బ్రాహ్మణులని అపహాస్యం చేయటానికి "దేనికైనా రెడీ"

ఉత్తర భారత దేశంలో సర్దార్జీ ల పై ఎన్ని జోకులు, సెటైర్లూ వున్నాయో, దక్షిణ భారతంలో బ్రాహ్మణుల పై  అన్నే వున్నాయి. అయితే హాస్యం హద్దులు దాటనంత వరకు ఆస్వాదించి ఆనందించ వచ్చు కానీ అప హాస్యం స్థాయికి చేరితే వికటిస్తుంది.  వరుస ఫ్లాపులతో కొట్టు మిట్టాడుతున్న తన కొడుకు విష్ణు తో మోహన్ బాబు తీసిన "దేనికైనా రెడీ" సినిమా విషయంలో ఇదే జరిగింది..అసలు ఈ సినిమా దర్శకుడు నాగేశ్వర్ రెడ్డి గతంలో తీసిన "సీమ శాస్త్రి"  కూడా బ్రాహ్మణ వర్గం పై పైత్యం వెళ్ల గక్కినా, ప్రేక్షకులు ఆదరించారు. దాంతో ఆ పైత్యం ఇంకా ముదిరి మోహన్ బాబు తో కలిసి దేనికైనా రెడీ అంటూ ప్రేక్షకుల ముందుకి వచ్చాడు.  ఇటువంటి వికృత హాస్యం తో కూడిన సినిమాకి సెన్సార్ సమస్య రావటంలో ఆశ్చర్యమేమీ లేదు! ఇంకా సెన్సార్ అధికారిణి దయతో చేసిన కటింగుల వల్ల ఆ వికృత హాస్యానికి కొంతైనా బ్రేక్ పడింది.. కానీ సెన్సార్ బోర్డు పై నానా రభస చేసి, సెన్సారు అధికారిణి ధనలక్ష్మి ని నానా దుర్భాషలాడి, సెన్సారు సర్టిఫికేట్ మోహన్ బాబు పొందటం చూస్తె నోరు గల వాడిదే రాజ్యం అని తేలుతోంది..సెన్సారు బోర్డు ఆమోదించి సర్టిఫికేట్ ఇచ్చాక, కెమెరామన్ గంగ తో రాంబాబు చిత్రం విషయంలో తెలబాన్లు ప్రతిపాదించిన అర్ధం పర్ధం లేని కటింగులని చిత్రం నుండి తొలగించటం కూడా వారి నోటికి జడిసే అన్నది సత్యం...అయినా ఏనాడో తన అసెంబ్లీ రౌడీ చిత్రం లోనే పంతులూ పంతులూ పావు శేరు మెంతులూ అంటూ బ్రాహ్మణులని వెటకారం చేసే పాట పెట్టిన మోహన్ బాబు నించి ఇంతకంటే గొప్ప కళా ఖండం ఆశించటం అవివేకం... "వినాశ కాలే విపరీత బుధ్ధి"....