విద్యార్ధులే వెర్రి గొర్రెలు!

రాష్ట్రంలో ఇటీవల జరిగిన బందులు, అల్లర్లలో జరిగిన నష్టాన్ని అందుకు కారణమైన వారినించే వసూలు చేయమని హైకోర్టు వుత్తర్వులివ్వటం హర్షదాయకం. ఈ సందర్భంగా మహబూబ్ నగర్ లో మల్లికార్జున్ అనే విద్యార్ధి అరెస్టు అయ్యి బెయిలు కోసం కోర్టుకు వచ్చాడు. కోర్టు అతన్ని లక్ష రూపాయల డిపాజిట్ కట్టమని ఆదేశిస్తే అంత స్తోమతు లేక అతను చేతులెత్తేసాడు. తమ ఉద్యమాలకి విద్యార్ధులని పావులుగా వాడుకున్న వారు ఎవరైనా అతన్ని లక్ష రూపాయలు కట్టి విడిపిస్తారా?? విద్వేషాల్ని రెచ్చగొట్టిన ఈ నాయకులు, మంత్రులు మొదలైన వారు మాత్రం అరెస్టు అయ్యి అత్తారింటికి వెళ్లి వచ్చినట్లు పొలిసు స్తేషన్లనుంచి బయటకి వచ్చేసి తిరిగేస్తున్నారు. వారి చేత రెచ్చగొట్ట బడిన విద్యార్ధి మాత్రం బలి పశువులా జైల్లో వున్నాడు. కనుక విద్యార్ధులు దీన్న్తో గుణ పాఠంగా తీసుకొని రాష్ట్ర విభజన లాంటి అనవసర విషయాల్లో తలలు దూర్చకుండా వారి చదువులు, భవిష్యత్తు పై దృస్టి పెడితే మంచిది.