద్దంగా జరిగితే - అంత తొందర ఎందుకు ?

కాబినెట్ నోట్ ప్రవేశ పెట్టిన దగ్గరనుంచి తెలంగాణా  బిల్లు ని కాబినెట్ ఆమోదించే సమయం దాకా  ఆంధ్ర ప్రదేశ్ రాష్ట్ర విభజన వ్యవహారంలో కేంద్రం తొండి ఆటే ఆడింది.  ఒక రాష్ట్ర విభజన వంటి ప్రాముఖ్యత గల విషయాన్ని టేబుల్ పాయింటుగా ప్రవేశ పెట్టి కాబినెట్ నోట్ ని హడావిడిగా ఆమోదం తెలపటంతోనే  కుట్ర పూరిత వ్యవహారం బహిర్గతమయ్యింది.  ఆ తరువాత బిల్లుని కాబినెట్ ఆమోదించే సమయంలో కూడా అంతే !    ఆంద్ర ప్రదేశ్ రాష్ట్రానికి చెందిన వారు ఒక్కరుకూడా లేని  మంత్రుల కూటమి రెండు నెలల సమయం వెచ్చించి తయారు చేసిన  బిల్లు పరిశీలించటానికి రెండు రోజుల సమయమైనా ఇవ్వమని సీమాంధ్రకి చెందిన కేంద్ర మంత్రి అభ్యర్ధించినా,  తిరస్కరించి   బలవంతపు ఆమోదం జరిపారు.  ఇక ఇప్పుడు రాష్ట్ర శాసన సభ వంతు ! హస్తినలో కూచుని తయారు చేసిన బిల్లు రాష్ట్ర భవిష్యత్తు పై ఎలాంటి ప్రభావం చూపుతుంది అన్న విషయం చర్చించటానికి రాష్ట్రపతి విజ్ఞతతో 6 వారాల సమయం ఇస్తే దానికీ అభ్యంతరమే! ప్రజా ప్రతినిదులనుండి తెలంగాణా మేధావుల వరకు అందరూ త్వర త్వరగా కేంద్రానికి తిప్పి  పంపమనే వారే!  2000 సంవత్సరంలో పూర్తి  ఏకాభిప్రాయంతో మూడు రాష్ట్రాలు ఏర్పాటు చేసిన సందర్భంగా ఆయా  శాసన సభలకి కనీసం 40 రోజుల గడువుని ఇచ్చారు. ఇప్పుడు కేవలం ఒక్క ప్రాంత ప్రయోజనాలకి కొమ్ము కాస్తూ పక్షపాత ధోరణి తో ప్రతిపాదించిన విభజన బిల్లు చర్చించటానికి 6 వారాల సమయం ఎంత మాత్రం చాలదు.     అంతే  కాదు.. గతంలో నిండు శాసన సభలో గవర్నర్
ప్రసంగ పాఠాలని చించి ఆయన మొహానే విసిరి కొట్టిన వారు నేడు రాష్ట్రపతి పంపిన బిల్లు పవిత్రమైనదంటూ చిలక పలుకులు పలుకుతున్నారు.   రాష్ట్ర శాసన సభ అభిప్రాయంతో పనే లేకుండా పార్లమెంటులో బిల్లు పెట్టేస్తామని బీరాలు పలికిన వారు ఈ రోజు శాసన సభలో విస్తృత  చర్చకి ఎందుకు వెనుకడుగు వేస్తున్నారు?   సీమాంధ్రుల అభిప్రాయాలకి ఏ మాత్రం విలువనివ్వకుండా వారికి సమస్యలు చెప్పుకొనే అవకాశమే ఇవ్వకుండా నిరంకుశంగా తయారు చేసిన బిల్లు ని చీల్చి చెండాడే అవకాశం ఒక్క శాసన సభలోనే ఉంది. ఇప్పటికే తమ అధిష్టానానికి లోబడి సీమాంధ్ర ప్రజలని  వంచించిన ప్రజా ప్రతినిధులు ప్రస్తుత బిల్లులో   సీమాంధ్రుల ప్రయోజనాలకి భంగం వాటిల్లే ప్రతి క్లాజుకి తగిన సవరణలు ప్రతిపాదించకుండా బిల్లుని యధాతధంగా కేంద్రానికి తిప్పి పంపితే వారు ప్రజా ద్రోహులే కాదు జాతి ద్రోహులు కూడా అవుతారు... 

Monday, December 9, 2013

రాష్ట్ర విభజన తో కాంగ్రెస్ చేస్తున్నది జాతి ద్రోహమే కాదు, దేశ ద్రోహం !

తెలుగు జాతికి ఈ రోజు విద్రోహ దినం!  పచ్చగా వున్న తెలుగు వారిని కేవలం తన రాజకీయ అవసరాల కోసం ముక్కలుగా చేయ తలపెట్టిన కాంగ్రెస్ అధినేత్రి జన్మదినం మన తెలుగు జాతికి దుర్దినం.. కేంద్రంలో రెండు సార్లు అధికారం చేపట్టటానికి అవసరమైన ప్రాతినిధ్యమిచ్చి గౌరవించిన తెలుగు వారి నెత్తినే భస్మాసుర హస్తం పెట్టిన కాంగ్రెస్  కి చివరి రోజులు దాపురించాయని తాజాగా జరిగిన  ఎన్నికల ఫలితాలు నిరూపించాయి.  అసలు  రాష్ట్ర విభజన వంటి ప్రాముఖ్యత గల విషయాన్ని అధికారం కొద్ది రోజుల్లో ముగిసి పోతుందనగా చేపట్టటమే సరి ఐన పధ్ధతి కాదు.   అందునా ఆంధ్ర ప్రదేశ్ ని  విభజిస్తే దాని దుష్పరిణామాలు   కేవలం ఆంధ్ర ప్రదేశ్ లోనే  గాక దేశం మొత్తం ఉంటాయని ప్రభుత్వమే నియమించిన శ్రీ కృష్ణ కమిటీ,  ఐబీ వంటి సంస్థలు కూడా హెచ్చరించిన నేపధ్యంలో తాను పట్టిన కుందెటికి మూడే కాళ్ళన్న రీతిగా మొండిగా కాంగ్రెస్ పార్టీ ముందుకి సాగటం అర్ధ రహితం.  ఆర్టికిల్ 3 ని దుర్వినియోగం చేస్తూ - రాష్ట్ర శాసన సభ అభిప్రాయానికి స్థానం లేకుండా విభజన ప్రక్రియని కొన సాగించటం తెలుగు  జాతికి చేస్తున్న ద్రోహం అయితే -  జిహాదీ తీవ్ర వాదం, నక్సల్ తీవ్ర వాదం పెచ్చరిల్లుతాయని  ప్రభుత్వ సంస్థలే హెచ్చరించినా కూడా దేశ సమగ్రతని పణంగా పెట్టి మరీ ఆంధ్ర రాష్ట్రాన్ని విభజించాలని మొండికేయటం ఖచ్చితంగా దేశ ద్రోహమే !  కేవలం ఒక రాజకీయ పార్టీ ప్రయోజనాలే తప్ప మరే విధమైన ప్రయోజనాలు ఒనకూడని విభజన బిల్లుని రాష్ట్రపతి తన వివేచన ఉపయోగించి  తిప్పి పంపాలి.  అంతే
కాదు, దేశంలో ప్రస్తుతం నిద్రాణంగా వున్న గోర్ఖలాండ్, బోడోలాండ్, విదర్భ వంటి వేర్పాటు ఉద్యమాలు కూడా పునరుజ్జీవితమై అనేక సమస్యలకి మూల కారణం అయ్యే అవకాశం ఖచ్చితంగా ఉంది.   కొత్త రాష్ట్రాల ఏర్పాటు వల్ల దేశ ఆర్ధిక వ్యవస్థ పై పెను భారం పడటమే గాక శాంతి భద్రతలకి కూడా భంగం వాటిల్లనున్న పరిస్థితుల్లో కేంద్రం ఏక పక్షంగా, నిరంకుశంగా ప్రతిపాదిస్తున్నఆంధ్ర ప్రదేశ్  విభజన బిల్లుని తిరస్కరించటం ప్రధమ పౌరునిగా రాష్ట్రపతి కర్తవ్యం. 

Monday, December 2, 2013

సర్వ అనర్ధాలకు కారణభూతమయ్యే విభజన మనకొద్దు !




శ్రీ కృష్ణ కమిటీ ఇచ్చిన రహస్య నోట్ గురించి వార్తా పత్రికల్లో వచ్చిన కధనాలు గమనిస్తే రాష్ట్ర విభజన అన్నది ఎంత అనర్ధ దాయకమో తేట తెల్లమై పోతుంది.  తెలంగాణా అన్నది విఫల రాష్ట్రంగా మిగిలి పోతుందని విష్పష్టంగా కమిటీ ప్రకటించింది.  అంతే కాదు.. ప్రస్తుతానికి అదుపులో ఉన్న నక్సల్ సమస్య - అలాగే మనం మరచి పోయిన మత  కలహాలు వంటి విపత్తులు కూడా సంభవించే అవకాశం  వుందని తేల్చింది.  దేశానికే ప్రమాదకరమైన జిహాదీ తీవ్ర వాదం కూడా పెచ్చరిల్లే అవకాశం వుందని తేల్చి చెప్పింది.  ఇది 2010 నాడు శ్రీ కృష్ణ కమిటీ ఇచ్చిన వివరణ !  ఇప్పుడు తాజాగా ఐబీ అధిపతి ఇబ్రహీం కూడా ప్రత్యెక రాష్ట్రం ఇస్తే అది కేవలం ఆంధ్ర ప్రదేశ్ లోనే గాక దేశ  వ్యాప్తంగా భద్రతా సంస్థలకి కొత్త సవాళ్లు ఎదురౌతాయని కేంద్ర హొమ్ మంత్రితో అధికారిక సమావేశం లో ప్రకటించారు. ఇంక ఈ మధ్యనే కేంద్ర హొమ్ శాఖ తరపున రాష్ట్రానికి వచ్చిన టాస్క్ ఫోర్స్ కమిటీ ఏ నివేదిక సమర్పించిందో బహిర్గత పరచక పోయినా దాదాపు ఇటువంటి పరిణామాలనే సూచించినట్లు వార్తా కధనాలు తెలియజెప్తున్నాయి.     స్వయంగా ప్రభుత్వమే నియమించిన శ్రీ కృష్ణ  కమిటీ - అలాగే సాక్షాత్తు ప్రభుత్వ సంస్థ అయిన ఐబీ వంటి సంస్థలు  విభజన వలన  ఏర్పడే దుష్పరిణామాలని  ఏకరువు పెట్టినా కూడా కేంద్ర ప్రభుత్వం కేవలం రాజకీయ సమీకరణాలని దృష్టిలో ఉంచుకొని ఆంధ్ర ప్రదేశ్ రాష్ట్ర విభజన కోసం మొండి గా ముందుకి సాగటం మూర్ఖత్వం. ఓ పక్క ఉత్తర ప్రదేశ్ శాసన సభ తన రాష్ట్రాన్ని 4 ముక్కలుగా విభజించమని కేంద్రానికి తీర్మానం పంపినా దాన్ని పక్కన పెట్టి - మన  రాష్ట్రంలో  70 శాతం మంది ప్రజలు విభజనకి వ్యతిరేకం అయినా కూడా, మన  రాష్ట్ర శాసన సభ అంగీకారంతో ప్రమేయం లేదు అన్న రీతిగా నిరంకుశంగా సాగుతున్న విభజన ప్రక్రియ  రాజ్యాంగం లోని ఆర్టికిల్ 3 దుర్వినియోగం చెయ్యటమే అవుతుంది.  అంతే గాక విభజన వల్ల రాష్ట్రం లోపల - బయట కూడా భద్రతా పరమైన సవాళ్లు ఎదురు అవుతాయని సమాచారమున్నా కూడా కేంద్రం వెనుకడుగు వేయక పోవటం దేశ సమగ్రత పట్ల కాంగ్రెస్ పార్టీ చిత్త శుద్ది నే శంకించే పరిస్థితి తెస్తోంది.  కేవలం తన రాజకీయ ప్రయోజనాల కోసం రాష్ట్ర / దేశ సమగ్రతలని పణం గా పెట్టి కాంగ్రెస్ తీసుకు రానున్న విభజన బిల్లు ని ప్రతిపక్షాలన్నీ తిప్పి కొట్టాలి.  అలాగే రాష్ట్రపతి కూడా తన వివేచన ఉపయోగించి సర్వారిష్ట కారకమైన విభజన బిల్లు అనుమతించకుండా  విజ్ఞత చూపించాలి.   కాని పక్షంలో మన రాష్ట్రాన్ని, దేశాన్ని ఆ భగవంతుడే కాపాడాలి.... 

Thursday, November 28, 2013

స. హ. చట్టం ద్వారా కేంద్ర హొమ్ శాఖకు నేను పంపిన విజ్ఞాపన ..

ప్రజాభిప్రాయంతో పనే లేదన్నట్లుగా - దేశంలో వున్నది రాజకీయ పార్టీలే అన్న రీతిలో - కేవలం రాజకీయ పార్టీల లేఖలని ఆధారం చేసుకొని అడ్డగోలుగా ఆంధ్ర ప్రదేశ్ విభజనకి కేంద్రం పూనుకుంది.  అత్యంత దుర్మార్గంగా సాగిపోతున్న ఈ విభజన ప్రక్రియలో ప్రజల గోడు చెప్పుకోవటానికి లభించిన ఏకైక అవకాశం - జీవోఎం కి పంపిన ఈ మెయిల్స్ !  అయితే ఇప్పుడు జీవోఎం నివేదిక తుది దశకి వచ్చిన వేళ, ప్రజానీకంనుండి వచ్చిన అభిప్రాయాలని అసలు వారు చదివారా లేదా - ఇంకా వారి నివేదికలో ప్రజాభిప్రాయాన్ని కూడా పొందు పరుస్తున్నారా లేదా అన్నది బ్రహ్మ రహస్యమే ! అందుకే జీవోఎం కి అందిన ఈ మెయిల్స్ విషయమై సమాచార హక్కు చట్టం కింద నేడు క్రింది విధంగా విజ్ఞాపన పంపాను.
(https://rtionline.gov.in వెబ్ సైట్ నుంచి)   

Kindly provide the following information at the earliest :
1.Howmany emails were received in response to the invitation of feed back on terms of reference of Group of Ministers (GoM) constituted for bifurcation of Andhra Pradesh
2.Howmany emails supported for bifurcation of Andhra Pradesh and howmany emails opposed the bifurcation of Andhra Pradesh
3.Whether the GoM has studied all the emails received in this regard
4.Whether the response of the public vide emails is being incorported in the report of GoM
5.It is reqested to kindly provide the soft copies of the mails received or to made them accessible for public view in any website

హొమ్ శాఖ నుండి సమాధానం/సమాచారం వచ్చాక  (వస్తే !) బ్లాగులో అప్ డేట్ చెస్తాను. 

Wednesday, November 27, 2013

నేను 'తుపాకి' రామన్న కాదు !

తుపాకి.కామ్ వెబ్ సైటు నుంచి నేను టపాలు ఎత్తి రాస్తున్నట్లుగా నా సన్నిహితులు విమర్శించటం తో ఆ వెబ్ సైటు ని  పరిశీలించటం జరిగింది.  కొన్ని కధనాలు దాదాపు నేను వెలువరించిన టపాల మాదిరిగానే వున్నా అవి నా టపాల ప్రచురణ తరువాత వచ్చిన కధనాలే అని గమనించి నన్ను విమర్శించిన వారికి ఆ విషయం తెలియజేశాను.  అయితే ఇదే విధంగా తోటి బ్లాగర్లు, చదువరులు కూడా అపోహ పడే అవకాశం వుంది అన్న ఉద్దేశ్యం తో ఈ క్రింది ఉదాహరణలు ఇస్తున్నాను :

1. జీవోఎం  కి వచ్చిన మెయిళ్ల గురించి నేను వెలువరించిన టపా తేదీ, సమయం:  26. 11.2013  1.23 PM
http://andhraaakasaramanna.blogspot.in/2013/11/blog-post_26.html

దాదాపుగా ఇదే విషయంతో  తుపాకి.కామ్ వెబ్ సైట్ లో వచ్చిన కధనం వచ్చిన తేదీ,సమయం :  26. 11. 2013  09.39 PM
http://www.tupaki.com/news/view/Emails-to-GOM-On-Telangana/44763

2 .తెలబాన్ల మోడల్ పాలన  గురించి నేను వెలువరించిన టపా తేదీ, సమయం:  20. 11.2013  7.58 AM
http://andhraaakasaramanna.blogspot.in/2013/11/blog-post_20.html

దాదాపుగా ఇదే విషయంతో  తుపాకి.కామ్ వెబ్ సైట్ లో వచ్చిన కధనం వచ్చిన తేదీ,సమయం :  26. 11. 2013  11.41 PM
http://www.tupaki.com/news/view/Telanga-a-le/44791

3. ఆంధ్ర ప్రదేశ్ కి ప్యాకేజి ఎందుకు అంటూ  నేను వెలువరించిన టపా తేదీ, సమయం:  10. 11.2013  9.54 AM
http://andhraaakasaramanna.blogspot.in/2013/11/blog-post_10.html

దాదాపుగా ఇదే విషయంతో  తుపాకి.కామ్ వెబ్ సైట్ లో వచ్చిన కధనం వచ్చిన తేదీ,సమయం :  11. 11. 2013  05.00 AM


http://www.tupaki.com/news/view/Other-/43082

4. హైదరాబాద్ సిర్ఫ్ హమారా కి అర్ధం చెపుతూ   నేను వెలువరించిన టపా తేదీ, సమయం:  09. 11.2013  02.07 PM
http://andhraaakasaramanna.blogspot.in/2013/11/blog-post_9.html

దాదాపుగా ఇదే విషయంతో  తుపాకి.కామ్ వెబ్ సైట్ లో వచ్చిన కధనం వచ్చిన తేదీ,సమయం :  11. 11. 2013  05.00 AM


http://www.tupaki.com/news/view/Telangana-Af/43083

5 . జానా రెడ్డి పంచాయితీ గురించి   నేను వెలువరించిన టపా తేదీ, సమయం:  30.10.2013  03.26 PM
http://andhraaakasaramanna.blogspot.in/2013/10/blog-post_30.html

దాదాపుగా ఇదే విషయంతో  తుపాకి.కామ్ వెబ్ సైట్ లో వచ్చిన కధనం వచ్చిన తేదీ,సమయం :  01. 11. 2013  12.01 AM


http://www.tupaki.com/news/view/GHMC-is-an-Example-for-Telangana-Activists/42003

పై ఉదాహరణలు  యాదృచ్చికంగా జరిగి ఉండ వచ్చు. లేదా ఒక వేళ తుపాకి.కామ్ వెబ్ సైటు వారు నా టపాల లోని భావాలని వాడుకున్నా నాకేమీ అభ్యంతరం లెదు.  అయితే నేను మాత్రం 'తుపాకీ' రామన్న  కాదు అని తెలియజేప్పటానికే ఇదంతా రాయవలసి వచ్చింది. 

Tuesday, November 26, 2013

జీఒఎం కి వచ్చిన ఈ మెయిళ్లు ఎన్ని ?

ఒక రాష్ట్ర విభజన వంటి ప్రాముఖ్యత గల అంశాన్ని కేంద్ర కాబినెట్ సమావేశ ఎజెండా లో చేర్చకుండా కేవలం టేబుల్ పాయింటుగా ప్రవేశ పెట్టి తొండి చేసిన రీతిగా ఆమోదించడమే గాక  పార్టీల లేఖల ఆధారంగా విభజన ప్రక్రియని జరుపుతున్నామని అడ్డగోలుగా ప్రకటించిన కేంద్రం తూతూ మంత్రంగా ప్రజలనుండి విభజన అంశాలపై ఈ మెయిల్ అభిప్రాయాలని ఆహ్వానించింది.   నవంబరు 5 వ తేదీ గడువుగా చెప్పిన కేంద్రం ఆ తరువాత జరుగుతున్న పరిణామాల్లో ఎక్కడా ప్రజలనుండి వచ్చిన సూచనలు, సలహాల ప్రస్తావనే తీసుకురాలేదు.  జీఒఎం నివేదిక కి తుది మెరుగులు దిద్దుతున్న ప్రస్తుత సమయంలో కూడా రెండు ప్రాంతాల రాజకీయనాయకులని, పార్టీలని చర్చలకి పిలుస్తున్నారు కానీ ప్రజాభిప్రాయం ఏమిటి అన్నది కేంద్ర ప్రభుత్వానికి పట్టటంలేదు.  అసలు విభజన కోసం ఈమెయిల్ ద్వారా సలహాలని కోరటమే తప్పు.  మన రాష్ట్ర ప్రజానీకంలో ఈమెయిల్ ద్వారా సూచనలు ఇవ్వగల నిపుణత ఎంతమందికి ఉంది?  వచ్చ్చిన ఈమెయిళ్ళు అన్నీ పూర్తి ప్రజాభిప్రాయాన్ని ప్రతిబింబిస్తాయా?  ప్రజాభిప్రాయానికి విలువని ఇవ్వదలుచుకుంటే కేవలం ఈమెయిల్ మాత్రమె గాక తక్కిన మాధ్యమాల ద్వారా కూడా సూచనలు ఆహ్వానించాలి.  రాష్ట్రంలోని అన్ని వర్గాల నుండి సమాచారం/అభిప్రాయాలు సేకరించి విశ్లేషించి ఇచ్చిన శ్రీ కృష్ణ కమిటీ నివేదికని బుట్ట దాఖలు చేసి తన చిత్తం వచ్చినట్లుగా కేంద్రం విభజన ప్రతిపాదన చేసింది.  ఆ తరువాత సీమాంధ్రుల సమస్యలు తీర్చటానికి (?) ఆంటోనీ కమిటీ ఏర్పాటు చేసి, ఆ కమిటీ నివేదిక ఇవ్వకుండానే విభజనకి తన చిత్తానుసారం పరుగులు తీస్తోంది.     ఇవన్నీ పక్కన పెడితే --- అసలు జీవోఎం కి మొత్తం ఎన్ని ఈ మెయిల్స్ వచ్చాయి - వాటిలో రాష్ట్ర విభజన కోరినవి ఎన్ని, సమైక్యతని కోరినవి ఎన్ని -  అసలు అన్ని మెయిళ్ళని  జీవోఎం పరిశీలించిందా లేదా బుట్ట దాఖలు చేసిందా?  అధికారికంగా సూచనలు ఆహ్వానించిన కేంద్ర ప్రభుత్వం తనకు అందిన ప్రతి సూచనకి జవాబుదారీగా ఉండాలి.  జీవోఎం  ఇవ్వబోయే నివేదికలో ప్రజలనుండి తనకి అందిన సూచనల/సలహాల వివరాలు కూడా పొందుపరచి తీరాలి. కాని పక్షంలో ఇప్పటికే  ఏకపక్షంగా అడ్డగోలుగా సాగుతున్న విభజన ప్రక్రియ కీలకమైన ప్రజాభిప్రాయాన్ని కూడా విస్మరించి సాగిస్తున్న నిరంకుశ చర్యే అవుతుంది.

Thursday, November 21, 2013

దేశ భద్రతకే ముప్పు కలిగించే విభజన అవసరమా?




"తెలంగాణా ఏర్పాటు వల్ల భద్రతా సంస్థలకి కేవలం ఆంద్ర ప్రదేశ్ లోనే గాక దేశ వ్యాప్తంగా కూడా కొత్త సవాళ్లు ఎదురౌతాయి "

ఈ ప్రకటన చేసింది సమైక్య వాదం వినిపిస్తున్న కిరణ్ కుమార్ రెడ్డి కాదు... నేడు ఒక అధికారిక సమావేశంలో సాక్షాత్తు కేంద్ర హొమ్ మంత్రితో ఇంటలిజెన్స్ బ్యూరో అధిపతి ఇబ్రహీం చేసిన హెచ్చరిక ఇది !  


ఇప్పటికే దేశంలో ఎక్కడ ఉగ్ర వాద సంఘటనలు జరిగినా వాటి మూలాలు హైదరాబాదు నగరం వైపే వేలు చూపిస్తున్న విషయం తెలిసిందే ! శ్రీ కృష్ణ కమిటీ కూడా తన నివేదికలో ప్రత్యెక రాష్ట్రం ఏర్పరిస్తే నక్సలిజం , మత తత్వ శక్తులు పెరిగి  అభద్రతా వాతావరణాన్ని ఏర్పరుస్తాయని తన ఐదవ సూచనలో స్పష్టం గా చెప్పింది. కొత్తగా రాష్ట్రం ఏర్పడినప్పుడు విభజించ బడ్డ పోలీసు బలగాలతో నక్సల్స్ సమస్యని ఎదుర్కోవటం కత్తి మీద సామే అవుతుంది.  అటువంటప్పుడు  మావోయిష్ట్ కార్యకలాపాలు విస్తృతంగా వున్న మహా రాష్ట్ర, చత్తీస్ ఘర్ లని సరిహద్దులుగా కలిగి  కొత్తగా ఏర్పడే  బలహీన రాష్ట్రంలో మావోయిష్టులు పెట్రేగి పోయే ప్రమాదం ఎంతైనా ఉంది.  జార్ఖండ్, చత్తీస్ ఘర్  ప్రాంతాల్లో విభజన తరువాతే మావోయిష్టు కార్యకలాపాలు పెరిగిన వైనం ఈ సందర్భంగా గమనించాలి.     వేర్పాటు వాదానికి పట్టం కడుతూ అదే సమయం లో తీవ్ర వాదానికి దారులు తెరవటం అన్నది తెలివైన పనేనా అన్నది విభజనకి బిల్లు పెట్టె ముందే కేంద్రం ఆలోచించుకోవాలి .. 

Wednesday, November 20, 2013

ఆర్టికిల్ 3 దుర్వినియోగానికి అడ్డు కట్ట వేయాల్సిన సమయమిదే !

ఊహించినట్లుగానే ఆర్టికిల్ 371 (డి) కి సంబంధించి రాజ్యాంగ సవరణ చెయ్యనిదే రాజ్యాంగంలోని 3, 4  అధికరణల ప్రకారం దక్కిన అధికారాలను కేంద్రం నేరుగా వినియోగించుకోలేదని  అటార్నీ జనరల్ తెల్చెసారు.  ఇక ఈ విషయంలో కేంద్రం  ఎలా ముందుకు వెళ్తుంది అన్న విషయం పక్కన పెడితే... 

ఆంధ్ర ప్రదేశ్ రాష్ట్ర విభజనకి  ఇంత వరకు జరిగిన రాజ్యాంగ బద్ధమైన ప్రక్రియలో ఆంధ్ర ప్రదేశ్ రాష్ట్ర ప్రభుత్వ/శాసన సభ/ప్రజల ప్రమేయం ఎంత ? కేవలం రాజకీయ పార్టీలు లేఖలిచ్చాయన్న వంకతో రాష్ట్రంలోని మెజారిటీ ప్రాంత ప్రజల అంగీకారం లేకుండా - రాజ్యాంగం యొక్క ఫెడరల్ స్ఫూర్తి కి విరుద్ధంగా - అదే రాజ్యాంగం లోని ఆర్టికిల్ 3 కింద  తనకి వున్న విచక్షణాధికారాన్ని దుర్వినియోగ పరుస్తూ కేంద్రం రాష్ట్రాన్ని విభజించేయటానికి దూకుడు గా అడుగులు వేసింది. అవికూడా ఎన్నో తప్పుటడుగులు ! రాష్ట్ర విభజనకై నిర్దేశించిన మంత్రుల కూటమిలో రాష్ట్రానికి చెందిన మంత్రి ఒక్కరూ లేరు! తూతూ మంత్రం గా జరిపిన మంత్రుల కూటమి సమావేశాల్లో ఒక్క జైరామ్ రమేష్ తప్పిస్తే పూర్తి స్థాయి హాజరు కూడా మంత్రులకి లేదు. అంటే ముందుగా నిర్దేశించుకున్న కార్యాచరణ ప్రకారమే కేంద్రం ముందుకు సాగుతోంది తప్ప తతిమ్మా వ్యవహారాలన్నీ నామ మాత్రమె అని స్పష్టమై పోతోంది.      అన్ని రాజకీయ పార్టీలు సమ్మతించాయంటూ విభజన ప్రతిపాదించిన కాంగ్రెస్ పార్టీలోనే ఏకాభిప్రాయం లెదు.  అంతెందుకు .. సాక్షాత్తూ తమ పార్టీకే  చెందిన ముఖ్య మంత్రినే విశ్వాసంలోకి తీసుకోలేక పోయిన కాంగ్రెస్ పార్టీకి విభజనకి ముందుకు సాగే హక్కు లేనే లెదు. ఒక రాష్ట్రాన్ని విభజించాలంటే ఆ రాష్ట్ర ప్రజల ప్రమేయం అన్నది ఉండనక్కరలెదా?  రాష్ట్రం లో ప్రభుత్వమే అన్నది లేనట్లుగా కేంద్రమే సర్వాదికారాలని చేతిలోకి తీసుకొని తమ ఇష్టానుసారం విభజన ప్రతిపాదిస్తే రాష్ట్రం/రాష్ట్ర ప్రజలు ఆమోదించాలా ? పైగా శాసన సభ ఆమోదించినా లేక పోయినా కూడా తాము అనుకున్నట్లు విభజించి తీరుతాం అని కేంద్రం మొండికేస్తే ఇక ఫెడరల్ స్ఫూర్తి ఎక్కడ ఉన్నట్లు ?  ఆంధ్ర ప్రదేశ్ రాష్ట్రానికి ఆర్టికిల్ 371 (డి) ద్వారా ఒక ప్రత్యెక ప్రతిపత్తి వుంది కాబట్టి కేంద్రం దూకుడు కి కళ్ళెం పడే అవకాశం ఉంది. లేని పక్షంలో పరిస్థితి ఏమిటి ?  ఒక ప్రాంతంలో విభజన లేదా విలీనం వంటి చర్యలు తీసుకోవాలంటే ఆ ప్రాంతం/రాష్ట్ర శాసన సభ నుండి ప్రతిపాదన వస్తే అప్పుడు కేంద్రం ఆర్టికిల్ 3 కింద తనకి వున్న అధికారంతో విభజన/విలీనం చేయాలని రాజ్యాంగ కర్తల ఉద్దేశ్యం. పైగా అటువంటి చర్యలు చేపట్టే ముందు ఆయా ప్రాంతాల సంపూర్ణ అంగీకారం ఉందా లేదా అన్న విషయం ద్రువీకరించుకొనే కేంద్రం అడుగు ముందుకు వెయ్యాలి.  అయితే ప్రస్తుతం జరుగుతున్న పరిణామాలు అందుకు భిన్నంగా  - రాష్ట్ర శాసన సభ ప్రమేయమే లేకుండా కేంద్ర నిరంకుశ నిర్ణయాన్ని రుద్దే రీతిన కొనసాగుతోంది.  గతంలో రాష్ట్రాల్లో రాష్టపతి పాలన విధించే విషయంలో కేంద్రానికి వున్న ఆర్టికిల్ 356 కింద వినియోగించుకొనే విచక్షణాదికారాలపై  పై  బొమ్మై కేసులో సుప్రీం కోర్టు పరిమితులు విధించింది.  అదే విధంగా నేడు రాజ్యాంగంలో ని ఆర్టికిల్ 3 ద్వారా కేంద్రం చేపట్టబోయే చర్యలకు కూడా రాష్ట్రాల అంగీకారం వుండి తీరాలన్న నిబంధన చేర్చక పొతే ఇదే దుష్ట సాంప్రదాయం కొనసాగుతూనే ఉంటుంది.  రాష్ట్రపతి, ఇంకా ఉన్నత న్యాయ వ్యవస్థలు ఈ విషయంలో క్రియా శీలకంగా వ్యవహరించి ఆంద్ర ప్రదేశ్ కె గాక భవిష్యత్తులో రాబోయే మరెన్నో అనర్దాలని నిరోధించే దిశగా చర్యలు చేపట్టాలి. 

తెలబాన్ పాలన మొదలై పోయింది !





తెలంగాణా రాష్ట్రం ఏర్పాటుకి ఇంకా బిల్లు కూడా తయారు కాలేదు కానీ అప్పుడే తెలబాన్ మోడల్ పాలన ఎలా వుంటుందో వేర్పాటు వాదులు రుచి చూపించేస్తున్నారు.  తెలబాన్ నాయకుడు ఇప్పటికే సీమాంధ్ర ఉద్యోగులకి ఆప్షన్స్ లేవని, వెనక్కి వెళ్ళిపోవాలని - ముఖ్యమంత్రి టిఫిన్ సెంటర్ పెట్టుకోవాలని ఫత్వా జారీ చేసి ఉన్నాడు.  ఇక ఇప్పుడు ఆయన అనుచర,బంధు గణాల వంతు !  ఈ రోజు వార్తా పత్రికలలోనే వచ్చిన ఈ వార్తలు చూస్తుంటే ప్రత్యెక రాష్ట్రం ఇస్తే సీమాంధ్రుల పట్ల వారి వైఖరి ఎలా ఉండ బోతున్నదో తేట తెల్లమై పోతోంది.    సీమాంధ్ర  ప్రజల రక్షణ కోసం చట్టం తెస్తామంటున్న కేంద్రం ముందుగా ఇటువంటి బెదిరింపు ప్రకటనలు చేసే వారి పట్ల కఠిన వైఖరి ప్రదర్శించాలి.  అందునా ఎమ్మెల్సీ వంటి రాజ్యాంగ బద్ధమైన పదవుల్లో ఉంటూ బెదిరింపులకి పాల్పడుతున్న స్వామీ గౌడ్ వంటి నాయకులని కట్టడి చేయాల్సిన అవసరం ఎంతైనా వుంది.  

Tuesday, November 19, 2013

ముసుగు తొలగిన జైపాల్ రెడ్డి !


మనకి పాత సినిమాలలో గుమ్మడి నటించిన పాత్రలు జ్ఞాపకం ఉన్నాయా ? 16 రీళ్ల సినిమాలో 14 రీళ్ల వరకు పెద్ద మనిషి పాత్ర - ఆ తరువాత ఒక్కసారి గా విలన్ అవతారం ఎత్తి ప్రేక్షకులని ఆశ్చర్య పరచే వారు గుమ్మడి !  ఆ విధంగానే గత నాలుగేళ్ళుగా జరుగుతున్న వేర్పాటువాద ఉద్యమం లో ప్రత్యక్షంగా పాల్గొనకుండా హస్తిన లోనే తెర వెనుక పావులు కదుపుతూ పెద్ద మనిషిగా చెలామణి అవుతున్న జైపాల్ రెడ్డి తెలంగాణా ఏర్పాటుకు ప్రకటన వెలువడగానే ముసుగు తొలగించి ముఖ్యమంత్రి పదవి కోసం పోటీ లోకి వచ్చేసారు!  వేర్పాటు వాదమే ప్రాతిపదికగా వున్నపార్టీలు,వ్యక్తులు ఎటువంటి డిమాండ్లు చేసినా ఆశ్చర్యం వుండదు కానీ ఇప్పటి వరకు పెద్ద మనిషిగా చెలామణీ   ఐన జైపాల్ రెడ్డి గారు  జీఓఎంకి ఇచ్చిన తమ నోట్ తో చిన్న బుద్ధిని బయట పెట్టుకున్నారు.  తెలంగాణా ప్రాంత వాసిగా తమ ప్రాంతానికి కావలసిన సౌకర్యాలు అడగటం తప్పు కాదు  కానీ అదే సమయం లో సీమాంధ్ర బలి అయి పోయినా పరవాలేదన్న రీతిగా ఆయన ప్రసంగించిన తీరు ఆక్షేపణీయం.  ఒక రాష్ట్ర రాజధాని అన్నది ఆ ప్రాంత ప్రజలందరి హక్కు. అందులో ఎవరి దయా దాక్షిణ్యం అన్నది ఉండే ప్రసక్తే లెదు. హైదరాబాదు కి వున్న మౌలిక వసతులు గానీ, వైద్య, విద్యా పరమైన వసతులు గానీ ఏవి ఏర్పడినా అవి 23 జిల్లాలతో కూడిన ఆంధ్ర ప్రదేశ్ రాజధాని హోదాలో వచ్చినవే !వాటిని వినియోగించుకోవటానికి 23 జిల్లాల వారికి సర్వ హక్కులు ఉంటాయి. ఇప్పుడు అడ్డగోలుగా ఉన్న పళంగా రాష్ట్ర విభజన ప్రతిపాదించిన పక్షంలో హైదరాబాదుకి దీటుగా ప్రత్యామ్నాయ రాజధాని/వసతులు ఏర్పడే  వరకు  హైదరాబాదు అన్నది ఆంధ్ర ప్రదేశ్ రాష్ట్ర ప్రజలందరి హక్కు.  ప్రత్యామ్నాయ రాజధాని వచ్చే వరకు పదేళ్ళ కాల పరిమితిని కేంద్రం ప్రస్తావిస్తే అదే చాల ఎక్కువ అన్నట్లు తోటి తెలంగాణా కేంద్ర మంత్రులతో కలిసి వ్యాఖ్యానించటం ఆయన దురహంకారాన్ని సూచిస్తుంది. అంతే గాక ఏ దురుద్దేశ్యం లేక పొతే జీఒఎమ్ కి ఇచ్చిన నోట్ ని రహస్యంగా ఎందుకు ఉంచుతారు ?  ఇక హైదరాబాదు నుండి భద్రాచలం వరకు దేనిని వదలరు కానీ రాబోయే తెలంగాణకి ఉండబోయే విద్యుత్ కొరతని మాత్రం సీమాంధ్ర భర్తీ చేయాలట ! ఇంతకన్నా మూర్ఖ వాదన ఎక్కడైనా ఉంటుందా ?  తన రాజకీయ జీవిత చరమాంకంలో జైపాల్ రెడ్డి గారు తన అల్ప బుద్ధిని బయట పెట్టుకొని తాను  కూడా అవకాశ వాదినే అని నిరూపించుకున్నారు.   

Saturday, November 16, 2013

విభజన ప్రక్రియ మీ పుణ్యమే !


విభజన పై కేంద్రం ఇంత ముందుకు వెళ్ళాక కూడా ఇంకా సమైక్యం పట్టుకుని వేళ్ళాడాలా అంటూ ఎంతో  అమాయకం నటిస్తూ ప్రశ్నిస్తున్నారు కేంద్ర మంత్రి పురందేశ్వరి ! ఇటువంటి ఆషాడ భూతుల వల్లే కేంద్రం ఇంత ముందుకు వెళ్ళిందన్న సంగతిని ఆమె మరచి పోయారేమో గానీ ప్రజలు మరచి పోలేదు. అసలు కాంగ్రెస్ పార్టీ విభజన నిర్ణయం ప్రకటించిన వెంటనే రాజీనామా చేయమని ప్రజలంతా ముక్త కంఠంతో డిమాండ్ చేసినా కూడా పదవిని వదిలి పెట్టకుండా కాలక్షేపం చేసి - మూడు నెలల తరువాత తగుదునమ్మా  అంటూ ప్రజలని ఏమార్చాలని చూడటం ఆవిడ అమాయకత్వం. రాష్ట్రపతి దాకా వెళ్ళిన ఆర్డినెన్సు ని సైతం చించి వేసిన అధిష్టానం ప్రజల అభీష్టానికి విరుద్ధంగా జరుగుతున్న విభజన విషయంలో వెనుకడుగు వెయ్యక పోవటానికి ఇటువంటి ప్రజా ద్రోహులైన నాయకులే కారణం.   అన్ని పార్టీలు నిర్ణయం తెలిపాకే కాంగ్రెస్ పార్టీ ఒక నిర్ణయం తీసుకుందని సెలవిస్తున్న ఆవిడ గారికి అసలు కాంగ్రెస్ పార్టీలోనే విభజన పట్ల ఏకాభిప్రాయం లేదన్న సంగతి గుర్తు లేదా?  స్వంత పార్టీకి చెందిన  రాష్ట్ర ముఖ్యమంత్రి నే విశ్వాసంలోకి తీసుకోలేక పోయిన కాంగ్రెస్ పార్టీ ఇతర పార్టీల అభిప్రాయాల వంకతో విభజన ప్రక్రియ ని కొనసాగించటం మూర్ఖత్వం.  తనని ఎన్నుకున్న ప్రజల అభీష్టానికి వ్యతిరేకంగా వ్యవహరిస్తూ కూడా సీమాంధ్రని ఉద్ధరిస్తున్నట్లు మాట్లాడుతున్నపురందేశ్వరి  కి, ఆవిడ పార్టీకి 2014 ఎన్నికల్లో తగిన గుణ పాఠం ప్రజలు చెప్పటం ఖాయమే !

రాష్ట్రపతి రబ్బరు స్టాంపు కాకూడదు !


రాజ్యాంగం లోని ఆర్టికిల్ 3 ని దుర్వినియోగ పరుస్తూ కేంద్రం ఏక పక్షంగా ఆంద్ర ప్రదేశ్ విభజన ప్రక్రియని కొనసాగిస్తున్న సమయంలో దేశంలోని అత్యున్నత న్యాయ వ్యవస్థలు, మరియు రాజ్యాంగ పరి రక్షకుని  పాత్రలో రాష్ట్రపతి  కూడా క్రియాశీలక పాత్ర వహించ వలసిన అవసరం ఎంతైనా వుంది.  ప్రజా సంక్షేమానికి సంబంధించిన విషయాలలో కేంద్ర మంత్రి వర్గం ఆమోదించి పంపిన బిల్లులని రాష్ట్రపతి యధాతధంగా ఆమోదించినా ఎటువంటి నష్టం ఉండదు.   అయితే ఆర్టికిల్ 3 వంటి విశేష విచక్షణాదికారాలని వినియోగిస్తూ కేంద్రం ప్రతిపాదించిన బిల్లులని రాష్ట్రపతి ఎటువంటి సమీక్ష జరపకుండా అనుమతించటం అనుచితం అవుతుంది.  ఒక రాష్ట్ర విభజన అనే అంశం ఆ ప్రాంతంలోని అనేక వర్గాల ప్రజలని, కొన్ని తరాల పాటు ప్రభావితం చేస్తుంది  అన్న మాట వాస్తవం. అంత ప్రాముఖ్యత గల ఈ అంశానికి సంబంధించిన నోట్ ని   ఆమోదించే సమయంలో కేంద్ర ప్రభుత్వం వ్యవహరించిన తీరు ఆక్షేపణీయం.  ఒక రాష్ట్ర విభజన వంటి ప్రాముఖ్యత గల అంశాన్ని కేంద్ర మంత్రి వర్గ సమావేశం యొక్క ఎజెండా పాయింటు లో లేకుండా కేవలం టేబుల్ పాయింటుగా  నోట్  ప్రవేశ పెట్టి హడావిడిగా  ఆమోదించేయటం ఏ పాటి సమంజసం అన్నది రాష్ట్రపతి వివేచనతో పరిశీలించాలి.  అంతే కాదు.. ఆంద్ర ప్రదేశ్ రాష్ట్ర విభజన కోసం ఆ రాష్ట్ర శాసన సభ నుంచి ఎటువంటి తీర్మానం లేకుండా - తీర్మానం లేక పోవటమే కాదు, శాసన సభ అనుమతే అసలు అవసరం లేదు అన్నట్లుగా - నిరంకుశ రీతిగా కొనసాగుతున్న విభజన ప్రక్రియని కూడా రాష్ట్రపతి ప్రశ్నించ వలసిన అవసరం వుంది.  లేని పక్షంలో ఈ విధమైన విచక్షణాదికారాల దుర్వినియోగం అన్నది ఆంద్ర ప్రదేశ్ తో ఆగదు. భవిష్యత్తులో ఇదే ఉదాహరణగా తీసుకొని తమకి నచ్చని రాష్ట్రాన్ని  రాబోయే కేంద్ర ప్రభుత్వాలు విభజించి పడేసి బలహీన పరచటానికి ప్రయత్నించే అవకాశం ఎంతైనా వుంది.  ఇటువంటి దుష్ట సాంప్రదాయానికి ఆదిలోనే అడ్డు కట్ట వేయటం రాజ్యాంగ పరి రక్షకునిగా రాష్ట్రపతి బాధ్యత. ఉత్తర ప్రదేశ్ రాష్ట్ర విభజనకై ఆ రాష్ట్ర శాసన సభ తీర్మానం కేంద్రం వద్ద సిద్ధంగా వుండగా దాన్ని పక్కన పెట్టి మరీ ఏ విధమైన ప్రతిపాదన లేని ఆంద్ర ప్రదేశ్ విభజనకై కేంద్రం ఎందుకు తొందర పడుతున్నదో రాష్ట్రపతి కేంద్రాన్ని ప్రశ్నించాలి.  అన్నిటికన్నా ముఖ్యమైన విషయం - రాష్ట్ర విభజన ప్రతిపాదించిన చోట ఆయా  ప్రాంతాల పరస్పర అంగీకారం తోనే విభజన జరుగుతోందా లేదా అన్న విషయం రాష్ట్రపతి తప్పనిసరిగా పరిశీలించాలి.  ఆంద్ర ప్రదేశ్ విభజన విషయంలో కేంద్రమే  నియమించిన శ్రీ కృష్ణ కమిటీ సైతం తన నివేదికలో రాష్ట్ర విభజన తప్పని సరి అని భావించిన పక్షంలో - అది రాష్ట్రంలోని మూడు ప్రాంతాల పరస్పర అంగీకారంతో మాత్రమె చేయాలని విష్పష్టం గా చెప్పింది.  ఆ కమిటీ నివేదికని పార్లమెంటులో చర్చకి పెట్టకుండా - నివేదికని తుంగలో తొక్కి, తన ఇష్టానుసారం కేవలం ఒక ప్రాంతానికి మాత్రమె ప్రయోజనకరంగా కేంద్రం ప్రతిపాదించిన విభజన ఎంత మాత్రం సమర్ధనీయం కాదు. అలాగే ఉద్యోగుల విషయానికి వస్తే రాజ్యాంగానికి చేసిన 32 వ సవరణ తో వచ్చిన ఆర్టికిల్ 371 - డి ద్వారా జోనల్ పరంగా/రాజధాని పరంగా విద్యార్ధుల/ఉద్యోగుల ప్రయోజనాలు కాపాడ బడుతున్నాయి. అటువంటప్పుడు హైదరాబాదు కి దీటుగా ప్రత్యామ్నాయ రాజధానిని, ఇతర సౌకర్యాలని కల్పించకుండా విభజన ప్రతిపాదించటం రాజ్యాంగ విరుద్ధం..ఇటువంటి పలు సమస్యలకి కేంద్రం నుండి సముచితమైన వివరణ లభించకుండా విభజన బిల్లుకి రాష్ట్రపతి ఆమోద ముద్ర వెయ్యరాదు.  ఈ విషయాల్లో అవసరమైతే సుప్రీం కోర్టు సలహాని సైతం రాష్ట్రపతి తీసుకుంటే మెలు.  ఏమైనా గతంలో ప్రధాని ఇందిరా గాంధీ ప్రతిపాదించిన ఆత్యయిక పరిస్థితి ని రబ్బరు స్టాంపు వలె ఆమోదించి అపఖ్యాతి పాలైన ఫక్రుద్దీన్ ఆలీ అహ్మద్ వలే కాకుండా ప్రస్తుత రాష్ట్రపతి క్రియా శీలకంగా వ్యవహరించి, కేంద్రం దుర్నీతి ని అడ్డుకోవాలని కోరుకుందాం.     

Thursday, November 14, 2013

తమిళులని చూసి ఎంతైనా నేర్చుకోవాలి !

తెలుగు జాతి కి అనైక్యతే ఒక శాపం .. దక్షిణాదిన ఒక గట్టి రాష్ట్రం గా అభివృద్ది చెందుతున్న మన రాష్ట్రాన్ని కుట్ర పూరితంగా విభజన చేసి బలహీన పరచాలన్న కేంద్రం కుయుక్తులని ఎదుర్కోవాల్సిన మన నాయకులు ప్రాంతాల వారీగా, వర్గాల వారీగా విడిపోయి స్వంత ప్రయోజనాల కోసం మన రాష్ట్ర భవిష్యత్తునే పణం గా పెడుతున్నారు.   తమిళ నాడు విషయానికి వస్తే అక్కడి ప్రత్యర్ధి పార్టీల మధ్య పచ్చ గడ్డి వేస్తె భగ్గుమనేంత వైరం వున్నా కూడా తమ రాష్ట్ర ప్రయోజనాలు లేదా జాతి ప్రయోజనాల దగ్గరికి వచ్చేసరికి అందరూ ఒకే మాట పై వుంటారు.  

మన రాష్ట్రాన్ని కేకు ముక్కలా కోసేయాలని సంబర పడుతున్న కాంగ్రెస్ పార్టీ
కి చెందిన చిదంబరం గారిని తమిళనాడు విభజన గురించి అడిగితె -- అటువంటి ప్రతిపాదనలు మొగ్గలోనే తుంచి వేయాలని నిష్కర్షగా చెప్తాడు. కానీ తెలుగునాడు ని ముక్కలు చేయటానికి మాత్రం కత్తి  పట్టుకొని సదా సిద్ధంగా ఉంటాడు. ఆంధ్ర ప్రదేశ్ రెండు లేదా మూడు ముక్కలై పొతే దక్షిణాదిన తమ రాష్ట్రమే సూపర్ పవర్ అవ్వాలన్న స్వార్ధ ప్రయోజనాన్ని ఏ మాత్రం దాచుకోడాయన ! 


అలాగే శ్రీలంక యుద్ధ నేరాలకి సంబంధించిన తీర్మానం విషయం లో సక్రమం
గా వ్యవహరించ లేదని గత మార్చి నెలలో డీఎంకే పార్టీ కి చెందిన 5 గురు కేంద్ర మంత్రులు పదవులని తృణ ప్రాయంగా త్యజించేసారు. కానీ ఇక్కడో ? ఊరు వాడ ఏకమై రోడ్ల మీదకి వచ్చి రాజీనామా చేయమని నినదించినా సరే, నియోజక వర్గాలకి రాకుండా రాజధానిలో కాల క్షేపం చేస్తున్నారు తప్ప పదవుల ని వదిలి పెట్టరు మన మంత్రి వర్యులు ! 


ఇక, అన్నా డీఎంకె సారధ్యంలోని తమిళనాడు రాష్ట్ర ప్రభుత్వం - శ్రీలంక లో
జరగనున్న చొగమ్ సదస్సుని భారత్ బహిష్కరించాలంటూ అక్టోబరు 29 న తమ శాసన సభలో  ఏకగ్రీవంగా తీర్మానించింది.  ఆ ఒత్తిడి నేపధ్యంలోనే ఆ సదస్సుకి ప్రధాని హాజరు అవకుండా మంత్రి సల్మాన్ ఖుర్షీద్ ని పంపుతున్న నేపధ్యంలో నవంబరు 12 న మరొక మారు తమిళనాడు శాసన సభ సమావేశమై శ్రీలంక సదస్సు లో భారత్ ప్రాతినిధ్యం ఉండరాదని ప్రతిపాదిస్తూ ఎకగ్రీవ  తీర్మానం చేసింది.  ఎక్కడో రాష్ట్రం బయటే కాదు, దేశం బయట వున్న తమిళుల పట్ల అక్కడి రాజకీయ పార్టీల నిబద్ధత అలా ఉంది.  మన దగ్గరేమో - రాష్ట్రంలోని మెజారిటీ ప్రజలు సమైక్యత ని కోరుతున్నా - వంద రోజులు పైగా ఆందోళనలు చేస్తున్నా -  ఏ రాజకీయ పార్టీకి మన రాష్ట్రం భవిష్యత్తు పట్ల సరైన దృక్పధమే లెదు. విభజన బిల్లు రాక ముందే శాసన సభలో సమైక్య తీర్మానం చేయటానికి సమావేశం జరపమని వైఎస్ఆర్ కాంగ్రెస్ పార్టీ డిమాండ్ చేసినా కూడా "సమైక్య చాంపియన్" ముఖ్య మంత్రి గారికి శాసన సభని సమావేశ పరిచే తీరిక లేదు !  తమిళులకి మనకీ ఇదే తేడా !     

Sunday, November 10, 2013

అసలు ఆంద్ర ప్రదేశ్ కి ప్యాకేజీ ఎందుకు ఇవ్వాలి ?

వాపుని చూసి బలుపు అని భ్రమించిన రీతిగా - 23 జిల్లాల రాజధాని హోదాలో హైదరాబాదు ప్రాంతానికి వస్తున్న ఆదాయాన్ని తమ ప్రాంత ఆదాయంగా పరిగణిస్తూ - రాజధాని ఆదాయంతో ఇన్నేళ్ళుగా సీమాంధ్ర ని ఉద్దరించేసినట్లు తెలంగాణా ప్రాంత నాయకులు వితండ వాదం వినిపిస్తున్నారు.  ఇప్పుడు రాష్ట్ర విభజన సందర్భంగా సీమాంధ్ర ప్రాంతానికి పలు ప్యాకేజీలు ఇస్తారని వార్తలు వస్తున్నాయి.  ఇబ్బడి ముబ్బడిగా సౌకర్యాలు వచ్చి తమ ప్రాంతం అభివుద్ది చెందుతుంది అంటే ఎవరికైనా ఆనందమే ! అయితే ఈ ప్యాకేజీలకి సొమ్ములు ఎక్కడినుంచి వస్తాయి ?  అన్ని రాష్ట్రాలకి చెందిన కేంద్ర ప్రభుత్వ మూల నిధి నుంచే కదా !  ఇప్పుడు కాంగ్రెస్ పార్టీ తన స్వార్ధ ప్రయోజనాల కోసం అడ్డ గోలుగా తల పెట్టిన ఆంద్ర ప్రదేశ్ విభజన కొరకై మంది సొమ్ముని పందేరం చెయ్యటానికి మిగతా రాష్ట్రాలు అంగీకరిస్తాయా  ? ఉమ్మడి సొత్తుని తమ చిత్తం వచ్చినట్లు ఒక్క ప్రాంతం లోనే వెచ్చించ టానికి ఖచ్చితంగా అభ్యంతరం చెప్తాయి. అంతే  కాదు,  సమైక్య రాష్ట్రంగా ఉన్నప్పుడు ఇవ్వని సౌకర్యాలు విడ దీస్తూ కల్పిస్తే అది ఒక దుష్ట సాంప్రదాయానికి తెర తీస్తుంది.  ఈ పధ్ధతి ఏదో బాగుంది అంటూ  దేశంలో తక్కిన రాష్ట్రాలు కూడా విభజన కోరి సౌకర్యాలు డిమాండ్ చేస్తే కేంద్రం దగ్గర సమాధానం ఉంటుందా ?  విభజించి ప్యాకేజీ ఇచ్చే బదులు అదే సొమ్ములతో రాష్ట్రం లోని అన్ని ప్రాంతాలకి సమానంగా సౌకర్యాలు కలుగ జేస్తే మరింత ప్రయోజనం వుంటుంది కదా !  ఏమైనా - వస్తాయో రావో తెలియని ప్యాకేజీ సోమ్ములకై సీమాంధ్ర రాజకీయ నాయకులు కక్కుర్తి  పడుతున్నారు కానీ -- తెలంగాణా ఆకాంక్ష ని గౌరవించటం కోసం సీమాంధ్ర ని బలి చెయ్యటానికి  ప్రజలు సిద్ధంగా లేరు. 

Saturday, November 9, 2013

తెలంగాణా ఉద్యమ చరిత్ర - నాలుగే ముక్కల్లొ...

అరవై ఏళ్ల సమైక్యాంధ్ర గురించి నాలుగే పంక్తుల్లో వివరించేసారు ఆచార్యుల వారు !  

http://dracharyaphaneendra.wordpress.com/2013/11/08/అరవయ్యేళ్ళ-సమైక్యాంధ్ర-చ/

అలాగే పన్నెండేళ్ళ తెలంగాణా ఉద్యమం కూడా నాలుగే ముక్కల్లొ... 

* తెలంగాణా జాగో - ఆంధ్రా వాలా భాగో 

* సీమాంధ్రు లని తరిమి కొడతాం , తెలంగాణా వొద్దు అన్న వాళ్ళ                
   నాలుకలు   కోస్తాం .. 

* సీమాంధ్రులు దోపిడీ దారులు ! 

  (దోపిడీ లెక్కలన్నీ మొన్న శ్రీ కృష్ణ కమిటీ, నేడు ఆర్ధిక శాఖ మంత్రుల బృందానికి ఇచ్చిన నివేదిక  తేల్చేశాయి)



* హైదరాబాద్ సిర్ఫ్ హమారా ! 
  ( 'హమారా'  అంటే మాది అనే  కాక మనందరిదీ అన్న అర్ధం కూడా    వస్తుందని   ఎప్పుడు గ్రహిస్తారో ? )

Thursday, November 7, 2013

దురాశ దుక్ఖమునకు చేటు !

* మా తెలంగాణా మాకు కావాలి !

* హైదరాబాద్ మాకే కావాలి !

* హైదరాబాదులో ఉద్యోగాలన్నీమాకే కావాలి !

*  రాబోయే ఐ టీ  ఐ ఆర్  మాకే కావాలి !

* హస్తిన లో ఏ పీ భవన్ మాకే కావాలి ! 

* నదీ జలాలు మాకే కావాలి !

* అర్హత లేక పోయినా శాసన మండలి మాకూ కావాలి !


* భద్రాచలం మాకే కావాలి ! 

* ఆస్తులన్నీ మాకే కావాలి - అప్పులన్నీ అందరికీ పంచాలి ! 

* రూ . 4. 5 లక్షల కోట్ల ప్యాకేజీ మాకే కావాలి ! 

* సింగరేణి బొగ్గు మాకే కావాలి ! 

* కే జీ బేసిన్ గ్యాస్ మాకే కావాలి !

** ఇంకా ఏం మిగిలింది ? బంగాళా ఖాతం !అదీ మీరే తీసేసుకోండి ... భేషుగ్గా వుంటుంది .... 

Thursday, October 31, 2013

వేర్పాటు (తీవ్ర) వాదం !


వేర్పాటు వాదుల ఆగడాలు శృతి  మించుతున్నాయి.  వేర్పాటువాదం కాస్తా తీవ్ర వాదం గా పరిణమిస్తోంది. ఖమ్మం, నల్గొండ జిల్లాల పర్యటనకి వెళ్ళిన వైఎస్ఆర్ కాంగ్రెస్ గౌరవాధ్యక్షురాలు విజయమ్మని  వేర్పాటు వాదులు ఆటకాయించటం సహించరానిది.     మన ప్రజాస్వామ్య దేశంలో ఏ మనిషికి గానీ, పార్టీ కి గాని స్వంత అభిప్రాయం ఏర్పరచుకునే హక్కు వుంది.  సమైక్య వాదాన్ని సమర్ధించినంత మాత్రం చేత తెలంగాణా లో తిరగరాదనటం  ఖచ్చితంగా మూర్ఖత్వమే.  సమైక్య వాదాన్ని సమర్ధించే పార్టీ అధ్యక్షురాలికి తెలంగాణా లో తిరిగే నైతిక హక్కు లేదని తెరాస నాయకులు ప్రకటించటం అర్ధ రహితం. తెలంగాణా ప్రాంతాన్ని స్వంత జాగీరు క్రింద జమ కట్టిన రీతిలో సమైక్య వాదులు వస్తే అడ్డుకుంటామని హెచ్చరించటం దేశ  సార్వ భౌమత్వాన్ని సవాల్ చేయటమే !  రాష్ట్రం రాక ముందే ఇంతగా చెలరేగి పోతున్న వారికి ఇంక ప్రత్యెక రాష్ట్రం ఇస్తే పట్ట పగ్గాలుంటాయా ? ఒక పార్టీ నాయకురాలుగా వరద బాధితులని పరామర్శించటానికి వచ్చినంత మాత్రాన తెలంగాణా వాదానికి వచ్చిన ముప్పు ఏమిటి ?   దయ్యాలు వేదాలు వల్లించిన విధంగా భారత దేశం లో ఎవ్వరైనా ఎక్కడైనా ప్రశాంతంగా జీవించ వచ్చంటూ నీతి  వాక్యాలు చెప్పే తెలబాన్లు కనీసం తెలంగాణా లో విజయమ్మ పర్యటనని సైతం సహించలేక పొతున్నారు.  నిజానికి హైదరాబాదు నగరంలోనే కాక తెలంగాణా జిల్లాలలో  కూడా సమైక్య రాష్ట్రాన్ని కోరుకొనే ప్రజలు చాలా మంది వున్నారని శ్రీ కృష్ణ కమిటీ తన నివేదిక లో స్పష్టం చేసింది.  అయితే ఇటువంటి వేర్పాటు వాదుల ఆగడాలకి జడిసి దిన దిన గండంగా బతుకు వెళ్ళ దీస్తున్న వారికి - ఇటువంటి అరాచక ప్రవర్తనల వల్ల భరోసా ఎక్కడ వస్తుంది ?  ఒక పార్టీ అధ్యక్షురాలి ఒక్క రోజు పర్యటనకే భద్రత కల్పించ లేక చేతులెత్తేసిన పోలీసు రక్షణ వ్యవస్థ  ఇక సామాన్య ప్రజల కి ఏమి రక్షణ కల్పిస్తుంది ?  ముఖ్యమంత్రి నే కర్రీ పాయింటు పెట్టుకోమన్న వారు సామాన్య పౌరులకి ఏ గతి పట్టిస్తారు ?     

Wednesday, October 30, 2013

రాష్ట్ర విభజన పై జానారెడ్డి 'పంచాయితీ' !


"ఒక పంచాయితీని విభజించాలంటే ఆ పంచాయితీ తీర్మానం అవసరం లెదు.  మంత్రి హోదాలో నేను విభజించెయ వచ్చు.  రాష్ట్ర విభజన కూడా అంతే.  కేంద్రం రాష్ట్రాన్ని శాసన సభ తీర్మానం లేకపోయినా విభజించెయ్య వచ్చు. " 

విచిత్రమైన ప్రకటనల కి మారు పేరు ఐన పంచాయితీ రాజ్ మంత్రి జానా రెడ్డి గారు తాజా గా ఇచ్చిన ప్రకటన ఇది ! 

 ఇక్కడో విషయం ప్రస్తావించాలి. హైదరాబాదు నగర పరిసరాల్లోని 17 గ్రామ పంచాయితీలని హైదరాబాద్ నగర పాలక సంస్థ లో విలీనం చేస్తూ ప్రభుత్వం ఉత్తర్వులిచ్చింది. ఆ వుత్తర్వులకి వ్యతిరేకంగా ఆయా పంచాయితీలు హైకోర్టుని ఆశ్రయించగా విలీనాన్ని కొట్టి వేస్తూ గత నెలలో  న్యాయ స్థానం తీర్పు వెలువరించింది. 
  

ఈ తీర్పు వెలువరించిన సందర్భంలో న్యాయస్థానం చేసిన వ్యాఖ్యలు గమనించాలి.  పంచాయితీల విలీనం విషయంలో నిర్ణీత విధి విధానాలను అనుసరించటంలో ప్రభుత్వం విఫలమైందని, ఎటువంటి నోటీసులు జారీ చేయకుండా, ప్రజాభిప్రాయ సేకరణ జరపకుండానే విలీన ప్రక్రియని పూర్తి చేశారని  న్యాయ మూర్తి అభిప్రాయం వ్యక్తం చేస్తూ ప్రభుత్వ వుత్తర్వులని కొట్టి వేశారు.    మరి ఇప్పుడు పంచాయితీ రాజ్ శాఖా మంత్రి గా జానా రెడ్డి గారు తనకున్న అధికారాన్ని వినియోగించి కోర్టు వుత్తర్వులకి విరుద్ధంగా ఆ పంచాయితీలని హైదరాబాదు నగర పాలక సంస్థలో విలీనం చేయ గలరా ? 

రాష్ట్ర విభజన విషయమైనా అంతే !  అక్కడ విలీనం - ఇక్కడ విభజన అదే తేడా... నిర్దిష్టమైన సంప్రదాయాలు పాటించకుండా, శాసన సభ తీర్మానం లేకుండా, ప్రజాభీష్టానికి విరుద్ధంగా,  ఏక పక్షంగా సాగుతున్న విభజన ప్రక్రియ కి కూడా  ఇదే గతి పట్టక తప్పదు. 

Tuesday, October 29, 2013

రాష్ట్ర విభజన పై మంత్రుల కమిటీ(GoM) కి నేను ఇచ్చిన మెయిల్..

To
The chairman,
Group of Ministers (GoM) on AP bifurcation
( feedbacktogom-mha@nic.in )

Sir,
Following is my feed back and suggestions over proposed bifurcation of Andhra Pradesh :

“Small is beautiful !  Good things come in small packages. It may be an effective  line to sell consumer goods, but when it comes to serving the cause of the smaller states of the Indian Union, certainly not….”

At the outset, I firmly express my opinion that creation of new smaller states in India is a  ‘failed concept’ .  The creation of a new state can show various avenues to the politically unemployed persons in that region but the common man in both the mother state and daughter state will fetch nothing.   The fate of the lastly  created 3 states in India proves the same.

Uttarakhand: When floods devastated the state recently, the state administration was completely helpless and all the help rendered to the flood victims was executed with the outside support only.  The Andhra Pradesh state government itself had made its own arrangement to trace out and bring back the stranded Andhra pilgrims from that state. 


Chhattisgarh: Even after 13 years of creation of state, this is state has continued to face serious internal security problems particularly from the Maoists. The Govt. was helpless when maoists attacked and killed about 28 Congress and Salwa judum leaders on 25.05.2013. The state has not been able to control and even contain successfully the violence and extortions perpetrated by the Naxalites thereby causing a huge demand and burden on the resources of both the state and Central exchequer.  

Jharkhand: The most politically unstable state in India. In a short span of 13 years, 5 persons were chaired as Chief Minister in 9 spells and in between those spells, the state undergone president Rule 3 times. Also Its economic performance has been dipping steadily and the internal security problems created by the Maoists/Naxals continue to exist. The unemployment in the state presently is also among the highest in the country.

 At this situation, creation of a new State is not a wise decision at all. Sri LK Advani, senior BJP leader rejected the proposal for creation of Telangana State when he was Honble Union Home Minister.  He also confirmed  that – Govt. of India is of the view that regional disparities in economic development can be tackled through planning and efficient use of available resources. (copy of letter enclosed).  Now, the same BJP party is supporting the creation of Telangana. 


This is a clear example of how the political parties are taking U turns on their stand in creating a new State. BJP is only an example.  All the political parties are taking several U turns and not at all consistent in their decision for creation of Telangana.  Based on the letters issued by such political parties, Congress party decided to go for division of Andhra Pradesh state which is not at all acceptable to majority of the people in the state.  In fact, there is no consensus in the congress party itself over the proposal for division of state.  The Chief Minister of the Andhra Pradesh who belongs to the same Congress party was not taken into confidence before proceeding for division of the State.  Then how the Congress party has moral right to proceed with division based on the letters issued by  other parties?? 

Moreover, the above mentioned 3 states were created after their mother state Assemblies pass unanimous resolutions for bifurcation of their state and there is no opposition for creation of new state in either part of the mother state. But the situation in Andhra Pradesh is completely different. Majority part of the state is strongly  opposing the division of the state. In spite of the severe opposition, Union Governement proposed division of the State in unilateral manner even without a resolution from the Andhra Pradesh Assembly.  It is a fact that Central Government has power under Article 3 of the constitution for creation of a new state but that discretionary power should not be exercised  against the causes and concerns of the people pertaining to one region. The next important thing is Capital.  This is first time in India that a part of a state comprising of the developed capital willing to separate and the Central Govt. accepting the same without bothering the interests of the remaining part of the state.                  

The Union Government has constituted  Sri Krishna Committee in 2010  to examine the situation in the State of Andhra Pradesh with reference to the demand for a separate State of Telangana as well as the demand for maintaining the present status of a United Andhra Pradesh. The said Committee has taken feed back not only from political parties but also from people from all regions of the state and submitted its report after scientifically analyzing the feed back received by them.  The report of the Sri Krishna Committee was not tabled in the Parliament and proper discussion was not done in the statutory bodies regarding the suggestions given by the Sri Krishna Committee on the issue.   

Sri Krishna Committee has suggested to create Telangana state with Hyderabad as its capital and Seemandhra to have a new capital as one of its six suggestions – but only as the second best option and the separation is recommended only in case it is unavoidable and if this decision can be reached amicable among all the three regions.  But without taking considerations of the concerns of seemandhra regions, Union Government proposed unilateral division proposal which is not only favourable to Telengana region but also a big jolt to the other 2 regions of the State. While announcing the bifurcation proposal, Central Government has promised to take due considerations for concerns of the seemandhra region.  But even without settling the Capital issue, and without announcing any relief to the seemandhra region, Union cabinet approved the Note for bifurcation of the State on 03.10.2013.  A prominent issue like the bifurcation of a State was not included in the agenda for cabinet meeting and the same was put up as table item in the meeting and was approved in a hurry.  The way in which the said note was approved in the Cabinet was improper.

  1. Even though it was proposed that Hyderabad will be common capital for 10 years and it is expected to construct a new capital during this period, which is not at all feasible. Today, Hyderabad is the fully developed capital of the Andhra Pradesh state serving the needs of the people of 23 districts.  There is no other city in Andhra Pradesh comparable to Hyderabad in any aspect. All the infrastructural/commercial/educational/IT sector development was concentrated in and around Hyderabad city only.  In this position, without showing suitable exact alternative to Hyderabad, bifurcation process is not at all acceptable to the seemandhra region.

2.  Article 371 (D) was inserted in the Constitution by 32nd Constitutional amendment to do justice to the people living in various zones of Andhra Pradesh state. The central Government has no power to invoke Article 3 for creating the new state of Telangana without winding up the clause under Article 371 (D). In the 32nd amendment to the Constitution, two new articles -- 371 (D) and 371 (E) -- were inserted with the header, ‘Special provisions with respect to Andhra Pradesh’. This amendment was then inserted into the 7th schedule of the Indian Constitution which deals with the Union list, state list and the concurrent list. Article 368 clearly states that if any change is to be made under the 7th schedule, then it has to be adopted by a special majority. Both houses of Parliament have to pass the Bill with a two thirds majority. Such an amendment also has to be ratified by state legislatures. This means 50 per cent of the states have to give their nod in case the amendment has to be ratified.  Thus, the Parliament would need a national consensus on the Constitutional Amendment to create Telangana.  The states of Uttarakhand, Jharkhand and Chattisgarh were carved out of Uttar Pradesh, Bihar and Madhya Pradesh respectively by the National Democratic Alliance under the provisions of Articles 2, 3 and 4 of the Indian Constitution. The creation of these states did not pose too much of a constitutional hassle as there was no special provision mentioned, as in the case of Andhra Pradesh. Without considering all these jargon, Ministry of Home Affairs is hastily moving the division process. 
    
  1. The pro- Telangana political parties and forums are blaming the Seemandhra people for the neglect of Telangana region and are offering tall promises after the creation of the new State. However, the fact remains that it would not be possible to fulfill all these promises due to inherent factors. This does not imply that there would be no additional job opportunities and promotional avenues in the new State. Although the emotional aspirations of the people of Telangana to have their own State will be satisfied, economic expectations, including enhanced job opportunities which they expect, may not actually materialize. This may lead to frustration among the youth, professionals and even farmers. This frustration may lead to ‘ scape- goating’, leading to targeted attacks on Seemandhra settlers and their properties.

  1. There are so many separatist movements in the country like Gorkhaland, bodoland, vidarbha, etc. which are in sleeping mode now.  By creating a new state will now definitely make them to rise again and demands and agitations for so many smaller states will  hamper the development and peace of the nation. Moreover, Uttar Pradesh assembly already made a resolution to bifurcate their state and sent to Central Government earlier.  Keeping that issue pending, which is in advanced stage, the  Central Government is making proposals for division of Andhra Pradesh where there is no resolution from its Assembly.

  1. The Maoists are also likely to gain by the creation of a new state. It will be difficult for the new state to handle them with a bifurcated police force contributing to a weaker response to the problem. Telangana is  contiguous with other highly affected Maoist areas viz., Chhattisgarh and Maharashtra States. As such it is likely that the Maoists will extend their activities from these neighbouring states to Telangana, especially the districts of Adilabad, Karimnagar, Warangal, Khammam, parts of Nizamabad and Medak in north Telangana and Mahboobnagar and Nalgonda in south Telangana. It is important to note that it is not entirely a coincidence that the increased spread of Maoist violence in Chhattisgarh and Jharkhand, has been after the creation of these states.
The proposed bifurcation is not only strongly being opposed by the majority of the people in Andhra Pradesh state but also by the present Chief Minister of Andhra Pradesh who already represented Hon’ble President of India and Prime Minister of India to intervene in the matter and to halt  the bifurcation process which is against the constitutional guidelines. Still, if the Government feels the Division of Andhra Pradesh is inevitable, the following may be the best possible solution for addressing the concerns of all the 3 regions in the United Andhra Pradesh state :

The permanent capital for the Andhra and Telangana  states should be Hyderabad and Hyderabad should be made an Union Territory with extended limits as proposed in 4th suggestion of Sri Krishna Committee Report.  The larger Union Territory of Hyderabad shoud be created  by connecting Hyderabad ( HMDA) with Guntur ( Coastal Andhra)  in South- East and Kurnool ( Rayalaseema) in the South via Nalgonda and Mahboob Nagar (both Telangana districts) respectively through creation of appropriate corridors by merging a few Mandals with Hyderabad ( HMDA).   This proposal links Hyderabad to all the three regions of the State so that these regions have geographical contiguity and physical access to Hyderabad which is a  key issue in the bottleneck.   While larger Union Territory of Hyderabad to be governed with a Legislative Assembly and a Lt. Governor may have the advantage of addressing the issue relating to the status of Hyderabad and may even make Hyderabad Megapolis, an economic giant in due course and in the process help the border towns of all the three regions to grow substantially.

Tuesday, October 22, 2013

371- డి సవరణ అంత సులభమా?


రాజ్యాంగానికి చేసిన 32 వ సవరణ తో వచ్చిన ఆర్టికిల్ 371 - డి ద్వారా జోనల్ పరంగా ఉద్యోగుల/విద్యార్ధుల  ప్రయోజనాలు కాపాడ బడుతున్న సమయంలో  ఆ ఆర్టికిల్ కి సవరణ చేయకుండా  విభజన ప్రతిపాదించటం రాజ్యాంగ విరుద్ధం.   ఈ రోజు సాక్షి పత్రికలో సీనియర్ పాత్రికేయులు ఏబీకె ప్రసాద్ గారు ఈ విషయంలో సవివరమైన వ్యాసం వెలువరించారు. 

http://www.sakshi.com/news/opinion/abk-prasads-view-on-371-d-article-74765

ఆంధ్ర ప్రదేశ్ రాష్ట్ర  విభజన ప్రక్రియకు, ఆర్టికిల్ 371- డి కి సంబంధమే లేదంటూ  ఈ క్లాజుకి సవరణ మహా సింపుల్ అంటూ గోబెల్స్ ప్రచారాలు చేస్తున్న వారు ఈ వ్యాసం చదివి అయినా తమ దురభిప్రాయాలని మార్చుకుంటే మంచిది.  

Monday, October 21, 2013

సీమాంధ్ర కి బిచ్చం వెయ్యనక్కరలేదు !


రాష్ట్ర విభజన విషయంలో మంత్రుల కూటమికి తమ సలహాలని ఇస్తూ డా . ఆచార్య ఫణీంద్ర గారు లేఖ రాసారు. 

http://dracharyaphaneendra.wordpress.com/2013/10/20/గ్రూప్-ఆఫ్-మినిష్టర్స్-gomక/

రాష్ట్రం విడి పొతే సీమాంధ్ర కి ఏమేమి సౌకర్యాలు కలుగ జేయాలో విశదీకరిస్తూ పండితుల వారు కేంద్రానికి లేఖ రాసారు. సంతోషం... అయితే పండిత పుత్రుల వంటి ఒకాయన దానికి వ్యాఖానిస్తూ  అంతటి వుదారత్వాన్ని అందుకోవటానికి సీమాంధ్ర సర్కారుకి అర్హత ఉందా అని ప్రశ్నిస్తున్నారు ! ఆలూ లేదు - చూలు లేదు కొడుకు పేరు సోమ లింగం అన్నట్లు పండితుల వారి లేఖ కేంద్రం  చదివిందో లేదో తెలియదు. చదివాక వారు చెప్పిన సౌకర్యాలన్నీ ఇస్తుందో లేదో తెలియదు.  కానీ ఆ ఇవ్వ బోయే సౌకర్యాలు (?)  అందుకొనే అర్హత సీమాంధ్రులకి  లేదని పండిత పుత్ర సమానులు  తెల్చెస్తున్నారు.  ఇటువంటి వ్యాఖ్యలు, వ్యాఖ్యానాలు, ప్రకటనల వల్లే విద్వేషాలు పెరిగి సమస్యలు జటిలం అవుతాయి.   రాష్ట్ర విభజనకి ముందు వున్న ప్రధాన సమస్య రాజధాని మాత్రమె.. 1956 లో రాష్ట్రం ఏర్పడ్డాక హైదరాబాదు నగరానికి వచ్చిన మౌలిక వసతులు, విద్యా/వైద్య/ఉద్యోగ/పారిశ్రామిక  పరమైన సౌకర్యాలన్నీ 23 జిల్లాల తో కూడిన ఆంద్ర పదేశ్ రాష్ట్ర రాజధాని హోదాలో మాత్రమె  వచ్చాయి.  అలా ఉమ్మడిగా 57 సంవత్సరాల పాటు అభివృద్ది చెందిన తరువాత రాజధాని ని కలిగి వున్న ప్రాంతం విడి పోతామనటం హేతు బద్ధం కానే కాదు.  భౌగోళికంగా తెలంగాణా ప్రాంతంలో ఉన్నంత మాత్రాన రాజధాని పై హక్కులు వారివే అనటం మూర్ఖత్వం.  విడి పోతామన్న వారే కొత్త రాజధాని ఏర్పాటు చేసుకోవాలి.  అంతే తప్ప ఉమ్మడిగా అభివృద్ధి చెందిన రాజధాని ని కాజేద్దామని చూడటమే గాక సీమాంధ్రులకి ఆ సౌకర్యాలు అందుకొనే అర్హత లేదని వ్యాఖ్యానించటం ఓపలేని తనం.  విడి పోతామంటున్నది ఒకరు.. వుట్టి పుణ్యానికి తమ రాజధాని నుండి విడ దీస్తూ వెళ్ళగొట్ట బడుతోంది మరొకరు..ప్రత్యామ్నాయ రాజధాని ని ఏర్పాటు చేసుకోవటానికి 10 సంవత్సరాల గడువునిస్తూ కేంద్రం విభజన ప్రతిపాదిస్తే మూడేళ్ళు చాలని తెలంగాణా జే ఏ సి వారు సెలవిస్తున్నారు!  అలాగే ఉద్యోగుల విషయానికి వస్తే రాజ్యాంగానికి చేసిన  32 వ సవరణ తో  వచ్చిన ఆర్టికిల్ 371 - డి ద్వారా జోనల్ పరంగా/రాజధాని పరంగా ఉద్యోగుల ప్రయోజనాలు కాపాడ బడుతున్నాయి.  అటువంటప్పుడు హైదరాబాదు కి దీటుగా ప్రత్యామ్నాయ రాజధాని ని చూపకుండా విభజన ప్రతిపాదించటం రాజ్యాంగ విరుద్ధం..ఎవరు అవునన్నా కాదన్నా హైదరాబాదు పై హక్కు ని  సీమాంధ్రులు వదలుకొనే ప్రశ్నే లెదు.  హైదరాబాదుకి సరైన ప్రత్యామ్నాయం చూపే వరకు విభజన ప్రతిపాదన ముందుకి కదలటం సాధ్యం కాదు.  

లెస్స పలికిన జెపీ !


సూటిగా, నిక్కచ్చిగా మాట్లాడతారని పేరున్న లోక్ సత్తా నాయకుడు జయ ప్రకాష్ నారాయణ రాష్ట్ర విభజన ప్రక్రియ  పై చేసిన వ్యాఖ్యలు గమనించ తగ్గవి. సీమాంధ్ర ప్రజల, నాయకులని విశ్వాసంలోకి తీసుకోకుండా ఏక పక్షంగా సాగిస్తున్న విభజన ప్రక్రియ  భవిష్యత్తులో ఎన్నో విపరిణామాలకి దారి తీస్తుందని ఆయన హెచ్చరించారు.  నిజమే మరి ! ఓ పక్క లక్షలాది ప్రజలు గత 82 రోజులుగా  రాష్ట్ర విభజన ప్రతిపాదనకి వ్యతిరేకంగా రోడ్ల మీదకి వచ్చి వుద్యమిస్తుంటే కేంద్రానికి కనపడలెదు.  కానీ మంత్రుల కమిటీ కి రెండు వేల ఈ మెయిళ్ళు వచ్చాయిట ! ఏపీ లో అందరూ విభజననే కోరుకుంటున్నారని షిండే గారు సెలవిచ్చారు ! ఇంతకన్నా మూర్ఖత్వం ఎక్కడైనా ఉందా ? అసలు ఆ ఈ మెయిల్స్ ఎవరు  ఇచ్చారు? అందులో ఏముంది ఎవరు చూసారు ?  విభజన విషయంలో మొదటినుండీ తొండి  ఆడుతున్న కేంద్రం పారదర్శకంగా వ్యవహరించట్లేదు.  ప్రజల సొమ్ము వెచ్చించి నియమించిన శ్రీ కృష్ణ కమిషన్ 8 వ అధ్యాయంలో ఏమి వుందో ఈ రోజుకి ప్రజల కి తెలియదు.  రాష్ట్ర విభజన అంశం పై నియమించిన కమిషన్ నివేదిక లో ఒక భాగం రాష్ట్ర ప్రజలకి తెలియక పోవటం విచిత్రం....అంతే కాదు. శాసన సభ తీర్మానం అవసరం లేదంటూ ప్రకటనలు చేయటం కూడా అహంకారమే !  మొదటి ఎస్ఆర్సీ ద్వారా రాష్ట్రం ఏర్పడిన సందర్భంలో ఆనాడు ఆంధ్ర, - హైదరాబాద్ రాష్ట్ర విలీనాల కోసం ఆయా  రాష్ట్ర శాసన సభల్లో తీర్మానాలు జరిగాయి.  మరి విడి పోవాల్సిన సందర్భం వచ్చినప్పుడు కూడా ప్రస్తుత రాష్ట్ర శాసన సభలో తీర్మానం జరిగి తీరాలి.  రెండో ఎస్ ఆర్ సి అన్నది ఎలాగో లెదు. కేంద్రం తన విచక్షణాదికారాల తోనే రాష్ట్ర విభజన కై ముందుకు వెళుతోంది. అటువంటప్పుడు రాష్ట్రం లోని అన్ని ప్రాంతాల వారి అభిప్రాయాలకి విలువనిస్తూ, శాసన సభ తీర్మానం లేకుండా ముందుకు సాగటం సమాఖ్య స్ఫూర్తికి విరుద్ధమే!